مين الحمار (حكايه من قلب الصعيد)
السلام عليكم ورحمه الله وبركاته
سوف اختصر الحكايه الي الحدث الرئيسي مباشره
عربيه في شارع صغير من شوارع اسنا وعربيه واقفه (حتي مش راكن عدل) المهم جه واحد عربجي بعربيه كارو ووقف جنبه ........الحمار لقي المرايه جنبه راح يحك رقبته فيها مكملش حكه والتانيه وراح هابد المرايه جابها الارض بسيطه ده حمار اعجم لا يقدر افعاله والعربيه 128 فيات يعني مش اللي الواحد يزعل عليها
لا مين قال بسيطه قام صاحب العربيه ساحب حته حديده ونزل من العربيه زي المجنون واشتغل ضرب ومحدش عرف يخلصه منه والناس اتلموا ومسكوا الراجل يحوشوه عنه ويقولوله طيب ايه ذنبه والراجل مرضيش يسيبه غير وهو مسطح علي الارض!!!!!!
تخيل انه ضرب الحمار......آه ضرب الحمار ولما بيقلوله حرام عليك يقول انا عرفت اخد حقي من مين
طيب بذمتكوا مين الحمار