الموضوع: بتتخانق ولا بتكبر دماغك

انا باه بقالى فتره عصبى جدا جدا جدا مش عارف ليه و بصراحه مش فى السواقه بس بقت كل حاجه فى البلد دى بترفزنى حتى تفكير الناس بقى بينرفزنى و بقوا بيصعبوا عليا اوى بس هو الصراحه عصبيتى نادرا لما بتخلينى اتخانق بالضرب دايما بيبقى زعيق او احاول ارخم على اللى ضايقنى
بقيت فى اليوم الواحد ممكن اعمل مشكلتين تلاته اه و الله يعنى الخميس اللى فات عامل مشكله فى اولاد رجب و كان صوتى اد كده فى وسط المكان و الناس كلها كانت بتتفرج عليا بس كنت على حق و بالليل عملت مشكله مع سايس و بعدها مشكله مع موظف فى سينما بجد بقت حاجه تحرق الدم الناس بقت تنحه و رخمه و تفكيرها فعلا متاخر و الله عمرنا ما هنتقدم بالتفكير ده .هو المشكله ان انا كنت فى لندن من شهر كده و قعدت هناك بتاع شهر فعرفت يعنى ايه نظام و عرفت يعنى ايه تبقى بنى ادم و عرفت اد ايه الناس متعاونه و البياع فى المحل بيموت نفسه عشان يساعدك و تبقى هاين عليك تقوله براحه شويه على نفسك انا مش مستعجل اوى كده مش زى الناس هنا نايمه و لازم يعد يتوهك و روح هنا و تعالى هناك فبيصعبوا عليا اوى بحس انهم عمرهم ما هيتقدموا و هيغرقونا ياريتنى ما كنت سافرت اذا كانت هى دى لسفريه اللى هتشقلب حياتى و عاوز ابطل اتفرج على البرامج السياسيه و الكلام فى احوال البلد و حسبى الله و نعم الوكيل و الله تعبت
و بجد اللى بينرفزنى اوى الظباط بيجيلى ارتكاريه منهم مش بطيقهم و كمان و انا سايق التنح اللى هو يزنق عليك اوى و لا كانه عمل حاجه و تيجى جنبه تحاول تكلمه او تبصله يفضل باصص ادامه و بيبصلك كده بطرف عينه و اكنه باصص ادامه ده باه بيجننى و بفقد اعصابى عليه
مره اتخانقت مع واحد فى وسط البلد بسبب الاسلوب ده و هو اللى غلطان و بعد ما زعقنا شويه قام جاى خابطنى من ورا بعدها و نزلتله بقوله بتخبطها ليه تخيلوا يرد يقولى مزاجى
قلتله حظك انها ما تخدش و المصحف لاكنت وريتك لاقيته عمل زى النسوان و قعد يقول يالهوى خفت انا بصيتله و انا مستغرب و قلتله الل يهديك لاقيته بيقولى يللا اركب العربيه يا حبيب ماما (كانت والدتى معايا فى العربيه ) انا ادورت و نسيت باه ان معايا والدتى و قلتله حبيب ماما يا ابن ...... و قمت منوله بنيه تولته و ماحدش عرف يحوشه منى بس بعد كده و الله زعلت لان امى قعدت تعيط طبعا على ابنها اللى فجاه شافته عربجى
انا طولت عليكو اوى بس لو فتحت مش هخلص سلام باه عشان ما اصدعكوش

المشاركة الأصلية كتبت بواسطة kazzaz

زمان و انا صغير خالص كنت بتخانق مع العيال و مع الوقت بقيت اكبر دماغي اه انا لسه مش كبير 22 سنه بس برده بقيت اكبر دماغي لدرجه اني خايف اكون بخاف و بحس اني في مره لازم اتخانق كده عشان اثبت لنفسي اني لا مش بخاف ههههههه بهزر طبعا

ففي الصحيحين عن أبي هريرة قال قال رسول الله صلى الله عليه وسلم: (ليس الشديد بالصرعة إنما الشديد الذي يملك نفسه عند الغضب) .

انا قرأت التوبيك كلة , بس تعليق حضرتك شدني جداً , ياريت كل الناس وانا اولهم نبقى زيك , ربنا يحميك.:b4_388:

( لا تجادل الاحمق فقد يخطئ الناس فى التفريق بينكما )

وبعدين انت فى مصر لو اتخانقت هتتخانق فى اليوم يجى ميه مره

يبقى كبر دماغك وخليك هادى