شفت byd f3 التقفيل المصرى

**islamelesswi** · 31-12-2009 06:04 PM

السلام عليكم و رحمة الله و بركاته ومساء الخير على الجميع ,الاسبوع الماضى مساءا ذهبت مع زميل لى فى العمل لمعاينة byd f3 التجميع المحلى وطلب منى مقارنتها بسيارتى byd f3gli 2008 ذهبنا الى معرض صغير أسمه ميدو على شارع بورسعيد كليوبترا بالأسكندرية يعرض السيارة وأحب أقولكم أننى بصراحة كنت خايف و أنا رايح من تقفيل العربية ولكننى فوجئت بالتشطيب الممتاز للعربية وجودة الدهان ووجدت السيارة مطابقة للتقفيل الصينى عدا البطارية سائلة وليست جافة وطبعا مصرى علشان نسبة التصنيع المحلى , والشىء الذى لم يعجبنى هو الكراسى الجلد بتاعة العربية ناشفة جدا وبالذات الخلفى طبعا الموضوع ده ليه حل عند السروجية لكن ياريت الشركة تعالج الموضوع ده علشان الناس اللى بدور على القطط الفاطسة وتفشل بيها العربية لأن ده تخيلوا هو السبب الوحيد الى حايخلى زميلى ميشتريش العربية. عدا ذلك العربية زى الفل وان شاء الله أنا متوقع خيروأنتشار واسع ودى شهادة من واحد راكب العربية منذ6/9/2008ويارب ده يكون رد كافى للناس اللى لسه مترددة تشترى العربية .

**mohamed1987** · 31-12-2009 07:05 PM

بصراحة انت طمنتنى بكلامك ده لانى انا نفسى اجيبها بس متردد جدا من ناحيتها بس بعد اذنك عايز اسئلك سؤال صغير العربية عاملة ايه فى الثبات واستهلاكها ايه وايه المشاكل اللى قابلتك وصيانتها لانى انا بصراحة بهرس كتير بالعربية مع العلم انا معايا لانسر بتاعه والدى موديل 2008 ونفسى اجيب حاجة ليا انا بسعر مناسب وبصراحة خايف انها تخذلنى واسف على الاطاله وهل اتعاملت مع التوكيل ؟؟؟؟ واسعار قطع الغيار ؟؟

طبعا انا اقصد بكل دا السيارة الصينى اللى معاك لان المصرى محدش جربها وطبعا ماتفرقش كتير غير التجميع

**islamelesswi** · 31-12-2009 11:28 PM

ولا أطالة ولا حاجة بص حضرتك أنا سافرت بالعربية أكثر من مرة الأسكندرية-القاهرة وكذلك الى مطروح فى الصيف وكان الثبات ماشاء الله أكثر من ممتاز و بالنسية للتوكيل الصيانة بمركز الأسكندرية ممتازة بس فاضلهم شوية تظبيط للمنظر العام أاللبس- مكان أستقبال العملاء) عدا ذلك كله زى الفل كان فى عندى مشكلة فى الاكر النيكل غيرولى الأربعة وبأعمل الصيانة فى التوكيل وأن شاء الله قريبا سأذهب لعمل صيانة20000كم,معرفش قطع الغيار أسعارها أيه بالضبط لكن متقلقش أعتقد كمان بعد التجميع الموضوع مش حيبقى فى مشكلة.على فكرة كل تجارب ملاك السيارة و بالذات خلال العامين الماضيين موجودة هنا على الموقع بتاع الbyd (خاصة مواضيع وردود الزميلsv065 المتميزة) وشامل تجاربى الشخصية أثناء الصيانة وكذلك موضوع معدل الاستهلاك على الطوالى و داخل البلد ,بس أنت أطمن وأدخل خد فكرة عن كل المواضيع السابقة ختلاقى كل ما تريده.

**mohamed1987** · 01-01-2010 12:25 AM

مشكور اخى على سرعة الرد كده ان شاء الله اتوكل على الله واجيبها والف شكر اخى الكريم على الرد

**sv065** · 01-01-2010 08:41 PM

المشاركة الأصلية كتبت بواسطة islamelesswi

السلام عليكم و رحمة الله و بركاته ومساء الخير على الجميع ,الاسبوع الماضى مساءا ذهبت مع زميل لى فى العمل لمعاينة byd f3 التجميع المحلى وطلب منى مقارنتها بسيارتى byd f3gli 2008 ذهبنا الى معرض صغير أسمه ميدو على شارع بورسعيد كليوبترا بالأسكندرية يعرض السيارة وأحب أقولكم أننى بصراحة كنت خايف و أنا رايح من تقفيل العربية ولكننى فوجئت بالتشطيب الممتاز للعربية وجودة الدهان ووجدت السيارة مطابقة للتقفيل الصينى عدا البطارية سائلة وليست جافة وطبعا مصرى علشان نسبة التصنيع المحلى , والشىء الذى لم يعجبنى هو الكراسى الجلد بتاعة العربية ناشفة جدا وبالذات الخلفى طبعا الموضوع ده ليه حل عند السروجية لكن ياريت الشركة تعالج الموضوع ده علشان الناس اللى بدور على القطط الفاطسة وتفشل بيها العربية لأن ده تخيلوا هو السبب الوحيد الى حايخلى زميلى ميشتريش العربية. عدا ذلك العربية زى الفل وأنشاء الله أنا متوقع خيروأنتشار واسع ودى شهادة من واحد راكب العربية منذ6/9/2008ويارب ده يكون رد كافى للناس اللى لسه مترددة تشترى العربية .

تمام يا فندم كلام حضرتك سليم 100% وأنا فعلا لمست جودة التقفيل المصري من اول رؤية لي للجميلة byd وحتي مالاحظتش موضوع الكراسي أوي يمكن لأني كنت منبهر جدا بالسيارة علي عكس ما كنت خايف لتطلع وحشة وإن كان ده عيب صناعة أعتقد ممكن يتم تداركه لأني عرفت إن الوكيل أنشأ مصنع لكراسي السيارات كصناعة مغذية لسيارات كثيرة وخصيصا لـ byd وبالتالي يقدر يتحكم بجودة منتجه لأنه مش بيجيله جاهز ..
وصعب جدا تقل جودتها عن الإنتاج الصيني لسبب بسيط هو إن الماكينة التي بتجمع الصيني هي نفس نوع اللي بتجمع المصري وتم إنشاء المصنع بإشراف الشركة الأم فأكيد طبعا مش حيرضوا بمستوي أقل للسيارة الرائعة byd لأنها حتمثل سمعتهم اللي تعبوا في تثبيتها الفترة الماضية في العالم كله مش مصر بس وإذا كان التوكيل بسوء تصرفه في التعامل والكفاءة المطلوبة والإعتمادية مع عملاء byd سواء في البيع أو في الصيانة ترك إنطباع سيء عند العملاء فالسيارة نفسها محافظة علي سمعة الشركة بجودتها ونتمني إن التوكيل يبدأ يحسن صورته كوكيل وكمصنع للسيارة لإننا مش بنهاجم الناس وخلاص إحنا هدفنا هو تحسين الوضع والفائدة ستعم علي الجميع إن شاء الله