الموضوع: احترس من بتوع الكاوتش واربط عجلك بأيدك

انا كنت فاكك ال 4 عجلات برصصهم وكده
المهم الى ركب العجل منه لله وفر صحته الى ربنا مش حيباركله فيها عشان ميخافش على اعمار الناس
مربطش المسمامير لاقيت صوت حك وخبط وطقطقه
وبعدها ب دقائق لاقيت صوت خبط ورزع اكن العفشه بتتفك واصوات زى عمود الكردان وهو محلول كده
المهم قولت اشوف العجل واربطه يمكن هو السبب
لاقيت ال 4 عجلات كل عجله فيها مسماريا او اكتر محلولين وفيهم لفتين تلاته لسه وفى مسامير محلوله اصلا
المهم ربطهم والحمد لله لاقيت الاصوات راحت والحمد لله عدت على خير
بس كانت حتحصل كارثه لانى كنت ماشى على البحر ومعايا 3 فى العربيه يعنى 4 كان الله اعلم ايه الى حيحصلهم فى اخر ساعات 2009 الحمد لله على كل حال
وحسبى الله ونعم الوكيل ربنا المنتقم
انا قولت لازم اقولكم عشان تاخدو بالكم

شكرا علي التحذير وجزالك الله خيرا وربنا المنتقم والحمد لله علي السلامه

العفو يا باشا انا اتعودت منكم على كده لما بتلاقو حاجه بتحزرونا وانا عملت كده ربنا يخلى نايل موتورز

حمدلله على سلامتك ,, و منه لله الجدع ده فعلا
حسبى الله فى كل واحد مش شايف شغله بما يرضى الله

الله يسلمك يا باشا ومنهم لله كل الصنايعيه المتخلفين

المفروض تقف على دماغه وهو بيربط ,,

كنت واقف من بعيد وشفته وهو بيربطهم بعد منزل العربيه لكن هو كبر دماغه ووفر صحته مع انى اديته بقشيش عشان يهتم ويراعى ربنا فى شغله

ده انت ترجع تربطله دماغه لفتين فى جسمه , حمد الله على سلامتك

ياريت الكل يخلى باله يا جماعه اى صوت وهو ماشى ميستهونش ويقف على طول يشوف من ايه

ههههههههه ده المفروض فعلا
وفعلا لازم اول منلاحظ صوت او اى حجه غريبه نقف ونشوفها
المشكله انى كنت على البحر ومعرفتش اقف فى اى حته واطريت امى شويه لاقرب سرفيس عشان اقف وانا مطمن

بالذات الأصوات بعد عملية صيانة مثل السابقة , أكيد حد نسى حاجة , ده اللى خلى الجراحين بينسوا فوط ومقصات الصنايعية مش هينسوا ؟؟!!

والله يا دكتور انا طلعت جربت العربيه ومشيت بيها حوالى نص ساعه بس كنت لوحدى لكن لما ركبت الناس معايا الوزن زاد فبان طبعا الفرق الى كان بين الجنوط والصره

الواحد بجد بقى بيكره الصنايعية من الإهمال بتاعهم ..
كنت باعمل شغل فى فرن الشكمان والصنايعى حل البطارية ، رحت مشوار ساعة ورجعت لقيته خلص ، حاسبت الاسطى واديت الصنايعى بقشيش ، ومشيت ، يا دوب وصلت لآخر الشارع لقيت العربية بطلت ، أتارى الجحش حاطط قشاط البطارية فى الصباع تلميس كده من غير ما يربطه وفيه كلبسين محطوطين على صاج الحوض كده لوحدهم ، ماعرفش فكهم منين وماركبهمش تانى .. رجعت عملت فيه زى ما وزير المالية عايز يعمل فى الناس ، وأخدت منه البقشيش

والله جدع وانا مره ده حصلى بس معملتش زيك كده وكتير فعلا بعد ما الصنايعى يخلص الاقى مسمار او صاموله زياده طب طلعت منين وجت ازاى يا اسطى يقولك لا دى ملهاش لازمه

حصل مرة معايا موقف شبية بكدة
من ساعتها وانا اللى بربط العجل لنفسي

انا كنت بعمل كده والله بس لاما لقيت شكل المحل نضيف ومنطقه نضيفه قولت عادى مش معقوله هنا الناس كمان مستهترين لكن يظهر ده ده بقى حالنا ونصيبنا حنفضل لحد امتى كده