هل فيه اسباب بتعمل اهتزاز فى الفتيس والعربية واقفة على السلانسيه ؟
عرض للطباعة
هل فيه اسباب بتعمل اهتزاز فى الفتيس والعربية واقفة على السلانسيه ؟
اعتقد ان السلانسيه لو ارتفع شوية الرجه دى هتروح ( خلى الأر بى ام على 9 مثلا وانت على السلانسيه ) ,
جرب انك تضغط برقه على البنزين وانت واقف لحد ما تخلى الآر بى إم 9 او 10 وشوف الرجه دى راحت ولا لأ
ايوه حتروح يا استاذ محمود ,,
لأ مش هتروح
مشكورين للرد على الموضوع
بس أنا كنت بأسال على أيه الاحتمالات الى ممكن تسبب ده اصلا ؟
ما هو التفسير ان العربية لو دايره وال أر بى ام واطى جدا أكيد هترتج لعدم انتظام الدورة لقلة كمية البنزين الداخلة للبساتم
,, وعلى العموم مش عايز أفتى ,, ممكن تكون فيه ردود من الاعضاء المهندسين أكثر تفسيرا
متابع بس ياريت معلومات أكتر عن عربية حضرتك
أنا شايف ان مفيش احتمالات خصوصا" ان عربية حضرتك زيرو
الأحتمالات طبعا" مش هتفيدك لأنها مش عند حضرتك وهى اتساخ بوابة الهواء مثلا" وحضرتك بتقول ان العربيه 2010 يبقى ازاى ؟؟؟
معلش هسألك سؤال
العربيه عامله كام كيلو ومعلش سؤال تانى
أكيد حضرتك ركبت لوجان زيها
لقيت فيها نفس الرعشه ؟؟؟
هو فعلاً ده أحد الأسباب ، ان الكهرباء تكون واطية شوية فتحصل رجرجة تروح برفع بالضغط قليلاً على البنزين ، أو بتعلية كهرباء السيارة .. بس مش ده السبب فى كل الأحوال ، وفيه أسباب تانية
أنا معنديش اهتزاز
فيه ناس تانية مش بتشتكى منه
بس فيه احتمال برضه أن يكون أن فيه بعض الناس مش بتحس بيها رغم وجودها
بس أنا كنت عاوز اتكلم عن الموضوع بصفه عامة مش على عربية معينة علشان ابنى قاعدة من معلومات عن الموضوع بصفه عامة وبعد كده اطبق الكلام ده على اللوجان
عشان كده باسأل عن الاسباب بصفه عامة عشان افهم الموضوع ككل
أيه الى يخلى الماتور يتهز على عدد لفات قليلية ولما عدد اللفات يزيد شويه الاهتزاز ده يروح بظبط
يعنى مثلا ممكن يكون التاكيهات ليها علاقة بالموضوع ده ؟
أنا هقول لحضرتك الحاجات اللى بتبرجل الموتور
البوجيهات - أسلاك البوجيهات - ضعف شرارة الموبينه - كتم فلتر البنزين - ضعف طلمبة البنزين - شبه انسداد فى بخاخات الأنجكشن - بنزين ردئ - انسداد بوابة الهواء بسبب دخول أتربه من فلتر الهواء - حساس الأيدل والtps - وحاجات تانيه بس دول هما المنتشرين فى السيارات الحديثه وعمرهم ما أجتمعوا فى سياره واحده .
يا باشا الف الف شكر
بس ليه سؤال كمان وانا معنديش خيرة فى الانجكشن
أن كان مرة العربية 127 متورها بيتهز ورحت عند الميكانيكى فتح التاكيهات شويه فالماتور اتظبط
ومرة واحد صاحبى كان عنده نفس المشكلة فقدم الكهربا شويه عن طريق الاسبراتير بس كانت عربية 128
هل الكلام ده ممكن يحصل مع العربيات الحديثة ؟
مش كل العربيات
فيه عربيات فيها أسبراتير وخارج منها كبلات البوجيهات على طول
وفيه عربيات كبلات البوجيهات خارجه من الموبينه .
وممكن تكون الهزه من التاكيهات لو الموتور كان فيه شغل ميكانيكا قديم
وممكن تكون من قواعد الموتور .
انا هقولك علي الهزه اللي بتروح لو تم الضغط بسيطا عالبنزين
بافتراض ان ترتيب البساتم بارقام 1-2-3-4 من اليمين مثل
ا
فالحاله دي دوره اشواط البساتم مش بتبقي بنفس الترتيب ورا بعض
لكن بتكون 2 ثم 3 ثم 1 ثم 4
وزلك حتي يكون هناك تماثل تقريبا حول محور الماتور الطولي
فيقلل الاهتزاز نتيجه تنافي تناغم اتجاه دوره المكابس مع الذبذبه الطبيعيه للماتور كجسم واحد
كلما ذادت سرعه دوره المكابس - اللي هيا في نفس الوقت سرعه الماتور - كلما ابتعدنا عن احتماليه التناغم - اللي هوا ظاهرة الرنين - او بمعني اخر ابتعدنا عن نقطه تلاقي زمن الاهتزاز الطبيعي لجسم الماتور مع زمن اهتزاز دوره المكابس وده لان الذبذبة الطبيعيه للماتور كجسم واحد بتبقي قليله نسبيا وبالتالي قله الارتجاج
الف شكر يا باشا
بس أنا برضه مش وصلانى المعلومة قوى أنا فهمت الجزء بتاع أن البساتم بتشغل كل 2 مع بعض يعنى يبقى فيه 2 طالعين فوق والاتنين التانين نازلين تحت يكبسوا وهكذا بالتبادل
بس مش فهم أيه الى بيحصل لما نرود بنزين فيخلى الاهتزاز يقل يعنى ايه الى بيخلى التناغم مش مضبوط عند 600 لفه ويضبط عند 1000 لفه
العفو يا باشا ده واجب علينا
انا هحاول اوصل لحضرتك المعلومه واعزرني ان كانت بشكل مش واضح
دلوقتي اي جسم في الدنيا بيبقي ليه حاجه اسمها التردد الطبيعي او ال Natural frequency و معناه ببساطه عدد الاهتزازات اللي هيعملها الجسم ده فالثانيه لو حصل واتخبط فجأه من اي قوه خارجيه - ثبت مسطره من طرف في الحيطه ودوس علي طرفها التاني لتحت وسيبها هتلاقي طرفها الحر ده طالع نازل كزا مره بتردد معين - هوا ده بقي التردد الطبيعي بتاعها
كلما اقترب تردد القوه المؤثرة - واللي هيا دوره المكابس في حالتنا - من تردد الجسم - واللي هوا الماتور في حالتنا - كلما زاد مدي الحركه - يعني هيزيد حركه الماتور تحت تاثير تردد دوره البساتم وبالتالي هتحس اكتر بالرجرجه
والعكس صحيح
كلما ارتفع تردد القوه المؤثره - يعني لما تزود تردد دوره البساتم عن طريق زياده سرعه الماتور - فكده احنا بنبعد عن مجال التردد الطبيعي للماتور وبالتالي بيقل مدي الحركه وبالتالي قله الشعور بيها
لا يا باشا مش عيب صناعه - بس هما ما يقدروش يوصلو العربيه لزيرو رجرجه لان معني كده انهم هيعلو الايديال بتاع الماتور اكتر من اللازم وده هيبقي بنزين وجهد مفقود
وبالنسبه للعلاج انا والله مش متأكد منه لكن انا هقولهولك زي ما مهندس صاحبي قالي
الحل حاجه من الاتنين
ممكن انك تهوي كراسي المكينه شويه لو عايز تفضل علي سرعه السلانسيه الخفيفه وهتلاقي الرجه راحت
أو ممكن تزود بالف الايديال زي ما قال الاخوه فوق وتضحي بشويه بنزين وجهد وانت عالسلانسيه وبرضو هتلاقيها راحت
وبرضو نستني حد من الاخوه اهل العلم والخبره يقطعونا الشك باليقين فالحلول دي
طيب بعد اذن حضرتك بالنسبة للحل الاول هل ليه عيوب زى الحل التانى ولا حيبقى كله تمام ؟؟ ... وايه هى كراسي المكينه دى ؟؟؟
كمان انا عندى سؤال نفسى اعرف اجابته ... هل فعلا العربيات الانجكشن مينفعش انى اعلى او اوطى الموتور بتاعها ... لان الكمبيوتر بتاع العربية هو اللى بيظبطها اوتماتيك ؟؟؟؟؟؟؟
وعموما انا اللى حاسة انه مسبب الهزة دى هو ... اما بوجيهات او اسلاك البوجيهات او ان الموتور عاوز يعلى شوية ككهربة يعنى .... وعندى ملحوظة انا العربية عندى فيها هزة فى الجسم نفسه كمان غير هزة الفتيس ده بالاضافة انى متهيقلى ان هزة الفتيس عندى اكتر من اللى الاخوة بيتكلموا عنها .... وفى صيانة ال 5000 اكتشفوا ان عندى بوجيه اسود ... وقاللولى انهم غيروه ... الله اعلم هم غيروه فعلا ولا لأ .... السؤال بقى ايه اللى يخلى البوجيه الفابريكة كمان يسود على ال 5000 بالرغم انه المفروض يتغير على ال 20000 ... وكمان حتى لو غيروا البوجيه مش ده المهم الاهم ايه السبب وهل حلو السبب ده ولا لأ ؟؟؟؟؟؟ .... كل الاسئلة دى للأسف انا مش عارفة اجابتها .................. اسفة على الاطالة بجد .. بس انا متضايقة شوية من الموضوع ده ومن عدم فهمه اكتر بصراحة ....... شكرا
ممكن يكون نوع البوجيهات ردئ مش لازم يكون العيب من العربيه
هيه العربيه بتاكل معاكى زيت أو فيه دخنه طالعه من الشكمان؟؟
بالنسبة للبوجيهات هى بوجيهات الفابريكة ومعرفش نوعها ولا حاجة الصراحة
بالنسبة لبتاكل زيت ... اعرف ازاى اذا كانت بتعمل كده او لأ ؟؟
بالنسبة لدخنة طالعة من الشكمان ... معتقدش ان فى دخان ولا حاجة بتطلع من الشكمان
وشكرااااااااا على اهتمامك .. وفى انتظار رد حضرتك
بتاكل زيت يعنى الزيت بينقص بطريقه ملحوظه
بيتعرف بالمقاس
يعنى قبل ما تدورى العربيه الصبح لازم العربيه تكون على مكان مسطح أو معدول علشان المقاس يبقى مظبوط
أرفعى مقاس الزيت وشوفى مستواه .
تانى يوم نفس الموضوع أو بعديها بيومين أو تلاته
لو لاحظتى نقصان فى الزيت أو تغيير سريع للون الزيت يبقى فيه حاجه مش مظبوطه .
ولو البوجيه عند تغييره ظهر عليه تبخير زيت برضه يبقى فيه حاجه .
مأظنش بصراحه وجود أى شئ من الكلام ده علشان العربيه جديده .
برضه جربى ولاحظى أى جديد علشان تطمنى وان شاء الله خير .
متاااااااابع