-
ارجو المساعده
السلام عليكم ورحمه الله وبركاته
انا معايا لادا 2105 موديل :unhappy:83 وطبعا زى مانتوا عارفين ان اللادا دبرياج بتاعها ناشف شويه:stink[1]:
المهم انا امبارح كان الطريق زحمه وانا حملت على الدبرياج كتير شويه بعد كدا بدأت احس انه بقى خفيف خالص والغيارات بتاع الفتيس بقت صاعبه جدا
المهم ان مره واحده لقيت الفتيس علق على المور ومش راضى ياخد اى غيار:ma(30):
طبعا ركنت العربيه وطفتها الاقى الفتيس بيتحرك من غير دبرياج عادى بس اول ماتشغل العربيه وتدوس دبرياج اللى بقى خفيف جدا الفتيس مش راضى يتحرك ابدا
هل دى اسطوانه ولا بليه ولا سلك وهتكلف كام تقريبا
وشكرا:M_yes[1]:
-
فى حدود 120 جم يا باشا والموضوع سهل مش مشكله ولا حاجه
-
انا حصلت معايا مرة و غيرت الماستر بتاع الدبرياج بس خلى بالك ان فى 2 ماستر لانى اما غيرت واحد التانى باز فخلى الميكانيكى يعمل شيك على حالته كويس لان لو واحد سليم وتانى بايز الجديد بيبوز القديم والافضل ان تغير الماستر اللى فوق واللى تحت مع بعض ومتخليهوش يقولك جلد وهنغيرها لانها مش هتكمل معاك شهر وهتبوز تانى
-
-
ميرسى يا جماعه جدا على الرد وعلى العموم هو الميكانيكى وافق اخيرا انه يتكرم وييجى يبص على العربيه واول ماشافها قالى دى حاجه مكسوره فى الدبرياج ولازم افكه واشوفها
رنا يستر والموضوع يعدى على خير علشان بعد كدا هبيع العربيه على طول
-
متقلقش باذن الله حاجة بسيطة ممكن تكون سوستة الدبرياج اتكسرت والله اعلم بس ياريت تقولنا على النتيجة:ma(30):
-
السلام عليكم ورحمه الله وبركاته
الحمد لله يا جماعه العربيه اتصلحت متشكر جدا ليكم على المعلومات دى
انا الميكانيكى قالى (الفرش بتاع الفتيس اتكسر ووقعت البيضه منه)طبعا ركب فرش جديد والعمليه كلها كلفت 80 جنيه او قول 100 بعد الاكراميات وميرسى ليكم جدا
-
طيب تمام حمدلله على سلامة العربية
-
مبروك يا مان وانا قلتلك انها حاجة بسيطه باذن الله
Content Relevant URLs by
vBSEO 3.6.0 PL2