ايه احسن طريقه لبيع سيارة؟

**SEATLOVER** · 07-03-2008 02:16 PM

طبعاً الوسيط هى الطريقة الوحيدة ..السوق دة فعلاً سوق (خضار)
وبحترم جداً اى اعلان بيكون كامل ومحترم وبالترتيب فى الصيغة ذى دة :

نوع-موديل سنة -فابريقة اية -موتور كام سى سى-فتيس اية -كماليات-رخصة مين ومدة اية - -نهائى كام
اى ملاحظات تانية ذى (اول يد-استبن لم يستعمل-جنوط-وحدة رفع-مرفوعة -...)

موبيل واحد- ولما تسألة عن العربية (مايقولكش انهية عربية) .

**limo** · 07-03-2008 07:42 PM

المشاركة الأصلية كتبت بواسطة som3aa

الأعلان فى الوسيط او الاهرام الاتنين كويسين
بلاش النت دا خالص كل اللى بيخشوا بيبقوا بيسلوا وقتهم ملوش اى لزمة.
الوسيط و يستحسن تحط اعلان اسود بس بيبقى اغلى

انا بايع عربتين من خلال النت
واحده من خلال موقع مصراوى
والثانيه بعتها من خلال نايل موتورز
انا رأى طلما انت مش مستعجل على البيع
تجرب كل طرق البيع
تبداء الاول بالاعلانات الغير مكلفه مش النت -لصق اعلان على السياره
ثم الوسيط - مجله عربيتى - اهرام الجمعه

**elmasri** · 09-03-2008 11:32 AM

انتو نسيتو طريقتين مش بطالين الاولي وهي وضع اعلان بيع علي السيارة نفسها في مكان محترم يعني امام شركتك واللي هايتصل هايتكلم في السعر فقط لان كل حاجة امام عينة .والثانية تسيبها لمعرض يعرضهالك بالسعر اللي انت عاوزة وبياخذ 250 جنية فقط مهما كان سعر السيارة (مش نسبة)بس تحتفظ باخر قراءة للعداد(زيادة في الاطمانان)

**shady_elkady** · 09-03-2008 11:40 AM

دة نسيب انا علمت اعلان فى الوسيط جالى ناس كتير و فى الاخر بعتها فى السوق

**aif** · 11-03-2008 11:55 AM

انا عملت اعلان في الوسيط واعلان علي العربية واعلانات في النت وجاتلي اتصالات كتيييير اوي ومعظمهم مش جد وبعد شهر بعتها في سوق مدينة نصر في 10 دقائق .. المهم ما تبيعش لتاجر او بتوكيل .. بيع بعقد
نصيحة ... بيع في السوق..... لكن ما تشتريش منه

**sherif80** · 18-06-2008 09:46 AM

من رأيى ان النشر في جريدة او عن طريق الانترنت احسن وأأمن طريقة سواء للبيع او الشراء

و بتضمن ان اللى بيكلمك عنده جدية فى الشراء و موافق على المواصفات بتاعت العربية و سعرها

المشاركة الأصلية كتبت بواسطة Nader

سوق مدينة نصر بيتحكم فية التجار صعب حد يعرف يبيع بسعر جيد

+1

**thegreatnileman** · 19-06-2008 05:53 PM

انا رايي ان جريدة الوسيط هي الافضل علشان بتجيب ناس كتير تشتري و عندهم جدية في الشراء فعلا لانهم سيتكلفوا ثمن المكالمة و عناء المشوار علشان يفحصوا العربية

**mokelanos** · 21-06-2008 12:17 AM

سوق مدينه نصر سوق خضار فعلا وأغلبه تجار
نصيحه بعد تجربه
السوق قله قيمه وقرف وبهدله وناس تفعص فى العربيه اللى عاوز يشترى واللى عاوز يعمل مصلحه والحر ومقابله بشر يعكننوك ويجبولك الضغط
الوسيله المحترمه الوسيط والعربيه تحت بيتك وبأحترامك تعطى المفتاح للبواب ويفرج الناس وأنت زى الباشا
كان واحد عارض ياريس كان واحد حيكسر غطاء علبه اسود فى الموتور وغيره اللى عاوز يخلع الفرش ويفك كاوتش الباب وفبر الشنطه فعلا الراجل صعب عليا