بارررررررررركولى حجزت العربيه الحمد لله
وهأستلمها بكره أن شاء الله العلى القديروالحمد لله ربنا كرمنى وأشتريتها كاش أضمن من التقسيط أشكركم من كل قلبى والله ونعم الأخوه الافاضل
عرض للطباعة
بارررررررررركولى حجزت العربيه الحمد لله
وهأستلمها بكره أن شاء الله العلى القديروالحمد لله ربنا كرمنى وأشتريتها كاش أضمن من التقسيط أشكركم من كل قلبى والله ونعم الأخوه الافاضل
الله يبارك فى عمرك
اه جبتها من هورس الحمد لله ما كانش فى اى مشاكل وربنا يسر الامور تماما
بكره ان شاء الله اروح أكمل الفلوس وأستلمها بس قالولى الترخيص بعد يومين عقبال ما شهادة البيانات والأفراج يوصلو
وناس ذوق جدا بصراحه ووعدونى هايعملولى ديسكاونت لما أروح بكره أن شاء الله
الف مبروووووووووووووووووووووو ووووك
الف مبروك
وتستلميها على خير - ربنا يبارك لك فيها ويكفيكى شرها وتسعى بها فى الخير
الف مبروك
وان شاء الله تستلمى على خير
وتخلصى التراخيص بسرعة وربنا يباركلك فيها ان شاء الله
انتى اختارتى لون ايه؟؟؟
مبروك
هتأمنى ولا لا
وخبرتك ايه فى السواقة
الف مليون مبروك وربنا يتم على خير ومتنسيش لما تستلميها ان شاء الله تكتبلنا على انطباعك عنها
تأمين أية اللى حرام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
سبحان الله معلش مش عايزين نقلب الموضوع عن الحلال والحرام و كدة بس دة مبدأ ماشى فى كل دول العالم ان التأمين دة حاجة لا غنى عنها
انا مأمن فى الوثاق التكافولى اللى فى سموحة قدام اتصالات سموحة اللى قبل راديوشاك
ناس كويسين اوى اوى اوى
دفعت 1850 جنية سنويا تقريبا تأمين كامل بكامل تمن العربية
مفيد جدا و فادنى كتير
و بردة أمان لا قدر الله لو العربية جرالها حاجة سرقة حادثة خلافة
بصلح و أجبلهم الفاتورة و بعد 10أيام يدونى شيك
حاجة جميلة خالص :)))))))))))
بص أنا مش متأكده أذا حلال أو حرام أنا بأقول أنا سمعت ولازم هتأكد من المعلومه طبعا قبل ما أتصرف لكن فى حاله انه حرام مش هايهمنى انه مبدأفى كل دول العالم اللى هايهمنى وقتها نفسى خاصة أنى لو طلع حرام وانا التزمت بالشرع وما أمنتش مش هأبقى تخلفت عن الدول
ثانى حاجه بقى زى ما قولتلك هأسأل ولو طلع حلال تفتكر أامن مع الشركه اللى أنت قولت عليها دى كويسه وانت أتعاملت معاهم وشروطهم مقبوله يعنى
باحيي حضرتك
انا ايام ما كنت باشتري اللي وصلت له ان التأمين عشان يبقى حلال لازم يبقى تكافلي
يعني بعد ما الشركة تخلص السنة تحسب الفرق بين اللي دخل لها و اللي طلعته للعملا , و تاخد منه نسبة معينة فيما أذكر و ترجع الباقي للمودعين , ده اللي وصلت له خلال بحثي و الله اعلم طبعا
انا ما اعرفش شركة في مصر بتعمل كده بصراحة
بس الشركة اللى انا فيها أسمها الوثاق للتأمين التكافيلى تبقى حلال يعنى ولا اية ؟؟؟؟؟؟؟؟؟؟؟؟ بس هما لا ادونى فرق فلوس ولا حاجة !
ايه اخبار انطباعك ? وايه اخبار الابعاد اصل انا ضعيف في السواقه ?
الحمد لله رب العالمين ربنا كرمنى وأستلمتها النهارده ورخصت
ربنا كان معايا ومشوار المرور خلص فى حوالى ساعه ونصف
أول ما ركبت العربيه ما كنتش عارفه أسوقها وبطلت منى وروحت البيت وانا متضايقه جدا
لكن خرجت بيها بالليل وسوقتها الحمد لله رب العالمين زى الفل
طبعا ما أتعودتش لسه على أبعادها اكيد لازم هتاخد كام يوم لحد ما اتعود ربنا يعديهم على خير
لكن عامة العربيه جميله بسم الله ما شاء الله وكل ما بتمشى بيها بتبقى احسن
طبعا ما لحقتش أحكم عليها لكن حكم مبدئى مش ندمانه أبدا
وعقبال الجميع يا رب
مبروك العربية يارب تاخدى خيرها ويكفيكى شرها
بس تعرفى انا ماكنتش اعرف ان التامين حرام جزاكى الله كل خير على تنبيهنا
بصراحة العربية الاوتوماتيك انقاذ للى زى حالاتى اللى بيتلخموا ومبتدئين فى موضوع السواقة لكن متهيالى اللى بيسوقوا كويس مش هاتفرق معاهم
ياريت تقوليلنا اخبار العربية معاكى ايه دلوقتى واتعودتى على ابعادها ولا لسه
ربنا يبارك لك فيها
الف مبروك مقدما بإذن الله
و إختيار ممتاز
و بالنسبة لمشكلة الباور الكهرباء دا لو إعتبرناها مشكلة أصلا الباور من أول موديل 2008 بتنزل باور زيت عادي فماتقلقيش و تحت أمر الاخوة في اي استفسار
أصل ان متابعها من زمان و اشتريتها في نوفمبر 2008 موديل 2009