السلام عليكم احلا اعضاء في المنتدى كله " أوبلاوية طبعا "
انا يمكن مش بشارك كتير معاكم لكن والله متابع كل المواضيع بلا استثناء بشكل يومي و بجد معجب جدا بكل اعضاء منتدى أوبل لأني بحس من خلال مشاركاتهم ان الواحد له عائلة كبيرة ممكن يرجعلهم في اي حاجة و ينصحوه بكل أمانة ....
الموضوع بتاعي هو عبارة عن طلب نصيحة من خبراء الأوبل عن افضلية الصيانة في التوكيل هل هي افضل في منصور ولا مقار ؟ انا عربيتي Vectra 2002 شاريها من حوالي 7 شهور و لما جيت اعمل الصيانة بتاعة ال50 ألف لاقيت انها في مقار تكلفتها تزيد عن منصور بحوالي من 50% الى 80% خاجة تجنن فعلا يعني مثلا طقم الكاتينة في منصور بيعمل حوالي 650-700 عند مقار بيعمل 1300 جم ؟؟؟؟
لما سألت مقار ليه الاسعار عنده فارقة بالشكل الرهيب دة قالولي ان احنا بنجيب قطع الغيار كلها GM الماني اما منصور بيجيب GM مصري و سوق أوروبي .
هل فعلا الكلام دة صحيح ولا أي كلام و ايه اللي يضمنلي اني لو عملتها عند مقار مش هيركب GM مصري و يحاسبني على انها ألماني علما بأن العربية الملف بتاعها كله عند مقار. و شكرا لكم جميعا و آسف للاطالة.
سنة سعيدة علينا جميعا باذن الله