عايز اشتري نيو اكسينت و اقسط و ادفع نصف الثمن و يكون اسلامي و الباقي علي 3 سنوات منين

**ehabpop** · 31-12-2009 04:14 PM

السلام عليكم ورحمة الله و بركاته
بصو بقي لازم و ضروري ترضو عليا لو حد فيكو يا ولاد الحلال جاب نيو اكسينت جديدة يفدني جبها بكام و من اين التوكيل و لا الموزعين و لو انا عايز اقسط اسلامي و هدفع نصف الثمن و الباقي علي ثلاث سنوات تكون الفايدة كام و شكرا يا ولاد الحلال

**aboudelmsry** · 31-12-2009 05:07 PM

السلام عليكم ورحمة الله وبركاته

انا اشتريت عربيتي كاش ب83.900 جنيه توكيل غبور اللي في عمارات العبور

بتحجز العربية بالف جنيه وبعدين بيتصلو بيك بعدها باسبوعين او تلاتة عشان تروح تكمل باقي المبلغ وبعدها بشهر بيتصلو بيك عشان تروح تستلم

الموضوع كله مابين شهر ونص وشهرين

لكن طبعا لو هتشتري من معرض بتستلمها في الحال

لكن انا ناس كتيرة حذرتني من معارض السيارات وقالتلي ان التوكيل اضمن

بالنسبة للشراء انا كنت ناوي في البداية اشتري قسط وبعدين قلت هفضل عاتل الهم لمدة اربع او خمس سنين

واتوكلت علي الله واشترتها كاش

طبعا قبل مااشتري كاش كنت بسئل باستمرا عن طرق التقسيط

فكرتي بسيطة بس كل اللي عرفته ان لو حضرتك عندك وديعة ممكن تشتري بفايدة قليلة جدا مابين 5.5 : 6.5 %

والقسط كمان ممكن يتقسط علي 72 شهر لو انت عاوز

والمقدمة بتكون في حدود مابين 10 و15 %

اما لو انت مفيش عندك وديعة بتدفع فايدة مابين 8.5 و10 %

دا كل اللي اعرفه واعتقد ان هنا في المنتدي سوف تجد الكثير من الاخوة اللي ممكن يفيدوك اكتر مني

**zain2007** · 01-01-2010 03:55 AM

والله أنا نفس حيرتك وبسأل برضه
أنا بكره أن شاء الله رايحه غبور هأبقى أسألهم و أقولك

**Haitham10** · 01-01-2010 05:30 AM

مهتم و متابع معاكم
مستني اخر الاخبار........

**mhoss** · 01-01-2010 06:31 AM

المشاركة الأصلية كتبت بواسطة ehabpop

السلام عليكم ورحمة الله و بركاته
بصو بقي لازم و ضروري ترضو عليا لو حد فيكو يا ولاد الحلال جاب نيو اكسينت جديدة يفدني جبها بكام و من اين التوكيل و لا الموزعين و لو انا عايز اقسط اسلامي و هدفع نصف الثمن و الباقي علي ثلاث سنوات تكون الفايدة كام و شكرا يا ولاد الحلال

راجع الموضوع ده......و ابعد عن البنوك و القروض الربوية...و ربنا ييسرك الخير

http://www.nilemotors.net/Nile/24323-a.html

**mhoss** · 01-01-2010 06:35 AM

المشاركة الأصلية كتبت بواسطة zain2007

والله أنا نفس حيرتك وبسأل برضه
أنا بكره أن شاء الله رايحه غبور هأبقى أسألهم و أقولك

غبور لو بيقسط مباشر مع نفسه يبقى مفيش مشاكل...

و لو بيدخل بنك فى القسط يبقى هى ديه المشاكل كلها...

وده اغلب الظن....

**megaman** · 01-01-2010 01:47 PM

شركة كونتاكت عندها عقد اسلامى بدون تامين بيشتروا السياره وبعدين يبيعوها بدون قروض وعنوان العقد بيبقى عقد بيع سياره بالتقسيط وثمن السيارة مثلا 100000 بيقولك دفع منهم كذا والباقى مثلا على 36 قسط قيمة كل قسط كذا انا مقسط معاهم ومطمئن جدا من الناحيه الشرعيه وللاستيضاح اكثر الموقع موضح كل شىء www.contactcars.com

**mhoss** · 01-01-2010 01:59 PM

المشاركة الأصلية كتبت بواسطة megaman

شركة كونتاكت عندها عقد اسلامى بدون تامين بيشتروا السياره وبعدين يبيعوها بدون قروض وعنوان العقد بيبقى عقد بيع سياره بالتقسيط

الشركة بتلزم المشترى بعمل توكيل ببيع العربية فى الشهر العقارى و ده غير جائز شرعاً...
و العلماء الذين أجازو التعامل معهم لم يكونوا يعلمون بأمر هذا التوكيل حيث أن الشركة لا تنص عليه فى العقد....و بعد العلم لم يجوزا التعامل معهم ....
راجع الموضوع ده

http://www.nilemotors.net/Nile/33807-a-2.html