سؤال جديد عن الايرباج للجين2

السلام عليكم يا شباب
انا بس عندى سؤال انا عايز اعرف الاير باج اللى فى العربية ممكن يتعملة اغلاق بمعنى ان لو حصل حادث لقدر اللة ميفتحش علشان على حد علمى ان تكاليف تركيبة تانى غاليييية جدااااا فعايز اعرف لو فى زرار فى الجين ممكن اقفل بية نظام الايرباج
شكرا

هو مافيش زرار بيعمــل كده ... بس اظـن ممكن تروح التوكيــل وتفصــل السينسـور بتاعهم

لو مهتـم ... هابقى اتاكدلك من الموضـوع دا...

.
.

وعلى فكره الاير باجز برا التوكيل اسعــارها معقـوله

الـ 2 اير باجز استيــراد - حوالــى - 3000 : 3500

.
.

وربنــا يحفــظ طريقنــا يــارب

تحيـــــــــــــاتــــىhttp://i122.photobucket.com/albums/o.../th_eclown.gif

بس الإيرباج بيخرب التابلوه على ما أظن وبالتالى تكاليف التصليح غالية لتغيير التابلوه , صحيح ؟

انا هبعد عن الموضوع شويه معلش
اظن ان الاختراع اللي اسمه اير باجز مهم والا مكاننوش اخترعوه (ولا ايه رأيك )
زي حزام الامان بالظبط اللي ممكن يكون وسيله لانقاذ حياة شخص من الموت
كفانا الله واياك شر الحوادث
يبقى مش معقول هنلغي اوبشن المفروض انه ينزل استاندرد في العربيه اصلا
وربنا يحميك من شر الطريق وكل ملاك السيارات

اقتباس:

---

المشاركة الأصلية كتبت بواسطة د.محمود صلاح

بس الإيرباج بيخرب التابلوه على ما أظن وبالتالى تكاليف التصليح غالية لتغيير التابلوه , صحيح ؟

---

الايرباجز في التوكيل يا دكتور محمود بأرقام خياليه 15 الف جنيه مصري
في حين انه بره التوكيل مبيجيبش ربع التمن ده تقريبا

اقتباس:

---

المشاركة الأصلية كتبت بواسطة musiccairo

انا هبعد عن الموضوع شويه معلش
اظن ان الاختراع اللي اسمه اير باجز مهم والا مكاننوش اخترعوه (ولا ايه رأيك )
زي حزام الامان بالظبط اللي ممكن يكون وسيله لانقاذ حياة شخص من الموت
كفانا الله واياك شر الحوادث
يبقى مش معقول هنلغي اوبشن المفروض انه ينزل استاندرد في العربيه اصلا
وربنا يحميك من شر الطريق وكل ملاك السيارات

---

+11111

تحياتى يا ميوزك

انت كده بعد الشر حا تحافظ علي العربية للورثة

حياتك وحياه اللى جنبك اغلى بكتيييييييييييييييييييييي ييييييييييييييييييييير من ثمن الايرباج

على فكرة انت لو مش رابط الحزام الايرباجز مش هتتفتح

اقتباس:

---

المشاركة الأصلية كتبت بواسطة mohamed_3abdel3al

على فكرة انت لو مش رابط الحزام الايرباجز مش هتتفتح

---

يعني كدة انتحار رسمي, من غير ولا ايرباجز ولا حزام

:angel::funny34d:

شكرا لكل الاعضاء كلام مظبوط بس معلش الايرباج دة كان حيبوظ وش واحد صاحبى وكمان واحدة زميلتى فى الشغل معاها عربية يابانى جديدة سويفت بردة عملت حادثة واتعورت بردة وكمان قالت ان الايرباج دة فاشل

اقتباس:

---

المشاركة الأصلية كتبت بواسطة batoot556

شكرا لكل الاعضاء كلام مظبوط بس معلش الايرباج دة كان حيبوظ وش واحد صاحبى وكمان واحدة زميلتى فى الشغل معاها عربية يابانى جديدة سويفت بردة عملت حادثة واتعورت بردة وكمان قالت ان الايرباج دة فاشل

---

اتعورت بس مخبطتش في الدركسيون او الازاز كانت لا قدر الله ماتت او اتخرشم وشها

اقتباس:

---

المشاركة الأصلية كتبت بواسطة batoot556

شكرا لكل الاعضاء كلام مظبوط بس معلش الايرباج دة كان حيبوظ وش واحد صاحبى وكمان واحدة زميلتى فى الشغل معاها عربية يابانى جديدة سويفت بردة عملت حادثة واتعورت بردة وكمان قالت ان الايرباج دة فاشل

---

شوية خدوش مش احسن من الموت (الموت مش شر)

انا رافض فكرة الغاء الايرباجز تماما ( حضرتك مش خايف على حياتك ولا ايه ) بعد الشر عليك طبعا
مش الوقايه خير من العلاج ؟؟ والاحتياط واجب ؟؟

انا عاوز اوصل لحضرتك ان مواصفات الامان في السياره مش هتقل ابدا عن انك لا قدر الله في موقف وحش وبتحاول تحافظ على نفسك وعلى اللي حواليك بشتى الطرق

والله خايف عليك
بلاش تصمم على الفكره دي
الامان الامان الامان
واسأل شاهد


هحكيلك قصه صغيره اوي
خالي رحمة الله عليه كان معاه 128 كانت لسا متجدده وهو كان في عز شبابه (ادعيله بالرحمه)
شاء ربنا ان العجل يفرقع ويدخل في كتلة اسمنت من اللي بيتثبت عليها عامود النور
ويشاء ربنا ان الخبطه دي ادت بيه الى الوفاه
عاوز اقولك ان النص الامامي كله كله دخل فيه حتى الموتور توفى في ساعتها
عاوز اقولك ان مكانش فيه عظام للصدر سليمه ولا عظام الرأس دا غير الكسور اللي في بقية الجسم
وكان في ناس جمبو اتحدفوا من العربيه 10 متر (تخيل) في الصحراء وربنا لطف باللي معاه بشوية كسور في الايد (لدرجة ان في عظام اتفتت) والرجل وجروح في العين (لدرجة ان العين طلعت كلها لبره) والله لو كنت شفت كنت عيطت من المنظر
ومازلت اثار الحادث موجوده حتى الان (مسامير وتشوه في الرجل مطرح العمليات وخلافه)
على فكره الحادث من 5 سنوات تقريبا او اكثر

ايه رأيك في الامان اللي مش موجود في 128 وموجود في عربيتك
ربنا يحفظك من شر الطريق ويبعد عنك الشر

انا مش متأكد من موضوع انك لو مش رابط الحزام دي الايرباجز مايفتحش !!!

ياريت تأكيد لانه اتذكر قدامي في بعض انواع السيارات ومنها النيو سيراتو ان ناس كانت مش رابطه الحزام وطارو من الزجاج والايرباجز فتحت

ولكن انا ضد انك عشان توفر فلوس تلغي بند امان في السياره

بعد الشر هتنفع في ايه العربيه بعد مايصيبك مكروه ويمكن يكون الايرباجز سبب لانقاذك

تحياتي وخليك متفائل

يا راجل الناس بتدفع فيه فلوس هو و الفرامل الـ abs تيجي أنت و عايز تلغيه, أنت كنت إشتريت فيرنا بقي ولا لانوس..!!! أوفر

مع كامل احترامي تفكير غلط تماماً
عيد التفكير تاني واهم حاجة مش الفلوس او الخساير ( انت اهم من فلوس او تابلوه او اي احجة ممكن تتعوض )

تقبل تحياتي

لأ يا باشا.... تتحرق العربية بس سلامة الناس اللى راكبنها أهم والله

وبعدين خد بالأسباب وسيب كل حاجة بعد كده على الله

وربنا يسترها معانا جميعا يااااااااااااااااارب

متشكر يا احلى شباب صحيح التفكير مع الناس احسن من التفكير لوحدى وانا شبة اقتنعت بكلامكوا وشكرا لانكوا بجد كلامكوا مفيد جدا

اقتباس:

---

المشاركة الأصلية كتبت بواسطة musiccairo

شوية خدوش مش احسن من الموت (الموت مش شر)

انا رافض فكرة الغاء الايرباجز تماما ( حضرتك مش خايف على حياتك ولا ايه ) بعد الشر عليك طبعا
مش الوقايه خير من العلاج ؟؟ والاحتياط واجب ؟؟

انا عاوز اوصل لحضرتك ان مواصفات الامان في السياره مش هتقل ابدا عن انك لا قدر الله في موقف وحش وبتحاول تحافظ على نفسك وعلى اللي حواليك بشتى الطرق

والله خايف عليك
بلاش تصمم على الفكره دي
الامان الامان الامان
واسأل شاهد


هحكيلك قصه صغيره اوي
خالي رحمة الله عليه كان معاه 128 كانت لسا متجدده وهو كان في عز شبابه (ادعيله بالرحمه)
شاء ربنا ان العجل يفرقع ويدخل في كتلة اسمنت من اللي بيتثبت عليها عامود النور
ويشاء ربنا ان الخبطه دي ادت بيه الى الوفاه
عاوز اقولك ان النص الامامي كله كله دخل فيه حتى الموتور توفى في ساعتها
عاوز اقولك ان مكانش فيه عظام للصدر سليمه ولا عظام الرأس دا غير الكسور اللي في بقية الجسم
وكان في ناس جمبو اتحدفوا من العربيه 10 متر (تخيل) في الصحراء وربنا لطف باللي معاه بشوية كسور في الايد (لدرجة ان في عظام اتفتت) والرجل وجروح في العين (لدرجة ان العين طلعت كلها لبره) والله لو كنت شفت كنت عيطت من المنظر
ومازلت اثار الحادث موجوده حتى الان (مسامير وتشوه في الرجل مطرح العمليات وخلافه)
على فكره الحادث من 5 سنوات تقريبا او اكثر

ايه رأيك في الامان اللي مش موجود في 128 وموجود في عربيتك
ربنا يحفظك من شر الطريق ويبعد عنك الشر

---

استاذ محمود ربنا يصبركوا و فعلن التجربه صعبه.

كلام حضرتك صح 100*100 و خلاف كده الاير باج لما بتفتح معنها ان العربيه باظت من الامام يعني احمد ربنا اني اطلع منها سليم. و في دهيا الفلوس. ..................