في عربيه جديده اسمها جاك b-15 منزلها هورس موتورز وكيل جاك و جيلي في مصر انا شفتها امبارح يا ريت تشوفوها لانها سياره تستحق المناقشه
عرض للطباعة
في عربيه جديده اسمها جاك b-15 منزلها هورس موتورز وكيل جاك و جيلي في مصر انا شفتها امبارح يا ريت تشوفوها لانها سياره تستحق المناقشه
هل شعر احد بالتغير في اسعار السيارات في الفتره السابقه؟
هل شعر احد بالتغير في اسعار السيارات في الفتره السابقه؟
انا اعرف واحد معاه اسبرانزا 516 بقالو سنتين مبسوط منها جدا
واخوه اشترى الصغيرة الهاتش بالك ومبسوط منها برضو
وبصراحة لو مكانش الاسبرانزا تمام مفتكرش انو كان هينزل تاكسي بالمنظر ده
علي فكره نظرية التاكسيات الاسبيرانزا دي الكل بيتكلم عليها غلط مش معني ان الاسبيرانزا بقت تاكسي تبقي اعتماديه لانه مثلا مش كل عربيه اعتماديه لازم تبقي تاكسي لانه لو علي القياس اللانسر بقي مش اعتماديه لانها متعملتش تاكسي و البيجو بارس (نازله برضه في مشروع التاكسي ) مش اعتماديه و عربيه فاشله لان محدش اشتراها
نظرية التاكسي سيدي الفاضل مبنيه علي اساس قلة السعر مع توافر السياره و صدقني اغلب اللي اشتروا الاسبيرانزا تاكسي اشتروها لان ابو الفتوح رخصها جدا علشان مشروع التاكسي و كمان لان قائمة الانتظار للانوس و الفيرنا و صلت لستة شهور
مع احترامي لوجه نظر حضرتك ومع تجربة مع بعض المعارف في موضوع مشروع الاحلال مش هو ده السبب لأن الاسبرانزا مش رخيصة ولا حاجة وممكن حضرتك تقارن القسط بتاعها وبتاع الفيرنا هتلاقي الفرق مش أكتر من 50 جنية وكمان اللادا أرخص بكتير ومع ذلك ماحدش بيقبل عليها أنا أعرف واحد كان حاجز لانوس وعن اقتناع شديد لغى الحجز وحجز اسبرانزا من نصيحة زملاء ليه جربوها في المشروع وكمان كان انتظار اكتر من اللانوس.
باختصار سواق التاكسي عمرة ما هايجيب اسبرانزا وهو مجبر أبدا ولا علشان ممكن يستنى شهر ولا اتنين زيادة لأن باختصار عربيته شغالة ومش بيخرد العربية القديمة غير لما يستلم العربية الجديدة
اصحح لحضرتك المعلومه سواق التاكسي بيبقي مجبر علي ميعاد لتخريد سيارته لان الحكومه مش هتستناه مثلا لحد ما يقرر لا في ميعاد محدد للموديلات و ميعاد تسليم السيارات القديمه و لو حضرتك قرات الاهرام من اسبوع كان في مقال كبير بعنوان مشكله كبيره بسبب ايقاف تخريد السيارات التاكسي يعني اللي ممكن يكون ملحقش في الفتره السابقه ممكن يكون اتورط ورطه كبيره و صدقني انا عندي اصدقاء كتير في ابو الفتوح فرع المعادي الرئيسي و مسؤلين عن مشروع التاكسي و حتي اسمه مشروع الساحه هما اللي بيحكزلي علي كل التفاصيل
ادامنا و لا عشر سنين علشان الاسعار تتغير
فعلا العربيات اسعارها غاليه جدا وبتغلي اكتر لمجرد اشياء خايبه زي مثلا تزويد حليه جديده تغيير شكل الدركسيون مثلا
لكن اتمني ابو الفتوح يرخص الاسعار ويعرف انها لمحدودي الدخل