شكر مزدوج للعقيد خالد و المواطن كريم منير
السلام عليكم
طبعاً هو الموضوع مش جديد عليهم بس هو من باب أعطاء كل ذى حق.....جزء ضغنن من حقه :)
عربية مراتى كانت أتخبطت فى الباب الأمامى يمين مع حكة فى الرفرف الأمامى و الباب الخلفى يمين برضه لأن العربية اللى خبطتها خبطتها و هى بتعدى تقاطع.
أنا من زمان بتعامل مع سمكرى معروف و مشهور فى الحرفيين إن شغله كويس جداً و غالى جداً فى نفس الوقت......المرة دى كانت الحالة المادية فى الضياع و مش هتسد معاه و كمان هو بياخد راحته فى الشغل....و برضه دى مش هتنفع معايا أكتر من الفلوس
نطت فى دماغى أكلم المواطن كريم منير القاطن بجسر السويس و أشوف السمكرى اللى بيتعامل معاه و اللى بعض الأعضاء اللى هنا بتشكر فيه و كريم مشكوراً كلمه و وصاه عليا.
رحتله و ظبطت و سبت العربية و كل اللى فى دماغى : لو طلع الشغل وحش أعمل أيه فى كريم؟؟؟؟؟؟ :POINTI~2[2]:
ميعاد الأستلام كان أمبارح بس أنا مكنش عندى وقت أستلم بالنهار و قررت أستلم النهاردة بناءً على نصيحة العقيد خالد اللى أصر أنه يجى معايا نستلم العربية.
بسم الله ما شاء الله و لا حول ولا قوة إلا بالله كان بيطلع حاجات فى دهان العربية تفوت على ناس كتير بتفهم ( أنا بفهم برضه بس على قدى فى موضوع السمكرة و الدهان ) يعنى بيطلع حاجات لا ترى بالعين المجردة :colsmil:
لأ و أيه.....أستلمنا و خلصنا ( كنا رايحين الحرفيين بعربيتى ) و أحنا راجعين صمم أنه لازم يوصل معايا العربيتين البيت و أنا أرجعه عند عربيته تانى عشان مش أروح مدينة نصر أوصل العربية و أرجع بتاكسى لعربيتى فى مساكن شيراتون
ربنا يجازيكم عنى كل خير و يكرمكم بمساعدتكم للناس و ما يحوجكم لحد :ask: