والله يا ريييييت...العربية تحفة بجد
بس هتفضل في التسعينات زي ما هي يا تري؟؟
عرض للطباعة
جيبي يا نور اللينيا التربو الفقة الأولى فيها كل حاجة وزي الفل أوبشن من أي عربية تانيه وكبري دماغك من اللون النبيتي (كنت هموت عليه) لإن كل ألوانها حلوة وبعد ما جبت اللون البترولي عجبني أكتر من النبيتي
مساء الخير يا أحمد وألف حمد الله علي سلامة عربيتك وربنا يحميهالك من أي عين يا رب :B4_444:
وانشاء الله متحتاجش أي حاجة تانية ليها الا الصيانة الدورية وخلاص علي كده :verygood:
والله انا اتمني بس يا تري هتكون فئة التربو بكام؟ :U_thin1[1]:
اذا كان أول فئة بالموتور العادي هيعدي سعرها الـ 100 لو موديل 2010 أما التربو بقي هيبقي بكام؟ :120146b ولو اني بتمناها بجد من كل قلبي :ask:
وعلي فكرة لون عربيتك يا أحمد فعلا تحفة ماشاء الله الله أكبر .. بس انت عارف الواحد بيبقي عايزيغير تماما من أي حاجة مقربة ولو من بعيد للي كان عنده قبل كده
بصى يا نور انا لسه مكلم محمد كامل فى يوسف عباس وقال ان لسه مافيش 2010 نزلت وان فعلا السعر ها يغلى بس لسه مش يعرف السعر والسعر اللى قالك عليه اسلام شوكت مش مظبوط.
دلوقتى فيه 2009 باكدج 2 و3 بس وسعرهم 108 و112.
عارف وسط البلد وزحمتها جدا، لسه راجع منها وماكنتش طايق نفسى، بس بردو القصر العينى وزحمة الوزارات اللى هنا تخنق بجد اوووووووى.
بس انت ساكنة فين فى طلعت حرب، النصف الاول من ميدان التحرير ولا النص التانى اللى عنده المول؟
انا كمان ها استنى معرض الاهرام واجيب ساعتها ان شاء الله ولحد دلوقتى البرافو اللى فى بالى.
بالنسبة ليكى اعتقد الجراند بونتو كويسة ليكى لكن لو عايزة سيدان يبقى عندك اللينيا ال77 حصان او بقى البرسونا.
ميرسي يا محمد ووالله انا مش عارفة اشكركم ازاي يا جماعة علي ذوقكم ده :M_yes[1]:
اللي انا خايفة منه اني مش هقدر اتخذ اي خطوة الا بعد شهر انشاء الله..يا تري هيكون لسة فيه 2009؟ :U_thin1[1]::U_thin1[1]:
هي للأسف المشكلة في كده...بس عموما أنا هستني لبعد المعرض باذن الله ونشوف ساعتها الاسعار هتبقي عاملة ازاي وهستأذنكوا أتابع معاكم ايه آخر الاخبار علشان انتم بتعرفوا الناس في التوكيل اكتر مني واحسن طبعا
أنا يا سيدي ساكنة في نص طلعت حرب الاولاني من ناحية ميدان التحرير، جنب النادي الدبلوماسي علطول ...لأ والكوميدي بقي اني اتخانقت من كام سنة مع الجراج فبقيت بركن في الشارع الجانبي اللي ورايا!!! يعني قمة العذاب كل يوم في حاجة اسمها ركنة وطلوع العربية :8954[1]::fdsa:
علي فكرة الجراند بونتو شفتها لما كنت هناك بس مامتي معجبهاش ابدا الهاتش باك خالص...وبروتون عموما مش عاجباها علشان مش عايزة حاجة ماليزي ودايما تقوللي جودتها وحشة وانا مدفعش مبلغ وقدرهفي عربية جودتها مش أوي :stink[1]:
حاجة تجنن!!!
تشكرينا على ايه بس يا نور، احنا هنا بنساعد بعض وكل واحد بيعمل اللى يقدر عليه لمساعدة الاخر، وعلى فكرة ان شاء الله فى كلام كويس مع التوكيل الفترة اللى جايا وها يكون فيه تخفيض على قطع الغيار والصيانة لاعضاء نايل موتورز.
للأسف ما اتعقدتش ان ها يكون فيه 2009 ساعتها بس انا مش مع الكلام ان السيارة سعرها ها يغلى عشان من النهاردة السيارات الاوروبى جمركها نزل 10٪ يبقى المفروض سعرها ينزل مش يعلى ولو هما عايزين يحافظوا على الاسعار ها يعلو سعرها وبعدين يقولو احنا خفضناه عشان تخفيض الجمارك، يعنى انا اعتقد انه فى اسوأ الحالات السعر ها يفضل زى ما هو.
ممم طب والله ارحم من النص التانى بدوشته وزحمته. والله يكون فى عونك فى الركنة كل يوم.
البروتون عربية ممتازة ومش يعيبها غير شوية حاجات عبيطة اوى وخلاص مش بقت موجودة فى الموديلات الجديدة.