بتتخانق ولا بتكبر دماغك

**Ahmed_Elkhateb** · 31-12-2009 11:50 AM

انا بتعصب اوى بس متوصلش للخناقه ولو غلطان هقوم انا غلطا واقول انا اسف

**M.Mostafa80** · 31-12-2009 12:01 PM

أنا ماشى بمبداء المعامله بالمثل يعنى اللى يعمل فيا موقف بعملو معاه وهو لوحدو بيحس فا بيسكت ويمشى حاطط فى بقه جزمه
ألا مره واحد كان فى غيبوبه ومش حاسيس هو بيعمل أيه وكان معاه المدام بتعاتو لقيتو جه جنبى وبيزعق قلتلو بتزعق ليه حرقتك قالى ايه اللى انت بتعملو دا رديت عليه بكل برود نفس اللى انت عملتو معايا من ثوانى قالى أنا عملت كدا قلتلو أيون عملت كدا مراتو تقريبا غمزته وقالتلو أيوه فاشكلو بقى وحش ومشى زى ال 00000000
مره بقى سواق ميكروباص عمل حركه نرفزتنى موت وكنت ساعتها مع أصحابى وانا اللى سايق عربيه صاحبى فضلت أجرى وراه لحد ما دخلت معاه الموقف وقمت ساحب الأليكترك وخليتو زى الكتكوت المبلول فى وسط الموقف وبقى بيتنطط زى القرد ولا همنى سواقين أصحابه ولا همنى أى حد ليه بقى الأستاذ راكب على اكصدام عربيه ماروتى وشغال رعاش وكلاكسات واللى جوه العربيه راجل كبير فى السن لا حول ولا قوه له ومش عارف ياعينى يعمل أيه شفت المنظر أتشعوذت ومهديتش ألا ما حسيستو يعنى أيه يروع بنى أدم ويخوفه ويعيشو فى قلق

**fox4** · 31-12-2009 01:27 PM

لو سواقين وخصوصا سواقين سوزوكي بتخانق وببهدلهم

لو ملاكي او سواق كبير في السن بكبر دماغي بس ممكن اعديه وازنق عليه وارخم عليه شويه حتي لو مش طريقي

**adhamsabry51** · 31-12-2009 02:05 PM

و الله مش عارف يعني انا لما بيبقي ماشي ادامي او جنبي ست او راجل كبير بابعد عنهم قدر الأمكان ماحصلش غير مرة واحدة راجل يعني قريب من عمر ابويا شوية شتمني و سكت و بعدين كمل الشتيمة علشان تشمل ابويا و امي رحت واقف في نص الشارع و جاري عليه و بعد ما كان بيقولي حانزل اوريك راح قافل الأزاز و المسوجر بتاع الباب و الناس جت كلها غلطته يومها انما لو سواق تاكسي او مشروع و عمل حاجة بيبقي يومه اسود معايا مرة قفلت علي واحد سواق تاكسي و رحت نازل واقفله وبس كده انا الي حد ما طويل و عريض فالسواق جاب ورا و قالي اسف و مره تانيه واحد رمي عليا رميه كان حيطلعني فوق الرصيف برضه راح اخد اللي فيه النصيب بس انا عرف ان كده غلط بس غصب عني بصراحة

**dr.amr** · 31-12-2009 03:10 PM

انا كنت واحد من الناس بعشق الخناق
ومره مسكت واحد وهات ياضرب في بقه لغاية لما جاب ده زي اللي بيجوا في الافلام كده تلاقي الدم نازل من جنب بقه
بس في حاجه
1-الخناق قلة قيمه وبهدله مايعلم بيها الا ربنا .
2-ممكن واحد يروح رازعك واحده في مناخيرك هتشوف دمك هيغمي عليك او يروح مديك في منطقه اخري.مؤلمه جدا
3-كفايه النرفزه و الشده اللي بتبقي في جسمك كلها .
4-مش كل مره لازم هتكون كسبان
5_في عالم بتبقي شايله امواس ومطاوي كل اللي بيعمله يقوم معلمك في وشك وجاري.مؤلمه نفسيا جدا فيما بعد
علشان كده بصراحه مابقتش احب انخانق خالص
لأني مش هتخانق مع راجل كبير علشان ماهزقوش مع اني عملتها من 3 سنين مع دكتور واتهزق قدام عمارته
مش هتخانق مع ست علشان ماينفعش
مش هتخانق مع شاب من سني لأن اللي بيتخانق منهم بيبقي معظمهم حمير ويقلك الكف السابق غالب
انا ماكنتش بخاف علي نفسي زمان علشان كده بتخانق لكن دلوقتي بخاف علي نفسي لأن ربنا هيسألني عليها فأخر الخناقه عندي اني اقعد ازعق شويه وخلاص ده اذا زعقت كمان :)

**dr.amr** · 02-03-2010 12:01 AM

المشاركة الأصلية كتبت بواسطة أبـو آســـــر

95 % بكبر دماغي
مش بتخانق إلا لو الخناقة اتفرضت عليا يعني لازم اتخانق و ساعتها لو هموت مش همشي غير لما اخد حقي و امشي و انا مرضي
بس ده نادراً جداً يعني ممكن مرة كل 3 سنين او حاجة
لاني اول ما بركب العربية كاني ركبت تلاجة ببقى بارد جداً حتى لو حد شتمني ممكن أقوله كلك ذوق إلأ في مواقف معينة

انا معاك

**romeo_6887** · 02-03-2010 12:50 AM

المشاركة الأصلية كتبت بواسطة a7med_pharma

اني بنزل راسم الدور ع الاخر
ومش بنزل أزعق ..لا ..بنزل بكل هدوء وأروح أقوله ( الطرف التاني ) إسمك إيه ..وأخد رقم العربيه ( وكأني يعني وزير الداخليه)..بكل تناكه وغرور(زائف طبعا)

هي دي الكفاءه
انا بقيت بعمل كده
و النتيجه فعاله

**M.Osman** · 02-03-2010 01:27 AM

استحالة ..

و معلش بقى ...
اللي فاكر ان اللي مش بيتخانق دا عيل .. احب اقوله ان اللي بيكبر دا سيد العاقلين !

المشاركة الأصلية كتبت بواسطة a7med_pharma

ببساطه للسبب ده
[img]

[/img]

معلش يا دكتور...
انا هغلس عليك...
هل حضرتك شايف ان كدا صح ؟؟

انا اعرف ان حضرتك شخص محترم و ذوق مع اني لسة متعرفتش بحضرتك ... لكن لية تخلي كل الناس اللي ماشية حواليك واخدة فكرة وحضة عنك ... ؟؟؟

معلش بقى ..
انا كل اللي بيكونوا عاملين النمر بالمنظر دا .. باخد فكرة وحضة عنهم ... و مش بس انا ..

بس مش هتكلم اكتر من كدا.. يا ريت وجهة نظري تكون وصلت

**KHALED AYMAN** · 02-03-2010 01:35 AM

غالبا ...
لو الموضوع سخن اوى ...
شتيمه بس ..
لو الطرف التانى مد ايده ..
بتخانق ..
بس فى كلمه حق لازم اقولها ..
انا لو لوحدى مش هنزل من عربيتى لو بالطبل البلدى ..
العمر مش بعزقه ...