الحمد لله أشتريت البيرسونا اوتوماتيك 2010
السلام عليكم ورحمة الله وبركاته
احب في الاول أأقول للجميع كل عام وانتم بخير ويارب يبقي عام سعيد علي الكل 2010
وأشكركم علي المواضيع الهامه اللي في القسم اللي بصراحه ساعدتني كتييير في اخذ القرار في شراء البيرسونا
وشكر خاص للأستاذ ايمن اللي فتح باب التخفيض للكل كفايه ان الوحد بيقووول انه من طرفه ويتعمله تخفييييض وش :M_yes[1]: هوا ايمن كان جايب تخفيض 3000 ج علي 2010 انا فاصلت كمااان في 500 ج .
انا اشتريت بيرسونا 2010 والحمد لله وعملت بيها حوالي 750 كم العربيه جميله جدا وانا جايبها عن اقتناع 100 % وعلي فكره انا كان معايا لانسر كريستاله مو 99 عايز انصح الناس يا جماعه اللي واخده فكره غلط عن اي موديل غير العربيات الياباني انه يتقلق منه بالعكس انا والحمد لله العربيه لحد الان زهلاني بنعومتها وسحبهااا زيها زي الياباني بالظبط يمكن لأن عفشتها زي ما الناس قالت وذكرت في المواضيع السابقه انها من ميسوبيشي , بس ليا تعقيب من سواقتي في 750 كم اللي فاتوو دووول انا اولا من النوع اللي بيحب السواقه الرياضيه يعني بحب الجري ومليييش طأ طاااان علي المطبااات اخدها بحنيه اوي انا باخدها هادي بس مش اوي زي ما كتيييير من الناااس بتخاااف علي العربيه .
وده تقريري البسيط وملاحظاتي علي العربيه
المميـــزات
1- ناعمه وصوت الموتور هادي من داخل السياره من خارج السياره لأ صوته عالي شويه
2- رفاهيااات في العربيه مما تجعلها الاميز في فئتها فعلا يا جماعه ( abs + multi function + center + air condition + airbags + sensor park )
3- ثابته جدا علي الطريق ولاوني مجيبتش بيها اكتر من 100 :C_laugh[1]:
4- الاضاءه في العربيه جميله من بره كا فوانييس اضائه عاليه وواضحه ومن جوا كاتابلووه وصالون داخلي 10/10
العيوب
بصو بصراحه هيا مش عيوووب انا مستخصر ااقولها بصراحه ما تستهلش الكلمه ده
المفروض ان العربيه بيتعملها pdi الاكصدام من الخارج خارج سنه صغيره لاحظتها بعد الشراااء ولاوني كنت مركز جدا وانا بشتري وكان معااايا صاحبي واخويا كمااان .
1- الفرامل فعلا بتغييب لحد ما تستجيب معاااك
2- صوت زنه من عند التابلوووه وخصوصا مع دوووس البنزين مش عارف من اه
3-الكرسه الخاص بالسائق لما بدوس فرامل وانا علي 100 تقريبا بس دوسه جامده شويه الاقي الكرسي في سنه لقدام بتطلع مش عارف باردو من اه
4- صوووت صفاره في دوسة الفرامل علي الهادي وعلي السريع
5- تقييمي الشخصي للسماعات اي نظام الصوت متوسط عادي بسمع خنفره بسيطه من الباب اللي جمبي
6- لما بلف الدريكسيون في وضع الحركه d بسمع صوووت مزعج جدا لدرجه مقلقه صوووت خبط
7- المقاعد مش مريحه مع المشواير الطويله بحس ان ظهري وجعني وده حاجه ضايقتني في العربيه
8- السينسور باركينج ما تعتمدش عليه اوي في الركنااات وخصوصا وانت راجع بزاويه انا مخبطش بس حبيت ااقول ملاحظتي لأنه من الخلف لو تلاحظوا حتلاقوا السينسور عباره عن 2 مش زي العربياااات التانيه اكتر من 2 اربعه تقريبا بس نعمه وفضل هوا حد لاقي
وحش جدا لدرجه مخلياااني مقلق جدا من عليه الدريكسيون معرفش من العلبه ولا الكارتيره وبيظهر بالاخص في الركنه .
حد يطمني يا جماعه علي العيوووب ده بتتظبط ولا اه مش حاخد عقاااد نافع من التوكيل ؟؟
انا رايح اعمل صيانه الالف هل بيغيرو في صيانه 1000 فلتر الزيت ولو بيغيروووه أجيبه من بره
ولا من التوكيل وانجز والزيت اغير بي اه 5000 كم ولا 10000 كم ؟؟
انا عموما ايااان كان 5000 او 10000 حجيب شيل انشاء الله انا مقتنع جدا بيه ...
وشكرا ويارب التوفيق للجميع ...