احكى لحضراتكم قصة حصلت معايا شخصيا بخصوص موضوع انقطاع النور فى اماكن ما ينفعش النور يتقطع فيها , بعد تخرجى من كلية الحقوق و على اعتبار انى اول دفعتى بدأت حياتى العملية كمعيد فى كلية الحقوق و اسند ليا مهمة اعطاء سكشن قانون مدنى لجميع طالبات الفرقة الثانية (حوالى 2000 طالبة) , و اسند لزميل اخر مهمة اعطاء السكشن ذاته لجميع الطلاب (حوالى 2000 طالب) , و مرة من المرات زميلى اللى بيدى الطلاب كان عنده ظرف طارىء فاتصل بيا و طلب منى ادى السكشن للطلاب بداله من الساعة 6 الى 8 مساء (للطلاب) , و لما رحت فى الميعاد فوجئت بست طالبات من اللى انا بديهم السكشن بيطلبوا منى انى اسمحلهم يدخلوا السكشن مع زمايلهم الطلاب لانهم ما حضروش السكشن بتاعى الاخير بتاع الطالبات علشان كان يوميها عيد الاخوة المسيحيين , و بدون تردد او تفكير فى عاقبة الامر سمحتلهم فورا , و لكن لما دخلت السكشن قلبى اتقبض لما شفت المدرج مليان على اخره بالطلبة (2000 طالب) , و بعد التحية شرحتلهم الموقف و طلبت منهم انهم يخلوا البنشين الاولنين لزميلاتهم بحيث الطالبات يقعدوا فى البنش الاول و يظل البنش الثانى خالى تماما كفاصل بينهم و بين الطلاب , و قد كان بالفعل , و ابتديت الشرح , و فى حوالى الساعة السابعة و الربع حدث ما لم يكن متوقعا , ايييييييييييييوة النور اتقطع ....... ضلمة كحل و انا و 6 طالبات و 2000 طالب , و يالهوى على اللى حصل حالة هجوم غير عادية من الطلبة على الطالبات بتفكرنى بالنزول من مترو الانفاق فى محطة رمسيس فى وقت الذروة بس على اكبر بكتييييييير , انا نزلت من على المنصة فورا و جالى الاثنين بتوع الامن علشان يساعدونى نبعد الطلبة عن الطالبات و لكن هيهات , انا و بتوع الامن شبكنا ايدينا مع بعض و حاولنا نحاوط الطالبات و الحمد لله قدرنا نخرجهم باقل خسائر ممكنة , تانى يوم العميد بعتلى و ادانى اللى فيه النصيب و هددنى بتحويلى للتحقيق , ايه رايكم فى اللى حصل معايا؟ , مش مكان زى ده لازم يبقى فيه مولدات كهرباء؟
المفضلات