المشاركة الأصلية كتبت بواسطة Ahmed Anwer
الصين بلد محترمة ، و ناس شغالة و بتفكر و بتقلد
انا سافرت الصين قبل كده معارض دولية هناك
بيبقي عارض كذا موديل من نفس الماكينة ( مكبس ) مثلآ
يقولك ده تقليد الألماني و ده تقليد الإيطالي بمنتهي الصراحة معندهمش حاجة اسمها تصميم و ده عين العقل ميضيعش وقته و يبتدي من حيث انتهي الآخرين ،، هما لسه هيدرسوا محرك الإحتراق الداخلي ؟؟؟
و علي فكرة الألمان و الإيطالين بيعيطوا من الصين بمعني الكلمة و مش عارفين يعملوا معاهم ايه و مصانع الآثاث مثلا بتقفل هناك و تتفك و تتباع
و الإيطالين عشان نصابين شوية ( مش كل برنيطة تحتها ملاك و إحنا مش الشياطين الوحيدين في العالم ) معظمهم دلوقتي بيصنع في الصين و يبيع المنتج علي انه ايطالي و انا متأكد من ده في كذا حاجة
و المستوردين المصريين قللوا الإستيراد من ايطاليا لما اكتشفوا كده
و كمثال في ماركة شهيرة في مجال اكسسوارات الآثاث بيبعها واحد من اكبر التجار المصريين علي إنها صناعة الإتحاد الأوروبي
لما كنت في الصين قابلت صاحب المصنع و فاجئني بإنها مجرد العلامة التجارية بتاعته اللي بتنزل اوروبا
و طبعا المستورد المصري لو قال عليها صيني محدهش هيشتريها بالسعر ده ،، فبيضطر يعمل كده لإنها نفس جودة المنتج الأوروبي تماما
نفس المصنع الصيني ده بيعمل حاجات مخصوص للسوق المصري باسعار التراب سألته علي الفرق قاللي خامات مختلفة و اللي رايح مصر بيصنع بمكن يدوي اللي رايح اوروبا بيتصنع بمكن اتوماتيك و كله بيشتغل
حاجة تانية في مجالي برده مثلآ الفوم و الأقمشة و الجلود المستخدمة في صناعة الآثاث امريكا بتشترط انه يكون من نوعية معالجة ضد الحريق ( مفيش حاجة اسمها ضد الحريق 100% بس مقاومة للحريق شوية )،، طبعا إحنا عندنا حاجة زي دي و لا تفرق فنفس المصنع بيطلع لمصر نفس المنتج بنفس الشكل بس ارخص عشان النقطة دي متفرقش لمصر
في حكاية معروفة بس مش فاكرها تحديدا عن شركة سوفت وير امريكية قفلت فرعها في الهند لما اكتشفت إن الهنود هما اللي بيخترعوا و يطوروا كل حاجة و عندهم كل know how مش ناقصهم غير التسويق ‘‘ قفلوا فرعهم هناك عشان خايفين منهم
الصين و الهند مصنع العالم و الدول المتقدمة كلها بتناقش إزاي تواجه الزحف القادم ده