الموضوع: مواقف على الاسفلت

المشاركة الأصلية كتبت بواسطة bmya

اول حادثه كنت لسه يدوب بسوق تقريبا كنت في 3 اعدادي وكنت في جمصه المهم اخدت العربيه ونزلت (كانت لانسر 99 اياماماكانت زيرو شافت كتير معايا)
المهم نزلت وماشي بقه فرحان بنفسي وكده المهم موتوسيكل فطوطه اللي هو الصغير ده واقف علي اليمين خالص وانا ماشي علي الشمال واول ماقربت منه راح هووووووووب نعدي قدامي عايز يقطع الطريق من اقصى اليمين لاقصى الشمال طبعا روحت هووووب شيطه بالعربيه بعد ما دوست فرامل والموتوسيكل طاار واتكسر وانا يدوب وقفت قبل الرصيف والكبوت طبعا ولاشبكه اتكسرت والمرايه اليمين اتكسرت ماعلينا طبعا ولا كان معايا رخصه ولا نيله نزلت لقيت الواد واقع قلتله انت كويس يبني قام وقف وقعد يزعقلي والناس كلها اتلمت وطبعا اكيد بقيت انا اللي غلطان مهو طالما انا راكب العربيه يبقى انا المفتري المهم فجأه الواد راح واقع نايم في الارض ومش راضي يقوم ويقولي مش قارد اتحرك ومش عارف ايدي ولا رجليي قلت بس الواد اتشل هوب روحت شايله مع الناس وحاطه في الكنبه وواحد صحبه ركب معاايا وطيران علي المستشفى طبعا روحت مفيش اي حد خالص قعدت الف لحد ما جبت ممرضر والواد كان خلاص عاش دور صالح سليم في الشموع السوداء وجبناله كرسي متحرك المهم الممرض قالي من الاخر اطلع به على مستشفى الطوارئ في المنصوره قلت يانهار ابيييييييض منصوره مين انا مش معايا رخصه قلت بس روحت في داهيييييييه قلته طيب خليك هنا بقه اجيب والدي واجيلك وسيبته وطلعت جري علي بابا وهو اصلا ماكناش عايزني انزل في اليوم ده بس انا اصريت (نصيب بقه) نزل معايا ورحنا المستنشفى وعمله شويه فحوص كده اوليه لانه كان خايف يكون العمود الفقري جرلاه حاجه والواد اثلا كان عايش الدور صح مش قادر يقف ولا يمشي ولا يتحرك ولا يتكلم المه بابا اخده وطلع بيه علي الطوارئ و عمله كل الفحوص والاشاعه الممكنه وطلع مفيش فيه اي حااااااااااااجه ابن اللذينه نشف دمي المفجأه بقه ان الواد ده طلع في الاخر مش مصري طلع سوداااااااااااااني ومعرفش ايه اللي جابه جمصه طبعا بابا حرمني من العربيه فتره طويييييييييييييييله اوي تقريبا لحد ما اطلع الرخصه ماكانش بيسيبهالي لوحدي لازم يكون جمبي

اما ثاني حادثه كنت راكب ميكروباص وكنا اول يوم رمضان وانا كنت راكب في الكرسي اللي في النص اللي بعد بعد السواق وراكب جمبي صديقي الصدوق وورانا بنات زمايلنا في الجماعه
المهم انا كنت قاعد بقرأ قرأن وفجاه لقيت عم حمزه السواق بيصرخ يا ابن الكل.... وفرامل جمده اوي والعربيع تبلف وتحددف ورايحع علي الترعه او الشجره والحمد لله وقفت قلا لشجره وكانت نازله خلاص في الترعه طبعا كل ده حصل في ثواني انا كنت نطقت الشهادتين اصلا المهم بدور على الموبايل لقيتني هرسه تحت رجلي كان نوكيا 6630 ايام عزه كان وكان جديد المهم ما علينا ببص جمبي لقيت صحبي مغما عليه ومبيرودش ببص ورايا لقيت البنت(الله يرحمها يارب) بنت زملتنا وشها كله دمممممممممم وجمب وشها اليمين ضايع شافيفها مقطوعه وايدها مقطواعه من النصف كده قطع رهييب وطبعا فاقده الوعي واللي وراها ولد الله اعلم بحالته بس دراعه كان مقطوع بجد دراعه الشمال كان ماسي في جسمه بحنه جلده فقط وكان بيجره كده وراه ووشه كله من ناحيه الشمال الجدل من عليه متشاااااااااال ومع ذلك ده الوحيد اللي كان فايق بجد كان مشهد رهييييييييييييب المه قعدت افوق في صحبي لحد مافاق وكان الحمد لله كويس بس دراعه اتكسر المهم نزلته ونيمته على الارض ولقيت عم حمزه هو كمان كف ايده اتقطه و حطوه في الجاكت بتاعه وعمال يصرررررررررخ واللي كانو قدامي نفس النظام برده يعني من الاخر الصف اللي كان جمب السواق كله متبهدل اخر حاحجه وطبعا الناس عماله تتفرج من بعيد لبعدي اتصلت بالسعاف قعدوا يحققوا معايا طبعا ووصلوا متأخر المهم البنت زملتنا (الله يرحمها) كان لسه فيها الروح وكانت بتتنفس بصعووووووووووووووبه اوي وطبع وشها كله دم ومناخيرها فيها دم واكيد مش عارفه تتنفس من الدم وانا واقف بجد مش عارف اعمل ايه واتصلت بوزالدي وجالي المهم الاسعاف خديت المصابين الحمد لله بس البنت على ما وصلت كانت انتقلت لرحمه الله وكانت لسه مخطويه الله يرحمها يارب والسواق عمل عمليه وايده رجعت ورجع يسوق تاني دي بجد كانت اول حادثه وافظع حااااادثه وبجد شوفت مناظر مكونتش اتخيل اشوفها علي الحقيقه دم واجسام متقطعه اعوذ بالله ربنا يسترها علينا يارب

ثالث حادثه كانت برده باللانسر
مسافر في امان الله والحياه بيس وكنمت مشغل اغنيه لهباء سلطان (كرهته من يومها) المهم رايح المنصوره وماشي بتاع 120 كده وكنت مقضيها غرز وكده المه الوضع كان قدامي شيروكي علي اليمين وانا جاي من الشمال وبعدي منه ومن عربيه دبابه نص نقل ماشي شمال غرزه كده خفيفه المهم يدوب بقيت جمب النص نقل معرفش ايه اللي حصل غير اني حسيت ان الدنيا بتمطر بني أدمين قدامي علي الطريييق واانا ماشي 120 استحاله لو دوست فرامل الحق اوقف العربيه غير بعد مااكون فرمتهم طبعا قلت لاء في داهيه العربيه لكن مش هدوس بني ادم وروحت حادف يمين (في ترعه)جامد مع فرامل علي الاخررررررررر كان صوت فرامل رهيبه المهم الحمد لله عديت الناس وقلت بس الحق ارود الدركسيون شمال بقه لكن العربيه كانت جت علي حرف التعه وطبعا تراب وكده المهم العربيه راحت طبعا عايمه ولفت بيه طبعا الحمد لله نطقت الشهادتين وقلت خلاص هتتقلب العربيه وبالسلامه طبعا وفعلا العربيه اتقلبت بيه لكن ربنا سترها وكان في حجر كبييييييير علي شط الترعه العربيه خبطت فيه فبدل العربيه ما تتقلب رأسا علي عقب لاء الحجر خد الجمب اليمين والعبيه نزلت راسه في الترعه بس الترعهكانت مش مليانه ماء الحمد لله فضهر العربيه الشنطه وكده هو االي دخل فيها ماء
طبعا انا قعدت كدده شويه مش مستوعب ايه اللي حصل وان انا عايش الموضوع كله ما خدش ثواني لكن بيعدي على الواحد وهو بيحصل كأنه ساعات المهم العربيه طبعا كانت بطلت روحت قافل الزجاج كله وشادد الهاند ومدي العربيه الp زي ماكون راكن في الترعه مش مقلوب فيها وقلت بقه اشوف ايه النظام اللي يضحك بقه ان مفيش حد جه سأل عليه ولا بص شاف ايه ولا خادو بالهم مني اصلا كله ملخو في الناس اللي وقعه على الطريق دي على فكره كنت لابس الحزام والحمد لله ربنا جعله سبب من اني اطلع مفيش غير كدمات عبيطه مقارنه باللي حصل وبشكل العربيه وهو نازل في الترعه المهم نزلت لقيت طبعا مياه الترعه الجميله الخضراء المنعشه طبعا قعدت شويه قرفان هنزل ازاي في الزباله دي المهم قلت بدل ما فضل كده لحد ما اغرق انزل المهم روحت نازل وطبعا رجلي كانت بتغووووووص في الطين والطحالب الجمييله وروحت طالع على سقف العربيه وروحت متزلح علي الكابوت وفضلت قاعد كده مصدووووووووم فين بقه لقيت شاب محترم كده جه يبص عليه اتاري اللي كان سايق الشيروكي وطلعت وكان يوم طويييييييييييييييييل وركبت البوكس وروحت النيابه وكانوا عايزين يحوطوا الكلبشات في ايدي ولما لقيت كده قلت ما بدهاش بقه وكلمت اللي يعمل الواجب معاهم
المهم اللي حصل بقه ان انا في اللحظه اللي بعدي النص نقل فيها كان هو بيلبس في العربيه النص نقل اللي قدامه برده واللي كانت محمله عمال زراعين في الصندوق بتاعها وطبعا من شده الخبطه الناس كانوا قعدين علي حرف الصندووق طبعا وقعم على الارض قدام العبد لله بس انا طبعا ما عرفتش كده غير لما طلعت ورحت النيابه والوكيل بيسأل السواقين الاتنين اللي داخلين في بعض بيقولهم عليه ده عمل ايه وايه دخله في الحادثه ؟
قالولوا مين ده اصلا يا بيه احنا منعرفش ميين ده قالهم ده اللي كان ساييق الملاكي واتقلب في الترعه قالولا ملاكي ايه يا بييه
الراجل ضحك وقالي اومال انت ايه اللي جابك هنا يبني قلتله معرفش بصراحه انا حصل كذا و كذا وكذا وقعدت اقلهم انا متنازل عن المحضربتاعي وانا مخبطش حد ولا حد خبطني بس طبعا لازموا يعطلوا الناس وخلاص الكلام ده كان الساعه صباحا مثلا مروح يومها الساعه
بليل

ثالث حادثه ويارب تبقى الاخيره كانت بالسيريون حبيبه قلبي كانت يدوب لسه هتكمل ال1000 كيلو في المشوار ده المهم كنت في القاااااااااهره :@:@ وكان يوم خميس في الصيف وراجع الساعه كانت 4 عصرا كده وطبع الزراعي زباله الزباله في الخميس المهم ماشي في امان الله برده 80 90 كده عشان التليين عند قها تقريبا بعدي عربيه تريلا وماشي شمال وعن يوتيرن عربيات وقفه مستنيه اعدي عشان يلفوا ويبمشوا معانا في نفس الاتجاه كله واقف لحد ما قربت لقيت برغووووووووووث من براغيث القليوبيه العربيه السوزوكي الميكروباص الذبله ده مستعجل وراح قاطع طريقي طبعا كله توقع السيناريو اني مسكت فرامل راح اللي ورايا داخل فيا من وره
بس اللي حصل مش كده بالظبط اللي حصل ان انا فعلا فرملت جامد وانا اصلا مكونتش بجري ففرملت بسهوله وعادي خالص وجيت جمب الحيوان ده وبزعقله وكان معايا ابن خالتي كان طالعله من الشباك عمال يهزء فيه وهو يتأسف الا واذ فجأة من غير ولا احم ولا دستور ولا صوت فرامل حتى الاقي طاااااااااااااااااااااخ والاقي نفسي بتحدف مكن الشمال لليمين والحمد لله ان التريلا اللي ورايا ما داسيت عليه طبعا حسيت ان انا في حلم كابوس وهصحى منه ركنت واديت انتظار وفضلت قاعد كده ماسك الدركسيون وقاعد وابن خالتي نزل يتعامل مع الحيوان التاني وطبعا الاولاني طااااااااااااار لبسني وجري
المهم نزلت لقيت الزجاج الخلفي مش موجود الفانوس الخلفيي شمال مدشدش الاكصدام من ناحيه الشمال متعجن وباب الشنطه من الناحيه الشمال متكرمش ابص الاقي ميكروباص تويوتا هو اللي خبطني وهو فانوس وشبكه ووش العربيه اتعوج الادهى ان الناس الركاب نازلين يتخانقوا معايا ويقولولي انت اللي غلطان وكنت هتموتنااااااااا ومنكم لله وكلام الغريب اللي بيتقال طبعا طالما ان انا شاب راكب عربيه جديده يبقى انا شاب سيس بلاقي الفلوس ومش فارق معايا العربيه وكده يعني والسواق يقولي عايز حقي وانا سواق عليها بقيت واقف بضرب كف على كف مع العلم هو اللي داخل فيا من وره يعني غلطان مليون الميه وانا اصلا نزلت قلت الحمد لله وقلتله خلاص امشي من قدامي يا اسطى لقيته مش عجبه وبيقولي حرام عليييك والعربيه وصاحب العربيه هيبهدلنييييييي وعايز فلوس تقريبا مني !!!! والناس كلهم زي مايكونوا ماصدقوااا يشمتوا فيا ولا ايه كله يقولي انت اللي غلطان وهو كل واحد باباه جايبله عربيه يموت في الناس كده ومع ان ابن خالتي وكيل نيابه وكان في المنطقه التابع لها قها وكنت ممكن اطلع عين اهله بسانا قلت لاحمد لله ان انا سليم واللي معايا سليم وخيير وكده بس فعلا ندمت اني ماعملتش محضر وطلعت عينه هو الركاب كماااااااان
طبعا مازالت الاثار الجميله موجوده في العربيه لاني بصراحه كانت صعبانه عليه العربيه انها لسه زيرو مكملتش 1000 كيلو واروح اسمكر وادهن فروحت مغير الزجاج وسمكرت الخبطه على البارد فقط ولاكصدام اتسخن اتعدل ولحمته وركبته وزي الفل
اخر موقف بقه معلش طولت عليكم
من اسبوعين كده برده رايح القاهره الصبح كان عندي معاد وماشي دايس وكنت متقمص شخصيه الميكروباصات التويوتا اللي هما يبقوا لازقين فيك من وره تحس انه عايز يبوسك
كنت ماشي ولا عربيه نص نقل برده ولازق فيه وماشي ي النص وفجاه لقيت راح حادف نفسه شمااااال مره وحده انا مفهمتش بقه في ايه غير لقيتها في وشيييييييييييييييييييييي.. ..... نكمل الحلقه اللي جايه بقه وعايزكم تقولولي ياترى ايه االي الن نقل اتفاجأ به وعشان كده حدف شمال وياتري انا عملت ايه ؟؟

اخوكم شريف

تم حذف بعض الايموشنز لاحادثها تمدد زائد بالصفحة
دعم فني2