توضيح هام بخصوص سامسونج اللى بخطين c5212 و c3212
سلام عليكم
كان فى حد بيسأل قريب عن التليفونين سامسونج c5212 و c3212 و موديل أخر من السامسونج اللى بيشغل خطين
انا معايا Any cool بقاله سنه بالظبط وابتديت ازهق منه فا كنت بدور برضو على السامسونج وكان قدامى الموديلين دول ، الفوارق اللى كانت ظاهره بينهم الكاميرا - الميمورى الداخليه - البطاريه
لكن اتفرجت عليهم فى موبايل شوب لاقيتهم نفس البطاريه ، وفرق السعر بينهم أقل من 100 جنيه
المهم انهارده جبت عدتين c5212 للشغل (ذكاء مفرط)
التليفون لسه معايا بقاله بتاع ساعتين الأنطباع العام عنه انه جميل وشاشته كبيره والسوفتوير بتاعه معقول و سريع
لكن المشكله اللى سألت عليها ميه مره قبل ما اشترى والكل أكد انها اتحلت هى انك لما تختار الخط التانى علشان تتصل منه لازم التليفون يعمل ريستارت ، والكل أكد انه لأ مش مهم وفى زرار فى الجنب بتختار عايز تتصل من أنهو خط
لكن اللى لاقيته حاجه تانيه ، الزرار كل اللى بيعمله انه بيفتحلك الأبلكيشين اللى تختار منه عايز أنهو خط يكون ديفولت وبعد ما تقوله Save يقولك Rebooting ويرستر التليفون وطبعا بيقعد حوالى 10 : 15 ثانيه على ما يفتح
لكن بيستقبل على الخطين فى نفس الوقت عادى
فا كده بجد الموضوع طلع مش نافع خالص وانا اتقفلت من التليفون وبفكر أرجعه ولا ابيعه لأنى مش شاريه علشان اشيل تليفونين برضو انا كنت عايز احط الخطين الأساسى فيه وأخلص من العدد التانيه
المفاجأه الأكبر بقى : الموديل التانى c3212 الراجل اللى اشتريت منه بيقولى انه اول ما نزل جابه لعميل وكان سعره وقتها اكتر من 1000 جنيه و طلع مش بيستقبل حتى على الخطين فى نفس الوقت !!!! يعنى خط واحد هو اللى بيشتغل
فعلا مش عارف ايه الأستهبال ده !! واقوله ازاى يعنى يقولى ده اللى حصل ولازم حد يلبس فى الأول علشان نعرف !!
المهم يعنى انا لبست الحمد لله واللى عايز يجيب التليفون يحط فى اعتباره انه علشان يبدل بين الخطوط فى الأتصال لازم يرستر التليفون
بخصوص السعر فا هو 780 جم
(سعره فى موبايل شوب 900 معرفش ليه يعنى تقريبا بيطلعوه قسط وكاش بنفس السعر)
ويا ريت اطلع انا اللى مش عارف اشغله و حد يقولى ازاى ابدل بين الخطوط من غير ما التليفون يرستر