عايز اجيب موتوسيكل من برة اعمل اية

**musicshow** · 31-12-2009 10:30 PM

السلام عليكم يا ناس يا محترمين جدا جدا جدا

انا عارف ان الطلب صعب شوية وممكن واحد ولا اتنين يعرفوة بس

انا عايز اجيب ريس من برة ودخلت مواقع عليها شويت ريسات تجنن وتخبل

بس مش اعرف الشحن يجيلوا كام يعنى مثلا من اوربا يكون بكام ومن امريكا يكون بكام طبعا بيتراوح

تانى حاجة الجمراك على اساس اية وبكام طبعا يعنى ازاى احسبها على المكنة الى عايزها

شكرا واسف على الاطالة ....... اولولى ازاى وانا هجبلكم السيتات دية

**hedra** · 01-01-2010 01:18 AM

وانا كمان نفسى اعمل كده برده
بس اللى اعرفه يستحسن انه يكون واحد معرفه ليك اللى يبعتهولك
لانك ممكن تتفق على مكنه وبعدين واحده تانى يعنى لو ليك حد فى اوربا او امريكا يستلقطلك واحده كويسه ورخيصه وبالنسبه للجمارك دى على حد علمى انها على حسب السى سى والموديل فانت شوف ايه الموكنه اللى انت عايزها وقول عليها علشان لو حد يعرف هتكلف اد ايه يقولك

**musicshow** · 01-01-2010 02:18 AM

المشاركة الأصلية كتبت بواسطة hedra

وانا كمان نفسى اعمل كده برده
بس اللى اعرفه يستحسن انه يكون واحد معرفه ليك اللى يبعتهولك
لانك ممكن تتفق على مكنه وبعدين واحده تانى يعنى لو ليك حد فى اوربا او امريكا يستلقطلك واحده كويسه ورخيصه وبالنسبه للجمارك دى على حد علمى انها على حسب السى سى والموديل فانت شوف ايه الموكنه اللى انت عايزها وقول عليها علشان لو حد يعرف هتكلف اد ايه يقولك

والله يا ريسنا انا بدور على suzuki 750 Gsxr او 600 من 96 وانتا طالع

بجد الريس دة توحفة كل الشد بيتاعو مع yamaha R1 وبيعمل شغل معاها

بس لقيت واحد فى امريكا ولقيت 600 موديل 2007 رخيص جدا
ف معرفش

**hedra** · 01-01-2010 05:42 PM

صدقنى يا باشا ومين سمعك
انا نفسى فى حته R1 موديل 2003 وطالع حاجه فاجره كده
لوتعرف تعمل كام فى مصر وبالنسبه للمكنتك هو ال750 كويس جدا وكفائته قريبه لل1000 بس الكلام ده فى الموديلات الحديثه على حد علمى

**musicshow** · 01-01-2010 06:21 PM

المشاركة الأصلية كتبت بواسطة hedra

صدقنى يا باشا ومين سمعك
انا نفسى فى حته r1 موديل 2003 وطالع حاجه فاجره كده
لوتعرف تعمل كام فى مصر وبالنسبه للمكنتك هو ال750 كويس جدا وكفائته قريبه لل1000 بس الكلام ده فى الموديلات الحديثه على حد علمى

يا ربى من مصر دى غالية انتا بتتكلم على اعلى فئة فى الياماها بس من برة فى حدود 25 الف مصرى

اما ال 750 بدأت من اول 96 تكون شديدة وعافية مطلعة 121 حصان وعدادها 300 وبتجيب 293 يعنى حاجة وهم

**musicshow** · 06-01-2010 02:05 AM

اية يا جماعة مافيش مساعدة خالص كدة يعنى صعب اوى الموضع دة ولا اية

**hedra** · 06-01-2010 08:20 PM

اسف على التاخير
بس على كده المكنه دى عامله كام فى امريكا وعليها تعديل ولا استاندر
لان اغلب اللى فى امريكا بيكون متعدل
ولو تتعب معايا وتشوفلى معاك واحده R1 واحده بس مش هكتر وازا كان كده ندخل احنا الاتنين مكنتين مصر

**naser_56** · 06-01-2010 10:20 PM

يا جماعه ايه الحكايه انتو فاكرين لما هتجيبو من بره هيطلع عليكم رخيص انتو فاهمين غلط احسب الشحن والجمارك وسعر المكنه مش هتلاقي فرق اكتر من 5 او 6 الاف جنيه في سبيل تعبك ومغامرتك بالفلوس علشان مش عارفين حاله المكن ايه بره ممكن لا قدر الله المموتور يكون فيه مشكله وانته شايف الصور بتكون ممتازه وكمان بيكون مصورلك العداد ويكون ماشي قليل ولكن في حاجات تانيه اهم من المشي وحاله البايك الخارجيه ممكن يكون عامل حادثه لا قدر الله والشاصي فيه حاجه وطبعا هيكون راشش المكنه ومبدل الفيابر وشكلها نضيف بس لما يوصلك البايك ممكن تكتشف حاجات كبيره نصيحه ماتفكروش في موضوع الاستيراد الال لو حد هيبعتلك البايك من بره ويكون هو الي فاحصه بنفسه ويكون فاهم جدا كمان وبعدين هتدخل في حوار الجمارك والشحن ولو تحسبوها صح صدقوني هتفكرو انكم تشترو من مصر وده الي حصل معايا بعد حساب الشحن والجمارك وسعر البايك الي كان معاي شريت من مصر وطلعت انا الكسبان بالرغم اني عايش بالكويت وقدامي مكن كتير وبسعر رخيص

**musicshow** · 07-01-2010 01:42 AM

على فكرة يا جماعة فية سيتات بيكون الناس الى عرضة الموتو بتاعها علية كتبة كل حاجتها واية العيب الى فيها

انا الى لقيتة فى السايت دة واحد عارض suzuki Gsxr 750 موديل 2001 وكاتب ومصور الخدش الى فى البايك وباين انة مذحف على جنبة ماشى تفتكرة طالب كام بما يعادل 10 الف مصرى

وانا معاك يا ناصر ان من الافضل بكتير ان يكون واحد هناك ويجيب ويفحص ويبعت ودة طبعا عن ثقة بس تفتكر انتا عندك كام صاحب موثوق برة ويقدر يجيب وقت يدورلك مافيش حد بيدور على حد ودة فى الشغل والله تخيل بقى ريس

انا لقيت واحد اصلا على سايت تانى بيقول انا اقدر اجيب اى موتو من ايطاليا وباسعار مغرية بس ليسة ما حولتش معاة ليسة بجمع فى فلوسة انشاء الله

انا هشوفلك R1 انشاء الله بس موديل كام او ممكمن اديلك الراجل دة لو انتا جاهز مثلن تشوف اية حكاية الى لقيتة على النت دة