هل توصيل 4 سماعات على جى ام 2 تشانل على التوالى (+-+-) غلط وايه الصح
الجى ام 400 وات
والسماعات 2 كينود 400 و 2 سيمفونى 240
عرض للطباعة
هل توصيل 4 سماعات على جى ام 2 تشانل على التوالى (+-+-) غلط وايه الصح
الجى ام 400 وات
والسماعات 2 كينود 400 و 2 سيمفونى 240
متابع
بس ليا ملاحظه .. انت مبوظ الصوت عندك كده بال 2 سيمفونى دول
يعنى الكينود تمام اوى
انما السيمفونى دول ال ديستوريشن بتوعهم مش تمام ومش هيدوك النقاء بتاع الكينود وهيخلو الصوت مش حلو
الهيديونيت ايه؟
2050
السيمفونى صوتهم وحش أوى على الكاسيت
انما على الجى ام جامدين ومطلعين بيز جامد كنت مركبهم الاول قبل مجيب الكينوود
انا فعلا وصلتهم ال 4 على الجى ام بس بسأل صح ولا غلط التوصيلة كده؟
ولو ياسيدى على قد النقاء انا ميهمنيش النقاء بعكس ان الصوت يكون عالى
بس كدا صداع مش ساوند سيستم !!! عشان يكون ساوند سيستم فعلا لازم يكون نقى وعالى فى نفس الوقت بردو عشان انت متصدعش وانت بتسمع والصوت برا كمان يكون جميلاقتباس:
انا ميهمنيش النقاء بعكس ان الصوت يكون عالى
هوا انا عندى 4 سماعات كنت بوصلهم كالاتى الاتنين الموجب بتوع السماعتين اليمين مع بعض فى الموجب بتاع جنب الجى ام اليمين والاتنين السالب مع بعض فى السالب بتاع جنب الجى ام اليمين
والشمال فى الجنب الشمال زى اليمين
مش عارف انتا قصدك كدة ولا حاجة تانية
انا بسال عشان كده انت عامل عكس اللى انا عامله موصلهم توازى واعتقد ان ده غلط
انا اخويا مهندس كهرباء وعمال يشرحهالى من الصبح وانا مش فاهم حاجة
بص التوازى اللى انت عاملة المقاومة بتتقسم يعنى 2 اوم
واللى انا عاملة توالى المقاومة بتتجمع يعنى 8
والجى ام اللى عندى بيدعم ال4 و 8 فقط
الصورة دى هتوضح قصدى بدون لخبطة
http://www14.0zz0.com/2010/01/03/07/369058237.jpg
شكرا يا merty باشا على اللينك
يعنى افهم من كده ان لو وصلت سماعتين على شانل واحد 2 اوم الجى ام مش هيبوظ؟
الجى ام يدعم ال 2 اوم والباور بتاعه اعلى على ال2 اوم (السيمفونى)
أكيد يامان
يا باشا الجى ام مش هيبوظ لان المفروض خرجه ثابت
لكن العب كله هيبقى فى السماعات ........ ازاى ؟؟؟ بفرض الجهد الخارج من الجى ام = 12 فولت و السماعة 4 اوم
يعنى لو وصلتهم توالى الجهد على كل سماعة هيبقى 6 فولت و التيار لكل سماعة 1.5 امبير
طاب لو توازى الجهد لكل سماعة هيبقى 12 فولت و التيار 3 امبير
طبعا خرج الصوت هيبقى اكيد اقوى فى التوصيل على التوازى بس على حساب العمر الافتراضى
انا مفهمش اوى فى الساوند سيستم لكن اللى انت بتسال فيه ده قاعدة كهربائية بحتة
و الباور لازم تبقى اعلى لان لما المقاومة تقل ----> التيار يزيد فبالتالى الباور هتزيد
بس التيار الداخل للسماعات هيبقى اعلى بالضعف فى حالة التوصيل كسماعة منفردة
شكرا يا محمد باشا على التوضيح
لو وصلت السماعات توازي ، المقاومة حتقل وبالتالي حتحصل على باور أعلى عشان حتسحب تيار أعلى.
طب ايه أضرار انك تسحب تيار أعلى من المسموح بيه في مواصفات الأمبليفاير؟؟
المشكلة في الحالة دي ان المكونات الالكترونية حيمر فيها تيار عالي أعلى من المصممة عليه، وبالتالي حتسخن جامد جدا مما يؤدي لتلف الجهاز. أو لو الجهاز مزود بدائرة حماية حيفصل ولازم تعمله ريست.
التوصيل توالي مفيش منه ضرر ولكن مش حتحصل على كامل الباور بتاعة الجهاز
الخلاصة:
عشان تحصل على أعلى باور ممكنه بدون ضرر للجهاز:
لازم تخلي المقاومة الكلية للسماعات الواصلة على التشانل = اقل مقاومة مسموح بيها في الكاتالوج مع مراعاة اذا كنت حتوصل تشانل واحده أو حتعمل بردج.
استخدم سماعات من نوع جيد عشان ميكونش في فقد كبير في الباور ( سواء طاقة كهربية في الأسلاك أو طاقة صوتية ميكانيكية) نتيجة سوء جودة الخامات المسنخدمة في السماعة
شكرا يا باشا جدا انا كده فهمت
انا شيلت فعلا السماعتين السيمفونى خالص لغاية ما ربنا يسهل