حدث امس في سيتى ستارز بالقاهرة
اسللام عليكم ورحمه الله
بقالي كتير جدا مضغوط في العمل ومش بروح يوميا الا متاخر
والعيال جالهم حالة نفسية من عدم الخروج وكمان مفيش مدارس بس انفلونزا الخنازير
هربت من الشغل بدري امبارح وقولت افك انا كمان معاهم وحجزت في سينما فيلم افاتر عشان مستني من فترة
دخلنا الفيلم وحطينا النضارات (الفيلم ثري دي بجد والتذكرة ب 40 جنية و 10 جنية نضارة) الفيلم ممتع ويشدك من اول لقطة وانا اندمجت وبعد ساعة تقريبا _مدتة 160 دقيقة)
الكهرباء قطعت
قولنا عطل ولا حاجة
5 دقايق
10 دقايق
السينما ضلمة
والوقت ممل وسخيف
سبت العيال مع والدتهم وخرجت اشوف الوضع
لكهرباء قاطعة في الموول ومفيش غير اضائة خفيفة
ناس بتتكلم عن سرقات
ناس بتتكلم عن تحرشات
دلت السينما تاني وقولت ائمن حاجة اخلى العيال ومامتهم هنا عشان برة غير مامون خاصة مع التحرشات والسفالة والتجمهر
قاعدين في وسط الملل
شوية شباب مراهق بدئو يلعبو لعبة خيال الضل على شاشة السينما
منورين فلاشات الموبايل بصورة متصلة على الشاشة
ويلعبو باصابع يدهم
شوية الضوع بقي غير ظريف
وحركات قذرة وسافلة
طبعا ماسكتناش الا لما طردناهم برة
وللاسف اعمارهم فوق ال 20
بس واضح الفراغ والتفاهة عليهم
كل ده على انوار الموبايلات ومفيش لمبة واحدة منورة في السينما
انا مش عارف في مول كبير زي ده ازاي الكهرباء تقطع
انا شغال في شركة من اكبر شركات الكهرباء والتحكم الالي في العالم
ولما سالت زمايلي مهندسين الكهرباء قالولي ده صعب جدا لانا بتتعمل على خطوط منفصلة كتير ولوحات موزعة بعناية في الاماكن دي
وكمان فيبقي في مولدات احتياطي كبيرة وكتيرة للمرافق الحيوية
بصراحة الموول كان اخر فوضى امبارح
ولما الكهرباء رجعت بعد ساعة كاملة استحملناها في السينما(التكييفات كانت الحاجة الوحيدة اللي شغالة)
الامن طلعو الناس وقالو الفيلم مش هايكمل
والكل يتوجه لشباك التذاكر لارجاع التذاكر والنظارات واسترداد ثمنها كاملا(موقف يحترمو عليه لان مادوش فرصة لحد يطالبهوم)
ازاي مكان كبير جدا زي ده وفيه مش اقل من 30 الف نسمة يدار بالسلبية والاستهتار ده
ويا ريت لو في حد تاني كان موجود في مكان اخر في الموول يقول اللي شافة
ولو حد من ادارة الموول موجود معانا يقولنا ايه حقيقة الوضع