أنا موافق جدا على الفكرة دي حيبقى أكبر موكب شهدته اسكندرية
بس لازم نقول لرينو عشان يصورو الحدث ده وبالمره يكون بروموشن للعربيه
عرض للطباعة
++++++++++++++++++++++++++
سؤال يا شباب
هو إيه نظام كافيهات كارفور عند الباركنج ، الأسعار زيْ جوهرة ستانلي و لا شغالين سياحي ؟
انا عندى فكرة كويسة بعد ازن حضراتكم بالنسبة لو قعدنا على كافيه عند كارفور
فى مكان اسمه الدون تاون قصاد كارفور عللطول و المكان ده فى كافيهات كتير جدااااااااا و كويسة جدا
كافيهات كارفور اسعارها مبالغ فيها شويه لكن الدون تاون اسعارة معقوله
بس انا ليا اقتراح لو هناكل عند جندول او فى اي حته يبقى نخلى الكافيه بعد الاكل يعنى نتجمع مثلا عند المكتبه وبعدين ناكل وبعدين اى كافيه وفى كافيه عند الازاريطه على البحر اسمه رومانس انا بسمع ان اسعارة كويسه وقعدته كويسه جدا
دا مجرد راي وناخد راى الاغلبيه
الحمد لله الوقت لسه معانا علشان نلحق نتشاور على أنسب مكان في رأي الغالبية ما لم يكن الجميع
بس جامدة فكرة الموكب ده
يا ريت فى سينابون اللى فى كارفور
معلش ده ادمان
ههههههههههههههه
كنت عايز ألفت نظر حضراتكم لنقطة مهمة ... المتوقع ان عدد السيارات حيكون كبير نسبيا ... و عشان كدة نقطة الالتقاء الرئيسية لازم تكون واسعة عشان تشيل هذا العدد ... لأن اسكندرية مش زى زمان ... الشوارع دلوقتى بقت صعبة جدا ... و إن كان طبعا يوم الجمعة الوضع بيكون أفضل ... و ده اللى خلانى أفكر فى كارفور لأن الباركنج فيه مهووووول ... و الداون تاون برضه كويس و فيه باركنج كبير نسبيا... و خصوصا اننا حنتحتاج وقت على بال ما نتجمع و نتعارف ...
أما بخصوص أسعار الكافيهات سواء فى كارفور أو غيره مش حتفرق كتير ...لأن اللقاء حيكون غالبا يوم جمعة و بالتالى حنصاب بلعنة المينمم تشارج ... فموضوع الاسعار مش حيفرق قوى لأنها حتبقى محصلة بعضها ...
أنا عن نفسى أرشح كافيه جميل جدا فى دوران استانلى ... اسمه Zanili's كويس و ابن حلال ده إضافة إلى وجود باركنج البلدية الناحية التانية بجوار سان جيوفانى ...
فيه كافيه تانى اسمه بورتوفينو فى كامب شيزار على البحر ... برضه الطابع بتاعه عائلى و هادى ... و بالقرب منه برضه باركنج يادوب عشر دقائق مشى ....
رومانس برضه كافيه أعرف إنه حلو رغم إنى ما جربتهوش ...
ما ننساش إن توافر الركنة من أهم العوامل فى نظرى عند اختيار المكان ... فرجاء من الوحوش أخذها فى الاعتبار عند الاقتراح ...
معاك يا باشا قلبا و قالبا
خلاص يا شباب
بناءً على آرائكم ووجههات نظركم يبقى البروجرام كالآتي واللي أوكي يديني أوكي عشان منختلفش كتير
1- التجمع في كارفور الصبح
2- التحرك في موكب مهيب إلى الشاطبي حنركن في شارع سوتر أو قدام الحلبي عند سيراميكا كيلوباترا والشوارع هناك يوم الجمعة فاضية تماما وتشيل من الحبايب ألف... وكمان جنب جوندل
3- الغداء في حودة جندول
4- التحرك إلى القلعة وده حيبقى مكان حلو نتجمع ونتكلم براحتنا وواسع والباركينج واسع
إيه رأيكم
عاوزين تصويت على الاقتراح ده عشان نبقى عارفين رايحين فين بالظبط
يعني عاوزين نسمع أوكي أوكي أوكي
واتمنى منقلش عن خمسين واحد