لو سفر يدفعوا ضبعا
عرض للطباعة
لو سفر يدفعوا ضبعا
هذا الموضوع يعتمد على مدى احساس الأخرين بالمشاركة ومدى تقبل صاحب السيارة للمشاركة أيضا ، الموضوع نسبى يتفاوت من شخص لأخر ويتدخل فيه مدى العلاقة ما بين الأشخاص وبعضهم البعض وأيضا الامكانيات المادية وخاصة إذا كانت التكلفة كبيرة.
وبصفة شخصية لا أقبلها ، تسبب احراج كبير حتى لو عرض صديقى المشاركة.
تحياتى
شكرااا علي التفاعل و الردود الجميله
كلنا نتشارك ف مصروف البنزين
مع احترامى لكل الاراء السابقة ,انا لية وجهة نظر فى الموضوع
انا مش شايف فيها حاجة لما اصحابك يشاركوا فى بنزين العربية ,حتى لو كنت بتشتغل وليك مرتبك
لانكوا لو ركبتوا تاكسى ومثلا انتوا اربعة ورايحين مشوار بعيد هتلاقى كل واحد فيهم دافع مش اقل من 5 جنية فاية المشكلة لما هما يجمعوا الفلوس دية ويديهوالك تمون بيها واهية عربية معاكوا تقدروا تروحوا وتيجوا براحتكوا فى اى مكان
لكن حرام حضرتك تتحمل مصاريف بنزين شخصية ليك ,مصاريف فى الخروجة نفسها سواء من اكل او اى مصاريف اخرى ,وكمان انك تمون العربية تانى ,يعنى لو انت عملت الخروجة دية فى الاسبوع مرتين يبقى هتلاقى نفسك بتصرف فى اليوم دة مش اقل من 70 جنية
دة غير ان ممكن يكون مافيش حد غيرك معاة عربية فلازم يخرجوا بعربيتك
انا عن نفسى بعمل الاتى :
احنا لما بنخرج مش بنروح مكان واحد لأ اكتر من مكان فبيبقى تقريبا عدد الكيلو مترات حوالى 80 كيلو ,فمثلا بيبقى معايا اتنين فى العربية او تلاتة فبخليهم يجمعوا مثلا 15 جنية وعادى جدا هما اصلا اللى طلعوا القرار دة .
لو مشوار اقل من 40 كيلو مش باخد حاجة خالص لانى حتى ممكن ماتكلفش بخمسة جنية بنزين
ودة لاسباب :انى مش احسن منهم احنا كلنا زى بعض فى الاخر شباب حتى لو بنشتغل كلنا وطالما بنخرج مع بعض يبقى كلنا نشيل مصاريفنا مع بعض ,لانك مش بتتحمل بس مصاريف بنزين ,لأ انت بتتحمل مصاريف استهلاك سيارة كمان وطبعا عمرك ماهاتيجى وتقول انتوا ركبتوا معايا يبقى تتدفعوا فى التصليح .
دية وجهة نظرى وطالما هما اخواتك مش اصحابك بس عادى لكن لو حد ركب معاك مرة صدفة كدة لا طبعا استحالة وعمرى ماهاقول كدة لحد انا مش متعود علية .ودة حقك وفلوسك
مفيش غير بس الافراح او الرحلات الى بنتثاسم فيها الفلوس للبنزين وبدفع زيي زيهم ودى جاجه وديه بما اننا صحاب بنشيل بعض فى اى حاجه
الموضوع ده بيحصل معايا فى السفر فقط
اللى بيحصل ان كل فتره انا واصحابى بنسافر سفريه
وكلنا معانا عربيات بس بنكتفى بعربيه واحده او اثنين
على حسب عددنا والسفريه دى ممكن تقعد يومين او ثلاثه
اسكندريه مثلا او العين السخنه او الغردقه
وفى الحاله دى بعد ماتنتهى الرحله بنحسب كل تكاليف الرحله
بنزين واقامه ومطاعم وكافيهات وكله ونقسم مع بعض
والموضوع عادى جدا لدرجة ان فى مره من المرات
كان معانا عربيتين والاثنين اخدو مخالفة سرعه رادار
وبرضو اتقاسمنا فيهم والحمد لله كلنا متفاهمين ومافيش مشاكل
اما مشاويرنا داخل البلد المشاوير الصغيره يعنى
مافيش الكلام ده خالص