انا عايز اشتري قسط عن طريق البنك وسقف الاسعار بالنسبه لي 50000 مقدم والقسط الشهري لا يتعدي 1000 لاقصي مدة تقسيط على ما اعتقد 90 شهر..... مع العلم ان انا لسه مبتدئ جدا في السواقه .. وياتري اشتري اليومين دول ولا استني للصيف ..ارجو منكم النصيحه.
عرض للطباعة
انا عايز اشتري قسط عن طريق البنك وسقف الاسعار بالنسبه لي 50000 مقدم والقسط الشهري لا يتعدي 1000 لاقصي مدة تقسيط على ما اعتقد 90 شهر..... مع العلم ان انا لسه مبتدئ جدا في السواقه .. وياتري اشتري اليومين دول ولا استني للصيف ..ارجو منكم النصيحه.
فى رنـج السعر دا فى كتيــر
طب حضــرتك عاوز ايه من العربيه , يعنى ايه اهم متطلباتك فيهــا ؟؟؟
مانيـوال ولا اوتــو ؟؟؟
عاوز عربيه منتشره , ولا متوسطه الانتشـار , ولا حاجه مميزه ؟؟؟
ممكم التفاصبل
لانسر 1600 مانيوال ب 110
النترا مانيوال ب 93
اوبترا مانيوال ب 89
انا هاقوللك الفروق من خلال تجربتى للعربيتين فترات طويله
اوبترا اوتوماتيك 2008 ولانسر 1600 اوتوماتيك 2005
قوة الموتور متقاربه اللانسر 105 والاوبترا 107
بس اللانسر المانيوال أخف من الاوبترا المانيوال ب 115 كجم ودا طبعا فرق مش قليل وممكن يدى أفضليه للانسر من حيث التسارع
صوت الموتور فى اللانسر أعلى من الاوبترا
العزل فى الاوبترا أفضل
باور اللانسر أتقل من الاوبترا
فرامل اللانسر افضل من الاوبترا وطبعا مزوده بنظام Abs Ebd
الوسع الداخلى تقريبا زى بعض بس الاوبترا أوسع بفارق بسيط
الارتفاع عن الأرض الاوبترا أعلى من اللانسر 2005
لكن اللانسر الحاليه اعتقد اعلى من القديمه نظرا لانهم غيروا العفشه وبقت بتنزل بجنوط 15 وكاوتش عريض 195
لان القديمه كانت بتنزل ب جنوط 14 وكاوتش 185
الاوبترا برضه جنوطها 14 وكاوتش 185 لكن مفيش اى مشاكل بخصوص العلو او الثبات
واعتقد الثبات هايكون متساوى بين العربيتين فى الوقت الحالى
لأن اللانسر 2005 ثباتها مش حلو اوى والاوبترا تتفوق عليها
العفشه فى العربيتين ممتازه وقويه
بخصوص الكماليات والتجهيزات
اللانسر تتفوق بالفرامل Abs Ebd و 1 ايرباج للسائق
الاوبترا تتفوق فى بعض الكماليات مثل راديو كاسيت مع فتحة Aux لتوصيل iPod او CD او Mp3 والاريال مدمج بالزجاج الخلفى ويوجد فتحة تبريد فى التابلوه
باختصار انا باحس ان الاوبترا هى اللانسر الكورى :)
اللانسر بوجه عام أفضل من الاوبترا
لكن مش بفارق 21 الف فى المانيوال و 25 الف فى الاوتوماتيك
ودا رأيى الشخصى
وربنا يوفقك
بجد الف شكر ليك يا حسام باشا على التفصيل ده . بس انا هاتقل عليك كمان شويه و عايز رأيك بخصوص ان انا مبتدئ في السواقه فيه ناس نصحتني اجيب مستعمل لحد ما اتعلم كويس
انا رأيى الالنترا عربية حلوة
العفو
فعلا من الأفضل انك تتعلم كويس جدا قبل ماتشترى زيرو
ممكن بال 50 الف اللى معاك تجيب فيرنا او لانوس موديل قريب وحالته كويسه
ولو لقدر خبطتها مش هاتزعل اوى لانها مش جديده وهاتتصلح بسهوله
ولو احتاجت صيانه او قطع غيار فحاجتهم متوفره فى كل حته ورخيصه مش هاتكلفك كتير
وبعد سنه ممكن تغير وهاتخسر بالكتير 5000 لما تبيع
وتجيب زيرو بقى ويمكن حال السوق يتغير السنه الجايه وتبقى فى عربيات جديده افضل او العربيات ترخص
بالتوفيق
النترا اوتو
شكرا جزيلا لك علي النصيحهاقتباس:
المشاركة الأصلية كتبت بواسطة momopersona;3872243477[size=5