الموضوع: بورا

السلام عليكم ورحمة الله وبركاته
ممكن حضرتك تراجع هذا الموضوعhttp://www.nilemotors.net/Nile/96206-a.html

المشاركة الأصلية كتبت بواسطة mesho_kimi

بص حقولك حاجه البورا فى ناس كتير اوى بتشتكى من ثباتها بس ده لو انت من هواة الجرى غير كده تبقى عربيه ممتازه

ياباشا قول كلام غير دا البورا من العربيات الثابته جدا دا من عيوبها اللى هى فى الأساس ميزه قله ارتفاعاها من على الأرض وطبعا كلنا عارفين الكلام دا معناه أيه معناه ثبات ألا أذا التجربه كانت فى عربيه فيها مشكله فى العفشه

المشاركة الأصلية كتبت بواسطة rabeden

مشكور يا باشا على اللينك، يعنى بعد التجربة تديها كام من 10، واية رأيك فيها لو نويت إن شاء الله أجبيها عربية تستاهل ؟؟؟؟؟

السلام عليكم ورحمة الله وبركاته
يا باشا انت تأمر
انا رأيى فيها انها ممتازة ممتازة وتوكل على الله وابحث عنها اهم حاجة الحالة تكون 100 100
وهى فعلا عربية تستاهل طبعآ بلا ادنى شك
وربنا يوفقك

أولا السلام عليكم جميعا,
أنا صاحب الموضوع اياه, و يمكن لسه مقفلتش الموضوع لأن فاضل حاجة واحدة معملتهاش, و لكن المهم تم حل مشكلة الثبات الكاتن واجهتنى أول ماشتريت العربية عن طريق الأتى:

1- تغيير الجنط الكان فى العربية بأخر استيراد أصلى 15 (1500 ج) و ده كان مسببلى رجة عالية فوق ال 80 و طلع السبب انه كان محتاج رنجات و كانت الفردة القدام يمين مفهاش الرنج
2- تركيب كاوتشات جديدة (بريدجستون تورانزا يابانى gr80) ب 600 ج الفردة
3- تغيير المساعدين الخلفى و جبت جوز مونرو (750 ج)
4- تغيير البطاحات و بلى البطاحات و جلب المقصات و بارات دريكسيون داخلى (استيراد) و كاوتش ميزان (دول كلفوا فى حدود 900 ج تقريبا).
النتيجة تحسن الثبات بصورة شديدة و حل معظم مشاكل العفشة و مفضلش غير تغيير المساعدين الامامى (لأنها متركب فيها بيلاشتاين بس ناشف جدا لدرجة شكنا أنا و الميكانيكى انه لا يمتص الصدمات و البديل هوا المونرو ب 900 ج أو الأصلى من عند الشهابى ب 1500).
(يوم أمس رحت العين السخنة رايح جاى بمتوسط سرعة 160 - 180 بدون مشاكل الحمد لله)
- طيب عربيتى أتوماتيك و يعنى البيضايقنى أوقات انى نازل من سبكترا مانيوال سى سى1600 كانت بتجيب 200 عادى و سحبها عالى جدا, لكن البورا الأتوماتيك سحب أقل طبعا و سرعة قصوى أقل فى مقابل رزانة و ثبات و شياكة البورا, سواقتها ممتعة بصراحة.
فلو ناوى توكل على الله لكن ركز جدا فى التدوير و خد وقتك عشان تلاقى حالة و لو غلبت ابتدى دور على أوكتافيا a4 موديل أحدث.

المشاركة الأصلية كتبت بواسطة mesho_kimi

بص حقولك حاجه البورا فى ناس كتير اوى بتشتكى من ثباتها بس ده لو انت من هواة الجرى غير كده تبقى عربيه ممتازه

عربية مش ثابتة يا راجل حرام عليك وبجد والله حرام عليك هو انت متأكد انك بتتكلم عن البورا وانها مش ثابتة
شكلك كدا ما ركبتش بورا قبل كدا ولو حتى ركبت ممكن تكون ركبت او سوقت بورا فى الضياع والكنافة
انا اخويا كان عندة بورا من سنة 2001 لسنة 2008 والعربية ما شاء الله ثابتة ثبات رهيب كان ثباتها بيقارب ثبات المرسيدس العيون موديل 99 ودا عن تجربة العربية دى انا كنت بجيب ال 180 ةماشى عادى جدا ومش حاسس ان العربية بتجرى او خفيفة طب دا لو البورا خفيفة وهى بتجرى خليت اية للالنترا والسيراتو والدايو والكلام دا كلة شكلك كدا بتقصد عربية تانية وانت مش واخد بالك