ياريت يا جماعه اللى جاب لسباور امبريزا 2008 الهتاش باك يقولنا عامله ايه وايه نظامها فى السحب والعفشه والكماليات ؟؟
عرض للطباعة
ياريت يا جماعه اللى جاب لسباور امبريزا 2008 الهتاش باك يقولنا عامله ايه وايه نظامها فى السحب والعفشه والكماليات ؟؟
انا رحت جربت العربية عند عبد الهادي الاسبوع اللي فات
العربيه من جوه احلى كتيير وافخم من الموديل السابق والتقفيل ممتاز والعزل كويس جدا
المساحه الداخليه رائعه ............ لكن الشنطه صغيره (بالمقارنه بموديلات هانش باك برضه زي التيدا ... الاسترا)
الشكل الخارجي جامد جدا ......... فروق بسيطه جدا بينها وبين ال Bmw 116 ولكنها أكبر منها كمساحه داخليه..
الموتور تجميعه قوي جدا والفتيس المانيوال ناعم جدا وسلس
مريحه جدا في سواقتها والدركسيون ممتع جدا
يعيبها ان الرؤيه الخلفيه غير واضحه لصغر مساحه الزجاج الخلفي لكن المرايات الجانبيه كبيره وكافيه جدا و ممتازه
طبعا خلال التجربه ماكنش في فرصه لاختبار الاستابليتي ........ بس على سرعه 100 (دي فوق كوبري النزهه والدنيا زحمه جدا) كان اداء العربيه رائع.
في حاجه جديده كمان ان في دراع جنب الفتيس المانيوال...... وظيفته انه بيزود عزم العربيه للحد الاقصى مجرد ما تشده لفوق تحس ان العربيه عايزه تطير من على الارض ويوصل لاعلى عدد من لفات الموتور بسرعه الصاروخ........... الغرض منه استخدامه عند المطالع الشديده والعربيه محمله أو لو عايزالعربيه تتسارع بسرعه قوي.... انا شديته عند أول الكوبري .... لقيت العربيه جابت 110 على نص الكوبري على التالت ... واللي صاحبي اللي قاعد جانبي هو اللي خلاني اهدى لانه خاف ..........
صوت الموتور عالي بس جمييييييييييييييييييييييي ل
السوند سيستم حلو بس الصوت واطي.............. يعني لما تجيبه على الاخر
الهاي لاين في 8 اير باج وفي مثبت سرعه في الطاره مع امكانيه انك تزود السرعه وتقللها من الطاره يعني بلاي ستايشن رسمي.... ربع على الكرسي وسوق بالدركسيون فقط ......... (مش قوي كده)
كل الموديلات في Abs والفرامل استجابتها هايله
المانيوال مفيها فوجات ........ وبتركب ب 750 جنيه .... بس مش عارف هتحتاج تغير دراعات المالتي فنكشن ولا لأ
عربيه شبابيه جميله جدا .............. لكنها شبابيه وعدم وجود شنطه هو العيب الوحيد المؤثر ...... رغم انك ممكن تركب روف راك وتركب عليه اللي انت عايزه في حاله السفر ..........
شكرا يا ميجو علي تقييمك و مجهودك
شكرا يا باشا على تقييمك
العربيه واضح انها جامده فعلا بس التسارع كان عامل ايه معاك
وانا كمان ناوى اجيب الاستيبترونك مش عارف هيبقى حلو ولا ايه نظامه
العربية روعة بس واطية جداا عن الارض يعنى صوت الحك فى المطبات هيبقى مزعج جدااا
السلام عليكم ورحمة الله
السوبارو امبريزا اعتبرها افضل سيارة في فئتها اذا قورنت الامكانات بالسعر
وعن تجربة السوبارو 2007 ما شاء الله عليها بالرغم من ان قوتها 94 حصان ولكن الموضوع مش فارق كتير صدقوني بمجرد ما السرعة بتعدي ال 100 بتلاقي العزم يشتغل وماء الله علي الغيار الرابع فوق الممتاز
غير كده الثبات الذي لم اراه في اي سيارة اخري وانت بتاخد الغرزة فعلا تشجعك تاخدها وانت على 140 عادي ثابته لحد كبير (ما شاء الله)
طبعا الامبريزا 2008 تجنبو عيب قوة الاحصنة وكمان العزم اصبح عند دورات منخفضة
انا ان شاء الله مقبل علي شراء المبريزا 2008 لابي بس منتظرين بيع البيجو القديمة
اما عن 2008:
سابدا بما عليها:
1-من ناحية الشكل
الحقيقة هي لا ترضي طموح الشباب ابدا
لانها بدون تنفيخات جانبية (wide body parts ) كما في 2007 واصبح في 2008 مقصورا على sti للاسف
الابواب باطار خارجي عكس 2007 التي تمتاز بباب ما شاء الله عليه
2-التسارع من 0 -100 اصبح في 14 ثانية وليس في 12 كما الموديل السابق بالرغم من زيادة قوتها الحصانية و بالرغم من انها بكامة ثنائية(اتمنى من احد المختصين شرح السبب)
3-النسخة المانيوال للاسف غير مزودة بفوانيس شبورة
3-إيريال الرادبو موجود باعلي السيارة عكس 2007 كان بيلت ان
4- رايي ان العدادات القديمة شكلها رياضي اكثر
5-التصميم العام ليس رياضيا كما كان قبل هذا حيث كان (من رايي) شبابي جدا
اما ما لها فتحدث ولا حرج:
1-ما شاء الله ثباتها زاد كثيرا نظرا لوضع الموتور المنخفض عن سابقه و زيادة عرض السيارة ككل وزيادة عرض قاعدة العجلات
2-عوامل الامان زادت كثيرا من حيث القوة ايضا النسخة الاوتاماتيك اصبحت بثمانية srs bags
3-المانيوال فيها فيتيس dual range بغيارين hi , lo:
الاول للقيادة العادية وهو يؤمن وفر للوقود اما الثاني للقيادة الرياضية للاستفادة بامكانيات لبموتور بالكامل
4- طبعا القوة الحصانية زادت الي 107 وان كنانت عند 6000 لفة (نسخة 2007 كانت عند 94 عند 5200 لفة)
5- العزم اصبح 14.5عند 3200 لفة وليس عند 3600 كذي قبل
6-العربة اوسع من ذي قبل فعلا اظنها اصبحت اكثر رحابة من الكورولا الجديدة التي لم تعجبني في الواقع
------------
كلام 100% بس على فكرة موضوع التسارع ده غلطة من الوكيل كمان لان تسارع العربية دى فى 12 ثانية وليس 15 ولا 14
والتوكيل عدل المعلومة دى فى الاعلانات خلاص .........
-
العربية حلوة فعلا - وترضى غرور من يريد امتلاك عربية سوبارو لكنها لا ترضى غرور ملاك امبريزا القدام لانها فقدت كثير من هويتها
الرياضية .. ولكن لو نزل منها السيدان فعلا فى فبراير حتكسر الدنيا
مش عارف يا أحمد بس ممكن كلام الوكيل يبقى غلط انا قريت في wikepedia ان تسارع المانيوال 1500 13.7 وهم قالو كده بعد ما لقو الناس بتتسائل كتير عن الموضوع
لكن يا جماعة الموضوع ده مش بيفرق خالص صدقوني بمسافة ما تجمع السرعة خلاص انسي الغيار الرابع(والخامس اجمد طبعا) فيها رهيييييب لان عزم العربية عند لفات منخفضاقتباس:
CAR: Subaru Impreza 1.5R Sport Wagon
PRICE: £12,495 - on the road
INSURANCE GROUP: 11 [est]
CO2 EMISSIONS: 184g/km
PERFORMANCE:Max Speed 109mph/ 0-60mph 13.7s ECONOMY:(urban) 27.2 / (extra urban) 44.1 / (combined) 35.8mpg
STANDARD SAFETY FEATURES: Driver, passenger and side airbags / ABS with EBD
WILL IT FIT IN YOUR GARAGE?: Length/Width/Height, 4465/1740/1440mm
و على What car برضة مكتوب نفس الكلام :(
والله حتى لو 15 مش فارقة احنا مش حندخل بيها سباق ....
انا عمرى ما ادخل بعربية مدفوع فيها 120000 سباقات او drag ..ده حتى حرام :)
-
اهم حاجة فى العربية تكون ثابتة ومعمرة ودول ماشاء الله فى امبريزا 100%