إن شاء الله نويت أشتري فيات تمبرا لكن أريد أكبر معلومات عنها:
- قطع غيارها وأسعارها.
- هل يوجد أمكان تصليح كثيرة لها في مصر
- ما هي مميزاتها؟
- ما هي عيوبها؟
- ما هي أفضل الموديلات لهذا النوع؟
- أسعارها ايه في سوق السيارات
- أخبار استهلاكها للبنزين
باختصار أريد معرفة كل شيء عنها
انا هرد علي حضرتك من خلال تجربتي الشخصية مع العربيه حتي الاناقتباس:
المشاركة الأصلية كتبت بواسطة khttb_mr
1- بالنسبة لقطع الغيار واسعارها
موجوده كتير كجديد واستيراد واسعارها في منها متوسط زي التيل والطنابير وحاجة الموتور مثلا وفي منها عالي زي حاجة التكييف وعلبة الدريسكيون وعوامة البنزين مثلا.
2- هل يوجد اماكن تصليح
نعم في منها في توكيلات فيات بيشتغلوا فيها وفي الورش ودووول كتيير متقلقش والعربيه عموما سهله ومش معقده.
3- مميزاتها
عربية واسعه عائلية ثبات ممتاز علي الطريق اعتماديه
4- عيوبها
مش عاليه عن الارض وخاصه الاكصدام الامامي زي زي معظم الفيات بتعاني من مشكلة السخونية بسهولة سعر اعادة البيع للاسف مش عالي وبيعها مش سريع ولكن دلوقتي العربيه انتشارها بقي اكبر وفي ناس بقت تطلبها بالاسم.
5- اسعارها في السوق
بتتراوح حسب الموديل والحالة والكماليات لان في منها 1400 وفي منها 1600 وفي منها بتكيف وباور وزجاج امامي وفي منها اكتر يعني فتحة سقف وكماليات اخري زيادة عنها ويعني بتتكلم من 27 لغاية 40 حسب حالة كل عربية
6- افضل الموديلات
الايطالي حتي 94 وطبعا الكماليات الاكتر وال1600 شديدة بمعني الكلمة
7- استهلاك البنزين
انا عربيتي 1600 بفول 60 لتر بعمل جوه البلد من 420-500 وعلي السفر مش بقل عن 600 كيلو
وانا تحت امرك في اي معلومات تاني
تقرير وافي جدا بس من وجهة نظري المشكله الاساسية السخونة ودي دايما بتخليك ماشي مقلق منها وكمان بتعمل حركات نقص كتير بس ممكن تكون مش صفة عامه
ان الموضوع ده مكانه منتدى الفيات مش البيع والشراء
شكرا جزيلا على هذه المعلومات القيمة ، وآسف على وضعه هنا فاعذروني
معلومات قيمه فعلا
انا مش قصدي اضايقك، الفكره بس علشان تلاقى ناس كتيره تردي عليك يا مان ومرحب بيك فى اى مكان :vctry:اقتباس:
المشاركة الأصلية كتبت بواسطة khttb_mr