معروض عليا لانسر 2006، 1600 اوتوماتيك، أعلى فئة (فتحة سقف، جنوط، سبويلر ...)
العربية فابريقة بالكامل برة وجوة ... واللى جايبهالى راجل ثقة وبيحلف ان مافيهاش قلم بوية
مطلوب 85000 ... هل ده سعر كويس واتوكل على الله ولا السعر ده غالى؟
ومتشكر مقدماً
عرض للطباعة
معروض عليا لانسر 2006، 1600 اوتوماتيك، أعلى فئة (فتحة سقف، جنوط، سبويلر ...)
العربية فابريقة بالكامل برة وجوة ... واللى جايبهالى راجل ثقة وبيحلف ان مافيهاش قلم بوية
مطلوب 85000 ... هل ده سعر كويس واتوكل على الله ولا السعر ده غالى؟
ومتشكر مقدماً
أعتقد السعر يتوقف على باقي حالة العربية يعني عاملة كيلو متر كام (طالما الراجل ثقة) لو كيلو متر معقول وبيعمل لها الصيانات الدورية ومحافظ عليها يبقى تستحق
وبرضه الكشف في التوكيل بيحدد حالة المحرك والتكييف والعفشة والصاج وهل مغير قطع غير اصلية ولا لأ
سلام عليكم
بالنسبة للسعر مش عارف بصراحة انما بنسبة لسوالك عقبال ما المهمدس طارق يجى الكشف كامل كان المهندس طارق قال كذا مرة فاسمحلى ارد عليك الكشف كامل ب200 جنية
يا راجل ماشية 70 الف دى تعمل من 78 الى 82
فيه فرق بين 70 وصيانات في معادها وتوكيل ومحافظة و 70 استهلاك وميكانيكا برة الواحد لما يشتري المهم ينزل الثمن و بس ولما يبيع كانو بيبيع طيارة فيه عوامل كتير تحدد السعر انا راي ال الف او الالفين فعلا مش المشكلة اللي تضيع بيعة طالما كشفت بالتوكيل وكلو تمام من كل حاجة ولولا اختلاف الاذواق لبارت السلع
يعنى ايه فى الاخر يا خوانا ...... السعر حلو (بفرض ان الحالة ممتازة) ولا وحش
انا شايف ان كويس ولو تعرف تنزل الفين يبقى كويس (بافتراض حالة العربية زي ما حضرتك قولا) وماتنساش صلاة الاستخارة
انا شايف ان السعر - والله أعلم - كتير
وخصوصا بعد ركود سوق السيارات..والتخفيض المنتظر على الجمارك
.
وربنا معاك
ياخونا ماتنسوش ارتفاع سعر الزيرو بيرفع المستعمل بردة
انا شايف انة معقول بس بردة منتظرين راى المهندس طارق