هل من نصيحه ....؟

سوبارو امبريزا 2007 عامله 51 الف كم و شويه العربيه حالتها كويسه جدا في خبطه في الرفرف اليمين و مردوده علي البارد و حكه في العتبه اليمين ورا متجرحه يعني و داخله لجوه شويه العربيه سوقتها كويسه و موتورها حلو مافيهوش اي حاجه جريت بيها تمام هيا اتوماتيك اول فئه فيه تقريبا فيها زرار باور في الفتيس لما تدوس عليها العربيه بتجمع و تحرق تقريبا حاجه عامله زي الاوفر دريف معرفش الصراحه
العربيه فابريقه بره و جوه و الراجل كان طالب 80 وصلنا معاه ل 76 الف السعر دا مناسب ولا ايه و اخبار اسعار قطع الغيار ايه بيقولوا انها غاليه اوي
ياريت لو حد عنده معلومه مايبخلش عليا بيها و شكرا مقدما

هو الموديل دة جميل جدا و انا بحس انة احسن من الجديد في الشكل و الثبات بس خلي بالك من حالتها قبل ما تشتري عشان لو كانت تعبانة هاتصرف عليها حبتين و بصراحة قطع الغيار موجودة بس شايف ان اسعارها غالية حاجات بسيطة
و ماتنساش الاستخارة و ان شاء اللة تتبسط منها

السعر كويس جدا لو حالة العربيه كويسه,
حاول تاخدها ابوغالي و تعمل عليها فحص و تشوف ايه نظامها هو هيكون مكلف شويه حوالي 500 جنيه تقريبا بس هتعرف هي عامله صيانات مظبوط ولا لا و ايه الحاجات الي اتغيرت فيها في التوكيل و تعرف هل الراجل كان بيتعامل مع التوكيل ولا بيتعامل بره,
و بالنسبه لاسعار قطع الغيار الموضوع ده فيه اسعار قطع غيار التوكيل و بعض الحاجات من بره بس شوف الموضوع لاخره لان في حاجات اسعارها اتغيرت و اي استفسار تاني اسألنا و ان شاء الله نقدر نجاوبك,,
الرابط : http://www.nilemotors.net/Nile/6820-a.html

شكرا للردود
طيب مافيش مشكله في الفلوس بس هل ممكن يكشفلي علي الدواخل بتاعتها فيها لحامات او اي خبطه بجانب الهيستوري بتاع العربيه في التوكيل و يفضل اروح انهي فرع و ياريت لو نمرة تليفون اتكلم احجز معلش هتعبكوا معايا ياشباب

و ياريت لو امكن عنوان عايد في الحرفييين دا بالمره و يكون لكم جزيل الشكر

لو العربيه زي وصفك و مفيش حاجه مستخبيه يبقى السعر ممتاز جدا.
لو عايز تحجز كلم ١٩٥٧٠ و اطلب تروح فرع جسر السويس.

ربنا يوفقك و يعملك اللي فيه الخير

اقتباس:

---

المشاركة الأصلية كتبت بواسطة Ahmed Hassan

لو العربيه زي وصفك و مفيش حاجه مستخبيه يبقى السعر ممتاز جدا.
لو عايز تحجز كلم ١٩٥٧٠ و اطلب تروح فرع جسر السويس.

ربنا يوفقك و يعملك اللي فيه الخير

---

شكرا ياباشا لحضرتك

حاجه اخيره ياباشا حضرتك ماتعرفش مهندس هناك موثوق فيييه يكشفلي عليها علشان ابقي مطمن او اي مهندس ذو خبره معروف هناك اروح اسئل عليه معلش تاعبك معايا

مدير الصيانه مهندس/ ايهاب السيد

بس المشكله متضمنش تلاقيه دايما هناك.
الفنيين كلهم ممتازين على فكره و عارفين العربيه كويس.

اقتباس:

---

المشاركة الأصلية كتبت بواسطة ahmed hassan

مدير الصيانه مهندس/ ايهاب السيد

بس المشكله متضمنش تلاقيه دايما هناك.
الفنيين كلهم ممتازين على فكره و عارفين العربيه كويس.

---

ياباشا والله حضرتك عامل معايا الواجب و زياده ربنا يخليك شكرا لحضرتك اوي