عزيزي نيو يوزر
أنا هأقولك على قد معلوماتي المحدودة لهذا الشأن , بالنسبة للجديد ممكن بس لازم يكون زيرو أو يهيئ لي سنة بالكثير و لكن لو هتجيب مستعمل لازم تكون اول يد و تكون عايش بره و نازل بيها هنا مصر علشان ماحدش يتاجر في المستعمل الاوربي و يحدث اغراق للسوق و ركود في صناعة السيارت .
لكن ممكن تجيب مستعمل اوروبي و ده بيكون استيراد معاقين و بيكون على اسم شخص معاق و بيأخذ تصريح من القومسيون بشراء سيارة و بعدها يروح الجمرك ينقيس واحدة و بعدين تدفع له اتعابه و يتنازل لك عن السيارة بعد ما تدفع رسم فك الحظر حوالي 9600 جنيه أو 10 الاف مش فاكر بالضبط , المهم دوشة دماغ و اجراءات طويلة معقدة
أعمل بحث في المنتدى عن الموضوع ده هتلاقي كثير اتكلموا عنه .
أرجو ان اكون قد أفدت و عذرا لو قلت معلومات خاطئة لعدم الخبرة فبرجاء مراجعة كلامي جيدا
المفضلات