كاسيت اللوجان وال aux

**I.S.L.A.M** · 01-01-2010 12:29 AM

المشاركة الأصلية كتبت بواسطة hobby10

فعلا انا نسيت ان اللوجان مافيهاش مكان ل الشرايط !!لو فى فتحه سي دى ممكن توصل جاك من الفتحه ل جاك الموبايل وتسمع اغانى الموبايل وكمان انا بعمل كل المكالمات عن طريق سمعات العربيه

انا مش فاهم اى حاجة ممكن شرح مفصل عشان فهمى تقيل فى موضوع الصوتيات

**ramy_gamal** · 01-01-2010 02:33 PM

المشاركة الأصلية كتبت بواسطة hobby10

فعلا انا نسيت ان اللوجان مافيهاش مكان ل الشرايط !!لو فى فتحه سي دى ممكن توصل جاك من الفتحه ل جاك الموبايل وتسمع اغانى الموبايل وكمان انا بعمل كل المكالمات عن طريق سمعات العربيه يعنى موريح جدا من ناحيه مخالفه الموبايل

انا مش فاهمة ازاى حستخدم الشريط مع كاسيت سى دى ؟؟؟؟؟؟؟؟؟

بيبقى فى فتحه مكتوب عليها سي دي ان يتوصل عليها الجاك مش مكان ال سي دى نفسه ( موجودة فى كاسيت ال سبرانزا ال 113) وموجود بعض الكاسيتات العاديه

**Egyzizo** · 01-01-2010 10:28 PM

للأسف ما عندناش الـ CD in برضه ..
ما هو يا جماعة الـ CD in هى الـ Aux اللى كنا بندور عليها ومالقيناهاش ..

**zkralla** · 01-01-2010 11:00 PM

يا جماعة أنا مش عارف اقولكم أيه
أنا الصراحة مش بفهم أى حاجة فى موضوع الصوتيات ده أنا يا دوبك بشغل سى ديه عليه القرأن كله ولما اولادى بيكونوا معايا اشغل ال fm
اقولكم عشان ابقى شاركت برضه بحاجة
كل سنة وأنتم طيبين عام 2010

**abohalmos** · 01-01-2010 11:12 PM

طب يا جماعة انا مرة قريت مشاركة فى قسم بروتون عن كيفية عمل وصلة aux

فى كاسيت بلوبنكت زى اللى فى اللوجان ..... ممكن حد يشوف الموضوع ده لو ينفع

عشان هما الاتنين بينزلوا بنفس الكاسيت على ما اعتقد ........؟؟؟؟؟؟؟

انا بحب اللوجان اوى و بحب اساعد

**hobby10** · 01-01-2010 11:54 PM

المشاركة الأصلية كتبت بواسطة abohalmos

طب يا جماعة انا مرة قريت مشاركة فى قسم بروتون عن كيفية عمل وصلة aux

فى كاسيت بلوبنكت زى اللى فى اللوجان ..... ممكن حد يشوف الموضوع ده لو ينفع

عشان هما الاتنين بينزلوا بنفس الكاسيت على ما اعتقد ........؟؟؟؟؟؟؟

انا بحب اللوجان اوى و بحب اساعد

ما هو فعلا حضرتك انا روحت علشان اوصلها وكانت النتيجة هى الللى قولت عليها فى اول الموضوع ... انه للاسف منفعش

**abohalmos** · 02-01-2010 10:38 AM

ايه ده يعنى الواحد عشان يشغل حاجة من الموبيل او اى بود يغير الكاسيت و لا ايه الحل ؟؟؟؟؟

**kojyad** · 02-01-2010 01:45 PM

يا جماعة الحل الاكيد فعلا ان الواحد مايستخصرش في لوجي ويغير الكاست احسن , وانا اتأكدت انه ملوش علاقة بالضمان
إلا لو بوظت حاجة في كهربة الكاسيت , هي بس الي تتصلح بفلوس
لاكن باقي العربية في الضمان
انا شلت الكاست الي فيها وحطيط واحد lg تحفة ب 750 وفيه كل الاوبشن الي ممكن تستخدمها وفيه شاشة انيميشن بتعرض كلبات متسجلة تحفة , واجمل حاجة ان الاضائة بتاعتة ماشية جدا مع العربية
هي مش برتقالي بس هي كمان احمر مع شوية ازرق بسيط
عاملة كونتراست تحفة , مش لازم تبقى برتقالي بس عشان تبقى حلوه
ولو خدتو بالكو الرسمة بتاعة ازرار التكييف فيها احمر وازرق
- واحسن حاجة انه الجاك بتاعه هو هو الي بيركب في الكاست البلوبانكت الي فيها, من غير اي لحام او وصلات , شيل وركب بسسسسسسسسسس
- الكاسيت سينترينو وليه اربع اوضاع للشكل والحركة
لو حد مهتم وعايز يشتريه ممكن اقوله على التفاصيل والمكان
- بس يكون ناوي عشان اصوره .

**abohalmos** · 02-01-2010 02:41 PM

ازيك يا كوجى باشا

عامل ايه ؟؟؟؟ و اخبار لوجى معاك ايه ؟؟؟؟ يا رب يسعدك بيها ان شاء الله

انا يا صديقى جى القاهرة على يوم الثلاثاء ان شاء الله عشان اجيب لوجى فول اوبشن من واحد معرفة قسط ان شاء الله ......و ربنا يكرم بخير

انا عاوز اعرف اكتر عن موضوع الكاسيت ده ..... لانه بصراحة معايا اى فون و نفسى اموت اشغله و اسمع منه فى العربية ان شاء الله .... و ياريت يا كوجى تنزل صور الكاسيت و تقوللى بيجاب منين و كده .......

و برضه الفرش جبته منين و لونه ايه و سعره و كده .... انا عارف انك جايب لوجى نبيتى ...... مش كده ؟؟؟؟؟؟؟

و ياريت برضه اخبار العربية معاك فى الاداء و السحب ؟؟؟؟؟؟؟؟؟؟؟؟

**kojyad** · 02-01-2010 04:36 PM

ازيك يا دكتوووووووووووووووووووور
عامل ايه وفين اراضيك ؟

انا الحمد لله تمام ولوجي زي الفل ماشاء الله
انا عامل دلوقتي حوالس 1800 كيلو بس
والسحب ماشاء الله ممتاز , العربية جرَاية فعلا , واكتر حاجة كنت خايف منها السحب بس ماشاء الله تمام والثبات ممتاز
- الحاجة الوحيدة الي مزعلاني " المارشدير " بيعض احيانا
بس مش مشكلة قوي وبتتظبط في الصيانة

الكاسيت من ميدان الحجاز - مصرالجديدة, عند واحد توكيل كبير ومحل نضيف قوي , وفيه وفتحة aux عشان ال Iphon وكدة
- mp3 , شاشة انيميشن , راديو , سينترينو , مريح جدا في التعامل مع الcd وتحويل الفولدرز او الاغاني , وممكن تشغل الاغاني عشوائي او بالترتيب او تعمل اعادة مستمرة للاغنية , او بحث للاغنية
عن طريق سماع مقاطع فقط ......... وحاجات تانية لسة مجربتهاش
في تظبيت الصوت والموود , وممكن تغير وضعة بشكل افقي
- عموما تعالى بس وانشاء الله هاقبلك افرجك عليه واروح معاك لو حبيت نشتربه ,
مقولتليش هتجيب لون ايه ؟؟؟