والله يا اخي انا رأي الشخصي في سؤالك هو كالأتي:
- العربية اللوجان لسه جديدة في السوق لم يتم تجربتها بعد علشان حد يحكم عليها وموش هتبان قبل سنة كمان لما تبتدي مشاكلها ونشوف اخبار صيانتها ايه وقطع غيارها وسعر إعاد البيع لها وإن كان معروف عن الرينو عامة انه بيحتاج ميكانيكية مخصوصين وكمان إعادة بيعها بتكون صعبة ياعني عربية تقيلة في إعادة البيع (بس الكلام ده ممكن اللوجان تغيره ما حدش هيعرف يقولك ايه إلي هيحصل) بس اللوجان كتجهيزات هي اعلي من الانوس
- انا كنت متحير زيك كده وكانت نفسي رايحة للوجان خالص لكن في الأخر عقلي نتيجة التفكير بطريقة إقتصادية بحتة اختار الانوس وذلك لأنها صيانتها اسهل وقطع غيارها متوافرة واكيد ارخص وفيه صنايعية كتير دلوقتي بيفهموا فيها وكمان سعر إعادة البيع كويس وسريعة البيع هي بس تكنولوجيا قديمة في الموتور وشكل قديم
بس بيني وبينك بلدنا دي إلي الواحد ممكن لو حته واخدة العربية في حضنك في شقتك برضجك ممكن تلاقي واحدة خبطهالك فبالتالي لما جيت اختار
اخترت العربية إلي ممكن اعرف اتصرف معها وفيها بسهولة
وفي الأخر اوصيك بصلاة الإستخارة وربنا المستعان في كل الأمور
المفضلات