تفاصيل تركيب الانذار لكارينز فى مركز خدمة القطامية

السلام عليكم
رحت مركز القطامية علشان اشوف اية حكاية تركيب الانذار دة اللى مضايقنى
الاستقبال كان كويس والناس متفاهمة وقلت للمهندس انا عندى انذار بس عاوز اركبة عنكم مش عاوز الانذار بتاعكم قالولى فية اوامر من الشركة ان لازم الانذار بتاعنا هو اللى يركب علشان لو فية مشكلة يبقى هما اللى مسئولين
ثمن الانذار 285 والتركيب 320 ودة عبارة عن 4 ساعات شغل كل ساعة ب 80 جنية مش عارف لية والتكلفة الاجمالية حوالى 680
دلوقتى انا مش عارف اعمل اية برة هركب انذار ب 200 جنية شامل ثمنة وتركيبة يعنى حوالى 500 جنية فرق ياريت يا جماعة تشورو عليا

اتكل على الله وركبه فى مكان مشهود له بالكفاءة

التوكيل من فترة كان بيسمح بالتركيب بره - اعتقد انه

بيحاول يعظم مكسبه - تركيب الانذار من الحاجات البسيطة

ونادرا ما يسبب ضرر وبعدين 4 ساعات شغل ليه حاجة مش منطقية ابدا

انا لو فى مكانك هركبه خارج التوكيل

لان كده استغلال بصراحة - الامر متروك لك فى النهاية

حضرتك لو بصيت للموضوع ده ببساطة

اي انذار هيكون من 160 -- 350 جنيه و فيه حاجات ب 700 جنيه

فسعر الانذار بتاعهم متوسط
اما موضوع ساعات التركيب فدي هتدفعها علشان تركب اي حاجة في التوكيل ودي قصاد ضمان ضفيرة الكهرباء
يبقي ياما الضمان او التوفير
وافتكر ان العربية جديدة واحنا مش عارفين ايه مستخبي

اعتقد ان 320 جنيه مش كبير اوي قصاد الضمان

شكرا للردود

خليك فى التوكيل احسن علشان الضمان.والافضل انك تركب فى ابو رواش وعلى فكرة تركيب الانذار وصيانة الالف فى ابو رواش استغرقوا 3 ساعات فقط لاغير والتكلفة الكلية كانت 1090جنيه. وبعدين ضمان 5 سنين حرام انك تضيعوا علشان فرق 500 جنيه او حتى 1000 جنيه.هذه نصيحة لوجه الله وانت صاحب القرار فى النهاية.

طيب هى ايه شكله الكوبرا اللى عندهمسىء قوى يعنى ؟؟

http://www.nilemotors.net/Nile/116672-a.html

توكل على الله وركبه فى التوكيل عشان الضمان

حضرتك ممكن تشتري الجهاز وهما يركبوهولك في التوكيل علي فكرة في ناس عملت كدة مع عربيات سيراتو وكارينز
انا انصحك بالجهاز ال spy 2 way 5000 m

اقتباس:

---

المشاركة الأصلية كتبت بواسطة mmmero

السلام عليكم
رحت مركز القطامية علشان اشوف اية حكاية تركيب الانذار دة اللى مضايقنى
الاستقبال كان كويس والناس متفاهمة وقلت للمهندس انا عندى انذار بس عاوز اركبة عنكم مش عاوز الانذار بتاعكم قالولى فية اوامر من الشركة ان لازم الانذار بتاعنا هو اللى يركب علشان لو فية مشكلة يبقى هما اللى مسئولين
ثمن الانذار 285 والتركيب 320 ودة عبارة عن 4 ساعات شغل كل ساعة ب 80 جنية مش عارف لية والتكلفة الاجمالية حوالى 680
دلوقتى انا مش عارف اعمل اية برة هركب انذار ب 200 جنية شامل ثمنة وتركيبة يعنى حوالى 500 جنية فرق ياريت يا جماعة تشورو عليا

---

مستر mmmero يا ترى ركبت الانذار وللا لسة ... أفيدنى افادك الله.

والله ياباشا انا عامل عملية فى ركبتى رباط صليبى ومش بتحرك من السرير ولسة حتى العربية معملتش فيها اى حاجة

اقتباس:

---

المشاركة الأصلية كتبت بواسطة MMMERO

والله ياباشا انا عامل عملية فى ركبتى رباط صليبى ومش بتحرك من السرير ولسة حتى العربية معملتش فيها اى حاجة

---

:s1[1]:
أنا آسف جداً لازعاج حضرتك وألف سلامة .... مع أطيب تمنيانى بالشـــفاء العاجـــل باذن اللــــه

متشكر لذوقك وانشاء الله اول ما اعمل حاجة حقول

اقتباس:

---

المشاركة الأصلية كتبت بواسطة MMMERO

والله ياباشا انا عامل عملية فى ركبتى رباط صليبى ومش بتحرك من السرير ولسة حتى العربية معملتش فيها اى حاجة

---

ألف سلامه عليك

ألف سلامة مع أطيب تمنيانى بالشـــفاء

اشكر الاخوة فى المنتدى على ذوقهم

الف سلامة يا باشا و ان شاء الله تقوم بالسلامة