عرض للطباعة
عربيتى شيفورليه لانوس 2009 عامل بيها 6000 كم و انا بزود الكاوتش كالمعتاد فى البنزينه اللى فى أول عباس العقاد و فوجئت بتاع الكاوتش (الاسطى محمود) بيقولى الفرده اللى قدام يمين ناقصه أوى و حط ميه بصابون لقى فققاقيع و لما رفع العربيه و عد الثقوب لاقاهم 10 .......
راح حاطط 10 خوابير (اتكلفت 60 جنيه) عايز اعرف كده كتير ولا معقول وانا سمعت ان الخوابير الناس بتحذر منها فهل اسيبها كده و لا الحمها أحسن .................اسف للأطاله :ask:
10 خروم اشتغلك جامد قوي كمان
حط الأستبن مكانها
على ماتشوفلك أستبن تانى
أصل كده واضح أن حالة الفرده دى تعبانه
ولا يفضل أقتنائها بالسياره
فقد يكون بها عيوب صناعه
زى عملية بخبخه أثناء تصنيع الفرده دى
ولم تدخل على مرحلة مراقبة الجوده أثناء التصنيع
والتخلص منها واجب فى هذه الأحوال
حصل لي موقف مماثل كنت في اول شارع شبرا وكان معي فيات 132وكان الكوتش شنبر مش تيوبلس واشتغلني في 30 جنيه وكان سعر الداخلي 10 جنيه الكلام ده في عام95 بس كان معايا ابني تعبان ولازم امش بسرعه علي الدكتور
فعلا ده حل تانى
ممكن يعملها داخلى ويخليها أستبن برضه
وتمشى أمورك شويه
على أساس أن الأستبن أستعماله قليل
ومجرد أحتياطى
وبالذات لوكنت مابتسافرش بالعربيه مثلا
وأستخدامك داخل نطاق القاهره
على أساس لو فرده أنخرمت
حتركب الأستبن ( اللى أحنا رافضينه )
على ماتعالج الفرده اللى أتخرمت
وقد لا يحدث معاك أى أخرام لفتره كبيره
على ماتبقى تغيرك جوز فرد فيما بعد مع الأستهلاك
10 أخرام وعملهم خوابير كتير جدااااااااااااااااااااااا اا
3 ينيموا الفردة في 1-8 ساعات يعني أكيد الأخرام مش 10 كانت الفرد هتبقى في الأوض ومش هتعرف تمشي
لو الفرد اتلحمت بالخوابير مش هينفع ترجع تلحمها مكواة اللحام هيفك بسرعة ، لازم تتلحم من الأول مكواة صح أو لحام على البارد زي لحام الكاويتش الداخلي
الفردة دي لو مشيت بيها غالبا الخوابير هتفتح وهيبقى شكلها شبه فاكهة التين ، هتروح عند أي حد هيعملك خابور على الخابور والكاويتش هينتهي
أنا لو مكانك هاغير الكاويتش ده بأي نوع جديد ، لأن الإستبن لا يقل أهمية عن الكاويتش الراكب ، علشان لو فردة نامت والإستبن نام هتتعطل ومش هتلاقي حد يساعدك وخصوصا لو بالليل أو لو انت في مكان بعيد
وعلشان تركن العربية وتنزل تغير الكاويتش بنفسك هتتعب جامد وهتبهدل هدومك وهتعطل مصالحك غير الكلاكسات والدوشة
وخلي بالك تاني مرة لو عايز يلحم 100 خرم وانت مضطر خليه يعملهم على البارد أو مكواة كله بتمن واحد ومش بيبوظ الكاويتش
نصيحة مني هات كوتش جديد الكويتشات رخيصة جدا الايام دي انا جبت الكومهو الكوري ب210
شغلانة النصب بتاعة الخوابير دي لسه شغالة؟؟؟؟؟؟؟؟؟؟
ده اسمه تفتيح شغل وسمعتها بودنى من صنايعى كاوتش تاب الى الله من العمايل دى
معلش حصل خير
هو الخابور اساسا ب 3 جنيه
وحمدلله على السلامة
يا اخوانا بتوع الكاوتش اللى فى البنزينة دى حرامية ونصابيين ومعدومى الضمير و فى موضوع فى المنتدى حذر من التعامل معاهم
انا شغال فى العمارة اللى فوق البنك اللى ملاصق للبنزينة وكل كام يوم بالصدفة بنشوف بتوع الكاوتش اللى فى البنزينة وهما بينصبوا على الناس بس احنا مش عارفين نعمل معاهم ايه بالظبط
ياريت اللى عنده حل او فكرة يعرضها هنا
الحل اننا نروح عند محل كاوتش ناس متخصصة فى الشغل بتاعها لكن البنزينة ليهم اختصاصات تانية
لا حول ولا قوة الا بالله العلي العظيم
وحسبنا الله ونعم الوكيل فيمن يقوم بظلم وخداع الناس
اعتقد إلي حد كبير جدا انها اشتغالة وعملية نصب معتادة من عمال البنزينة وموش عارف ليه بتوع البنزينة بالذات بيعملوا الحركة دي
10 خروم حصلوا ازاي في فترة بسيطة
معلهش وربنا يعوضها في حاجة تانية ويجازيهم بنواياهم حسبما تكون
واكيد انا متفق مع الأخوة غلي بيقولوا أشتري فردة جديدة احسن
لأن مواقف الكاوتش دي بتكون في اوقات واماكن غلسة ورخمة
انت اتنصب عليك يا باشا
بالعقل كدة ازاى 10 اخرام مرة واحدة كدة؟؟؟ و لو فعلا الاخرام دى من حاجة فى الطريق دوست عليها يبقى ازاى جت فى عجلة واحدة؟؟
دى من اشهر طرق النصب اللى بيعملها بتوع الكاوتش اللى فى البنزينات
MMamdouh
شاكر لجميع من ردوا على بالنصيحه و رجاء من الخبراء تحذير زوار المنتدى الكريم من التعامل مع هذه البنزينه(أول عباس العقاد) و افادتى بأفضل أنواع الكاوتش اللى اجيب فرده بدل اللى اتخرمت و الأسعار بالتقريب و شكرا.....................
اى حد يدخل بنزينه وحد من اللى واقفين يقولك العجله نايمه قوله خليك فى حالك
فى اقصى الظروف لو انت فعلا لقيتها نايمه روح لبتاع الكاوتش اقف جنب العجله وقوله زودلى دى , متخليهوش ابدا يكشف عليها ولا يمسكها بأيده
هيقولك طيب اعدلى الدركسيون او طلعلى العربيه سنه قدام والكلام ده كله هيروح ضارب فيها مسمار ويخرمهالك بجد فمتسيبهوش قاعد جنب العجله وعينك مش عليه , الافلام دى كلها حصلت معاى وخسرتنى عجلتين
اشهر بنزينه نصابين فى الموضوع ده بنزينه شل اللى فى اول طريق الاسماعيليه بعد السلام
هي حركه مشهوره
وفى حركة تانية
انا رايح اغسل العربية فى بنزينة موبيل ومعرفش المكان بالظبط
المهم بسأل العامل بيقولى هاركب معاك واوديك على المكان يقوم منزلنى عند بتاع الكاوتش فى ظهر البنزينة وهوب يظبطلك الهواء ويقولك تمام ويلهف 3 جنيه لييييييييييييه؟؟؟؟
طب يعم انا مش جاى اظبط الفرد أساسا !!!!
الكلام ده فى بنزينة موبيل اللى جنب قصر الثقافة بالاسماعيلية
النصب بكرة يدرس للطلبة في المدارس
مفيش شغلانة ربنا يرحمنا من اللي بينصبوا باسمها
آسف مشاركة مكررة برجاء الحذف
شاكر لجميع من ردوا على بالنصيحه و رجاء من الخبراء تحذير زوار المنتدى الكريم من التعامل مع هذه البنزينه(أول عباس العقاد) و افادتى بأفضل أنواع الكاوتش اللى اجيب فرده بدل اللى اتخرمت و الأسعار بالتقريب و شكرا.....................:120146b
اسوء بنزينه في العالم كله بلا منازع
انا جربتها مره وحلفت منا رايح تاني
تحس انهم ممكن يخرمولك الكاوتش وانت واقف ويقولك الفرده نايمه
شغل حراميه
ربنا يعوض عليك ياباشا في الاشتغالة دي
وزي ما اخواتنا في المنتدي قالولك وبالذات الكبير سمير بيك
وهي لو الظروف تسمح غيرها ولو ما تسمحش ابقي اركنها ك استبن لحد ما ربنا يكرم
ونصيحة تانية
اوعي تسيب العجلة اللي فيها مشكلة تغيب عن عينيك لحظة في ايد الصنايعي ولا تقولي ثقة ولا بتنجان عينيك في راسك تعرف مش عارف ايه
وحصل خير ان شاء الله
استحالة فى السعر و استحالة فى عدد الاخرام
اقتباس:
المشاركة الأصلية كتبت بواسطة msfahim
بلاش تشترى ركب الإستبن واللى اتخرمت خليها هي الإستبن
نفس الي حصل معايا في البنزيه ديه وكانوا 10 برده واتخنقت معاااااه ورميتله 30 جنيه و مشيت
شكلهم نصابين كبااار اووي
تبلغ عنهم اكيداقتباس:
المشاركة الأصلية كتبت بواسطة mohsen
انا حزرت كتير من الموضوع دة بقالى سبع سنين اول لما بدعوها لبستها بيبقا فى قيدة شكاك بيخرم بيها العجلة ومش هتاخد بالك منة ابدا
ياباشا الخابور بيبوظ العجلة و يقطع الاسلاك الاى جوه العجلة
و دة بيتعمل فى العجل القديم على اساس انة قيتغير
افضل الانواع الهنكوك الكوري hankook وبيعمل في حدود 230 جنيه ..وفيه واحد اسمه علي صبره في احمد سعيد ..ده موزع معتمد عنده انواع كتير ومقاسات كتيراقتباس:
المشاركة الأصلية كتبت بواسطة msfahim
يا جماعة دة نصب
محدش يصلح اي كاوتش عند اي بنزينة دول عالم نصابين
اقتباس:
المشاركة الأصلية كتبت بواسطة محمد فريد
أنا باجيب الـ 4 خوابير بـ 5 جنيه من أي محل أبو الجوخ بتاع العجل وبالذات اللى في شارع مصر والسودان قريب من موقف بولاق لأن دا أول واحد أعرفه يعني الواحد يقف بـجنيه وربع دا غير إن هما كمان لما بيعملوه بيقسموا الخابور الواحد تلات حتت
وعلى فكرة عندي كمان الدراع اللى بيتحط بيه الخابور في العجل وسيليسيون ولما بيحصل حاجة في العجل باعملها بنفسي وكل دا بسبب القرف اللى شفته من أمثالهم اللى حتى ما بينفعش معاهم الخناق
بس بصراحة في واحد بتاع عجل قصاد الشرطة العسكرية اللى عند المحاكم العسكرية في شارع ذاكر حسين في مدينة نصر للي يعرف المنطقة دي عنده ضمير بحد وحتى حسابه حلو هوة والصبيان اللى عنده بس مش فاكر إسمه
وبالمناسبة البلوف التيوبلس باجيبها كمان من التوفيقية بجنيه البلف وكل دا طبعا قطاعي كمان مش جملة
اقتباس:
المشاركة الأصلية كتبت بواسطة most_wanted
اللى زي دا آخره 5 جنيه تمن فك وتركيب العجل وتمشي وتسيبه ولا يهمك وماتفتكرش إنك واكل حقه وضميرك يوجعك لأن هوة أساسا حرامي وبوظلك العجل (دا انت يحقلك تعويض منه مش تديله فلوس)
الكلام ده صحيح وده حصل معايااقتباس:
المشاركة الأصلية كتبت بواسطة د.محمود صلاح
وفى موضوع قديم اتعمل هنا فى النتدى عن اشتغالات بتوع الكاوتش
والله ياجماعه انا دلوقتى لو شكيت فى اى بتاع كاوتش
مابرحلوش نهائى ولا حتى ازود وامشى
ربنا يرحمنا من كل انسان ماعندهوش ضمير
البنزينة اللى فى اول عباس العقاد مشهورة بالنصب وسرقة غطيان العجل
متحاولش تتعامل معاهم تانى