ليه مابيحطوش عداد اجمالي للrpm?

**رزق** · 31-12-2009 01:38 AM

أنا جه في بالي فكرة وبصراحة مش عارف ليه الشركات مابتعملهاش,

ليه مابيحطوش عداد زي بتاع اجمالي الكم اللي قطعتها بس بيعد اجمالي عدد لفات الموتور.

أصل فالكتالوج بتلاقي مثلا, غير الكاتينا بعد 60 ألف كيلو أو 45 ألف في حالة الإستخدام الشديد.
ماشي

طب الموتور بيدور وإنت بتسخن, وإنت واقف في إشارة, أو وإنت بتحرق عليه..والعداد مبيعديش (أو في حالة الحرق مبيبقاش دقيق )

مش اسهلنا إن احنا يكون قدامنا كونتر يعد عدد لفات الموتور أو الكرنك الإجمالية عشان نحسب عليه صح؟ ومعظم عربيات الايام دي فيها عدد rpm عادي فـمهواش معضلة.

كنت عايز أعرف إيه السبب في إنهم معملش حاجة كده ورأيكم فيه.

**tigernet** · 31-12-2009 02:38 AM

طب ياباشا اة الاستفادة من معرفة اجمالى rpm

**رزق** · 31-12-2009 02:56 AM

شكرا لردك,
بتعرف اجمالي الجهد اللي الموتور عمله فـبشكل ده تقدر تقول إنك غيرت الحاجة في معادها.

مثال اخر غير اللي مكتوب فوق,
زيت موبيل 1 بيتغير كل 10000 كيلو, حلو؟

طب el-10000 كيلو دول مايشمالوش الوقفة فالإشارات والزحمة أو في أي وقت الموتور داير و سرعتك 0.

يعني خليك معايا معلش, RPM ال idling بيبقى حوالي 800.
يعني لو وقفت 3-5 دقائق في إشارة أو تقاطع أو حاجة الموتور أو الحدافة عملوا 2400 - 4000 لفة..مش محسوبين فعداد الكيلومترات طبعا عشان إنت واقف.

طب اللفات دي مش فيها سيور بتلف, بوجهات بيطلع شرارة, زيت طالع نازل, تاكل إلخ...

شوف احنا بنقف كام دقيقة بنidle في المشوار.

أنا عن نفسي مشواري زي مشاوير ناس كتير حوالي 50 كيلو

نص ساعة بقطع فيهم حوالي 40 كيلو من الجامعة لمنزل الجيزة عالدائري.
ساعة من بعد المنزل للبيت, مسافة تقل عن 10 كيلو.

الساعة دي بتبقى واقفة طويلة قوي وموتور شغال واهلاك. وكل ده بيتسجل إنه 10 كيلو بس عالعداد.

وبصراحة كلام صنايعية كتير معايا خلصته إن الزيت abu-10 مثلا يفضل تغيره على 8-9 عشان الموضوع ده. وكمان هو مش بيبيعوا عشان اقول ده عايز يكسب والسلام.

معلش طولت

**د.محمود صلاح** · 31-12-2009 05:42 AM

لو كان فيه فايدة كان المصنعين عملوه

**hesham22822** · 31-12-2009 07:31 AM

اية الافكار الهايلة دى....

**Hegazio** · 31-12-2009 08:42 AM

A very good idea
but will be important to crowded countries only
and since inventors are almost europeans.. wont be available soon

**shaddadfalcon1** · 31-12-2009 10:12 AM

بس كده انت عايز شاشه تبقي بعرض العربيه كله
شوف انت الموتور بيلف كام لفه في الدقيقه وانت بتشغل العربيه كام ساعه في اليوم
يبقي انت كده لو مشوارك في اليوو بياخد ساعه واحده ومتوسص rpm كان 2000 يبقي المفروض العداد هيذيد كل يوم 120000 يعني في الشهر لو افترضنا انك بتاجز جمعه وسبت هتعمل حوالي 2400000

مش هتلاقي شاشه تعرضلك الأرقام المهوله دي
الا اذا كنت تحب الشاش تبقي بالأس يعني يقولك انت مشيت 10^5 يعني 100000