الموضوع: هلوسة

الولاد
طب ليه يا أبني ؟؟
قاعدين نشيش
وساعات نحشش
وكل عام فوق الولاد بيزيد ولاد
أما الفتوة
فأزداد بقوة
من المال زكايب
مهو كل صفقة
له فيها نايب
أما الرجال
حسرة عليهم
في كل يوم بيزيدوا خايب
متبس يبني
ويلا أبعد
دا الحال دا عال
داحنا غلابة
وورانا أحنا كومين عيال
ودا حال حارتنا
اللي شافوها
وقالوا عليها
تحفة عمارة
.....
فرح الفتوة
فيه جاه وقوة
اليوم هيبقى
بالغصب نحضر
حاضر يا سيدي
أنا جاي حالا بعد الفطار
منا أصلي صايم
يمكن عبادة
أو حتى عادة
منا بطني دايما
مفيهاش زيادة
أما الفتوة
دقوله زار
وأيشي ضرب نار
والكل جامل
والكل حضر حتى الأرامل
مين دي يا عبدة ؟؟
قام عبدة قالي
اللي بترقص ؟؟؟
أيوة يا سيدي
قام رد عبدة
دي مراة سمارة
جاية تجامل سيدها محارة
ودا أيه كمان
جايبين حمام
شايف يا عبدة
لحمه في برام
لألأ يا جاهل
دا سمك فيليه
منا أصلي بيه
بصيت لعبده وريقوا بيجري
عشمان هياكل
أبقى قابلني
قصر الحكاية
أنا لي غاية
أيه هي أنجز ؟؟
عاوزكوا تحكوا
حكاية حارتنا
اللي زاروها ولما شافوها
قالوا عنها دايما
تحفة عمارة
.....
في يوم غريب
ظهر الفتوة
تقولش ديب
في أية يا عبدة
يا وقعه سودة
فيه أيه متنطق
محارة أصله رايح يأدب عم لبيب
طب ليه يا عبده
طب منتا عارف ودانه تسمع حتى الدبيب
وذنبه أيه عم لبيب ؟؟؟
دبر مؤامرة
ودي حاجه غبرة ؟؟؟؟؟
طبعا يا سيدي
وفجأة صرخة طلعت تدوى
من بق خضرة وعم علوي
قتلوا لبيب
وهي تصرخ
ضاع الحبيب
سكتوا الرجال
قال فيه رجال
دا معادش فيهم أي نخوة
يمكن غلابة
لألأ دي غابة
و الغش سايد وبقا شطارة
وفضلت حارتنا
على حالها لكن
اللي يزوروها
يقولوا عنها
تحفة عمارة
.....
في ليلة ضلمة وعتمه كحل
في التربة نايم عم لبيب
وخضرة واقفه في أيدها ماسكه الواد نجيب
حلفت متسكت
صرخ لبيب
مبلاش يا خضرة
يا بت ردي وأسمعيني
مخلاص يا سيدي
أنت في مكان غير المكان
وخضرة لسه بدون ودان
صرخ لبيب وخضرة ماشية
صوني نجيب
ربيه يا بت وأسقيه حليب
طب مين هيسمع
لا خضرة سمعت ولا محارة
وكل يوم يعمله غارة
وفضلت حارتنا درب الحيارى
اللي يزوروها
يقولوا عنها
تحفة عمارة
.....
كبر نجيب
ووقف يصرخ وسط الحارة
نبوتي جاهز هاتوا محارة
في أيه يا واد ؟؟
دا جواب محارة
أما نجيب صرخ وقال
وحياة جمال
لازم هتدفع تمن اللي فات
مش أبويا مات ؟؟
صرخ محارة وأنت وراه
ضربوا نجيب مقالش اّه
وطب ساكت
وخضرة تبكي على اللي فات
والكل بارك والكل هنا
كلب وراح
وخلصت حارتنا من النواح
وفضلت حارتنا زي ما هي
لما يزوروها
يقولوا عنها
تحفة عمارة
.....
مات نجيب
وخلفه جمال أبنه الحبيب
كان غرضه طيب
لكن شرارة
دراع محارة
رجع حارتنا وصاحب جمال
والدنيا لسه حالها عال
لكن شرارة حول جمال
تاني لمحارة
ورجع النواح
ورجع سمارة
ورجعت حارتنا لأيام محارة
لأ زادت أكتر
البيه دا أصله غاوي جدال
ودخل في عركة مع الشمال
وضاعت حارتنا
وغار جمال معاه شرارة
في الوقت اللي
فضلت حارتنا
اللي يزوروها
يقول عنها
تحفة عمارة
.....
حسن فتوة ورا جمال
كان واد جدع وقلبه مات
أما حارتنا كلها
حلفت ترجع اللي فات
ووقف حسن ووراه رجال
وطاردوا في حارتنا الإحتلال
ورجعت حارتنا
تاني مزار
علشان يجوها
ولما يشوفوها
يقولوا عنها
تحفة عمارة
.....
مخلاص يا عبدة
كمل يا سيدي
لأ هنا شطب الكلام
لأ قول وكمل
مش حسن راح
طب مين تلاه
أحكيلنا يلا بوجه عام
يا عبدة أفهم
ما أقدرش أكمل
ليه ليه يا سيدي
بدل الودان فيه مية ودان
أنا أصلي عايش وكله تمام
قام عبده قايل
دا كلام عيال
أخرس يا عبده
دي الحالة عال
داحنا غلابة
وورانا يبني كومين عيال
وفضلت حارتنا
اللي يزوروها
لما يشوفوها
يقولوا عنها
تحفة عمارة

** تمت **