الموضوع: جهاز مدينة القاهرة الجديدة

المشاركة الأصلية كتبت بواسطة yasserhussien

انا عاوز اروح من مدينة نصر الي جهاز القاهرة الجديدة اروح ازاي
ارجوكم عايز رد سريع

التجمع الاول ؟ ولا التجمع الخامس ولا فين

اكيد كل تجمع ليه جهاز

عامة انا اعرف بتاع التجمع الاول:
اكيد مادام نت من مدينة نصر يبقي تعرف شارع زاكر حسين اللي فيه سوق السيارات وموقف الحي العاشر اللي عند بنزينة موبيل
هتكمل بعد موقف الحي العاشر علي طول لحد ماتوصل لزهراء مدينة نصر وهيكون موقف الزهراء علي شمالك وهتلاقي نفسك داخل علي صينية نفق الدائري

اول يمين ده الدائري اللي رايح علي المعادي مش هتدخله وتكمل في الصينية
تاني يمين هتلاقي نفسك شايف صور اكاديمية مبارك للامن وهيبقي جاي معاك اللي جاي من علي الدائري وداخل الزهراء (تلاقي طرق)
هتدخل اليمين ده وتفضل ماشي مع صور الاكاديمية الي نهاية الشارع ده واخره هتلاقي الطريق بيدخل بيك يمين تمشي معاه مسافة صغيرة وتاخد شمالك وتلف اول u turn شمال وبعدين تاخد اول يمين يقابلك

تمشي شوية هتلاقي مطب صناعي بعد المطب علي طول ادخل شمال بس متعملش u turn لانك هتلاقي في وشك شارع هو ده شارع الجهاز
الجهاز بعد 50 متر تقريبا علي اليمين