الموضوع: عايز اجيب موتوسيكل من برة اعمل اية

طاب لو الواحد معندوش حد برا والصراحة الأسعار برا تشد الواحد مفيش سايت أو شركة ممكن نكلمها تكون برا علشان محدش يضحك علينا في البيك؟؟؟
هو السايت إلي حضرتك حطو ممكن يبعت لمصر؟

انا معرفش
بس اكيد فية شحن من بلد البايك لمصر
يا ريت يا جماعة الى يعرف الاجرائات يكتبها للناس علشان تعرفها

باشا هو انت ممكن تجيب من بره ولا ايه انا مش فاهم ممكن تشرحلى

اية يا ريسنا فين المشكلة الى انتا شيفها موتو عجبك كلمت الراجل على الميل اولتلو ممكن صور للبايك وفيديو وتبعتو وتشوفو البنك الى تحولة علية وابالها تكون شايف شركة الشحن الى هتجيبة وتشوف الاسعار وهناك ممكن يكون بتديهم الفلوس وهوا يجى يدلهم البايك هناك ويدولو الفلوس وياخد عملتة نفس عمولة التحويل ويبقى كدة ضمنت انشاء الله دة فى رأى الصراحة وليسة مش جربت

سلام عليكم يا شباب
انا دلوقت في المانيا و ممكن اساعد لو حبيتو بس للأسف أنا معرفش حاجه خالص في المكن وهبقى محتاج حد يقولي ابص على ايه بالظبط على فكره الموضوع داخل دماغي اني اجيب لنفسي بس لسه مش عارف اعمل ايه بالظبط واهو منها أساعد الشباب واستفيد منهم خبره في الكشف على المكن
اللي ناوي انا مكن اقمتي في مدينه في ولاية بايرن شمال ميونخ بحوالي 180 كم

والله يا ايهاب ميرسى على المساعدة بجد انتا كدة وفرت المكان الى ممكن نشترى منة وهنضوف دلوقتى الجمارك بتكون على حسب اية علشان نقدر نقول احنا عايزين بايك كذا سىسى كذا موديل كذا

يلا يا شباب عايزين نعرف المعلومة التنانية فين الردود

على فكره يا رجاله احنا ممكن نجمع مننا كذا واحد عاوزين مكن ونبعت لايهاب باشا فى المانيا يسال عليهم وكده ويبعتهم مع بعض ممكن نوفر كتير فى الشحن وكمان وهما دخلين مع بعض هيتعملوا احسن من مكنه واحده بس عاوزين حد معاه بطاقة استيراديه