ازاى اعرف متى اظبط زوايا او ارصص عجل
عرض للطباعة
ازاى اعرف متى اظبط زوايا او ارصص عجل
على حد علمى ، الترصيص بيتعمل مره واحدة و الكاوتش جديد و بتحتاجه لو الرصاص وقع ( مثلاً و انت بتلحم الكاوتش) أو لو الكاوتش اتلحم خابور كتير اوى.
علامات نقص الترصيص : الدركسيون يبتدى يرعش من سرعات قليلة من 50-60 و يزيد مع زيادة السرعة.
متهيألى ضبط الزوايا لما تلاقى العربية ابتدت تحدف جامد لما تسيب الدركسيون رغم ان ضغط الكاوتشات مضبوط و ساعات بتحس ان الملفات اليمين بتفرق عن الشمال، يعنى العربية مثلاً بتلف على الضيق أوى ناحية اليمين و على الواسع ناحية الشمال ( طبعاً و انت كاسر الدركسيون كله )
خبرتى الشخصية : الترصيص بعمله مع كل كاوتش جديد و لو الامور سليمة و مفيش اخرام بعمله مره كل 5000 كم عشان بس اطمن.
ضبط الزوايا : بعمله لما اغير الكاوتشات و لما اعمل أى شغل فى العفشة، ان شاء الله لو كنت بربط عليها بس عشان رأيى ان الكاوتشات و كل ما يتعلق بتوجيه العربية حاجات ماينفعش نهمل فيها عشان ده ارواح ناس.
و الله اعلم
كلام وافي شكرا جزيلا
اناعندى الدريكسون حادف ناحية الشمال بعد ماظبطت زوايا
أتأكد من ضغط الهوا في العجل
شركات الكاوتش بتنصح بالترصيص كل 5000كم وضبط زوايا كل 10000كم مع تبديل العجل الخلفي يمين مكان الأمامي شمال والأمامي يمين مكان الخلفي شمال كل 10000كم لأفضل أداء وتأكل منتظم للكاوتش
شكرا للمعلومات
ردود جميلة الله يديكم الصحة
معلومات مهمة, شكرا جزيلا