عازمكم على تشيز كيك من عمايل ايدى لا واية بالصور والخطوات كمان
طبعا مع الملل والكلل وزحمة الامتحانات فكرت اروح لحبيبى المطبخ واعمل تشيز كيك طبعا والدتى عملتلى فرح لانها عارفة انها هيا الى هاتنظف المطبخ بعد ما ابهدلة هههههههه
اممم
اقولكوا
ولا ما اقولكوش
اقولكوا
ولا ما اقولكوش
اقولكوا
ولا ما اقولكوش
شكلكم جعانين ههههه هادخل على طول
اول حاجة المقادير
4 كوب جبن كريمى او جبنة كيرى او جبن لافاش كيرى (اى جبنة عندك بدون ملح بس طبعا مش هانحط جبن قريش ونقول مانفعتش) انا استخدمت جبنة كيرى بالقشطة
2 بيضة كامة (هههه اكيد مش بالقشر)
4 جرام فانيليا (انا لقيت اكياس صغيرة الواحد جرام ف حطيت 4 علشان تعرفوا انى شاطر فى الرياضة)
كمية بسكويت مجروش مناسبة (المقدار حوالى ربع كوب لكل كوب جبنة مش قلتلكوا شاطر فى الرياضة)
4 ملاعق زبدة او زيت
ونحط 4 ملاعق كبيرة سكر (انا بحبها من غير صوص فحطيت 5 ملاعق سكر علشان تبقى حلوة فخد بالك لو انت هاتحط عليها صوص شيكولاتة او فراولة او ....بص انت حط الاول حوالى 3 ملاعق سكر بس وبعدين هاقولك امتى تزود السكر
ونضربهم بالمضرب ضربا مبرحا ههههههههه
http://img215.imageshack.us/img215/894/092o.jpg
لحد ما نلاقى شكلهم بقا كدة ومافيهمش قطع من الجبنة وندوق ونشوف عاوزين سكر تانى ولا لا (هنا بقا الى عاوز يزود سكر يحط براحتة)
http://img215.imageshack.us/img215/5600/093i.jpg
بعدين نجيب البسكويت (انا حطيت بسكويت ويفر لانة لذيذ جداااا وطعمة حلو وبالذات لانى مش هاحط صوص زى ماقلتلكم (خلى بالكم ان المقدار هوة باكيت بسكوت لكل كوب جبنة)
http://img259.imageshack.us/img259/705/094yx.jpg
وبعد ما نجرش البسكويت نحط الزبدة او الزيت (4 ملاعق زى ما قلنا ) ونحط معلقتين جبنة من الى عملناها ونقلب البسكويت مع الجبن والزيت كويس
ونحطهم فى صينية ونحط فوقيهم الجبنة الى عملنها
http://img686.imageshack.us/img686/296/095b.jpg
ودة شكلها بس كانت لسة سايحة ماجمدتش كويس (اصلى كنت نازل الدرس ومستعجل وقلت انى لازم اكون اول واحد يعملها )
قبل الاكل
http://img511.imageshack.us/img511/3189/098f.jpg
بعد الاكل هههههههه
http://img268.imageshack.us/img268/3122/099x.jpg
بالهنا والشفا
مع تحيات الشيف اوكتوووو هههههه (بس حد ييجى يغسل الطبق هههههه)