الناس دية فى منتهى الغرابة اكنهم بيبيعوا فى سوق خضار موش بيبيعو عربيات
من فترة حجزت ساجا وبعدين حسيت انها موش هاتنفعنى مع الوقت قولت اغير وحجزت بيرسونا المهم البائع المحترم قاللى انة مفيش اى خصومات على البيرسونا 2010 من هنا لهنا لاقيت انة مافيش فايدة وموش عايز ينزل جنية قولت خلاص يبقى زى زى بقيت الناس اكيد هى كدة فى كل الفروع وموش بينزل فيها اى حاجة 92000 جندى المهم
مشيت وقولت اوك خلاص بعد كام يوم اتفاجئ ان الاستاذ ايمن عامل دييل مع فرع الصحراوى بخصم 3500 جنية على موديلات 2010 وفى فعلا ناس استلمت ب 88500 طبعا انا كنت هاتجنن وحاسيت انى كنت بشترى شراب من على الرصيف ومعرفتش افاصل مع البياع فراح ملبسهوللى اغلى ما الناس بتاخدة
اتصلت بالبائع المحترم اللى تبع عز العرب وقاللى نفذ ياباشا اللى يعرف يجيبلك جنية انت اولى بية نفذ فورا قولتلة شكرا انا هانفذ فعلا واستنانى انا جاى اسحب الفلوس شوية واتصل بيا ولاقيتة معاة على التليفون على ما افتكر مدير البراند
المهم من هنا لهنا نزلولى 2500 جنية يعنى انا هاخدها اغلى من الناس التانيين ب الف جنية والله انا موش زعلان على ال الف جنية انا بس حاسيس انة بيضحك عليا عشان كدة انا بفكر اسحب فلوسى وموش هاشترى بروتون خالص
احتمال ازود شوية واجيب سيراتو او النيسان عليها تخفيض جامد اليومين دوول انا
بصراحة مضايق جدا وعايز اعرف رائيكم اية الغى الحجز واشوف حاجة تانى ولا اكمل وابقى اشتريت حاجة اغلى من سعرها وانا عارف يعنى (استعبطونى وانا عارف)موش كفاية الحرب النفسية كل ماحد يعرف انى حجزت بروتون يقوللى بروتون اية ياعم خليك فى حاجة معروفة دية بعد خمس سنين هاتبقى حصالة واللى يقولى العربية كويسة بس قطع غيارها غالية جدا وتوكيلها سئ جدا جدا نسيت اقول ان كان معايا واحد صحبى حجز الساجا ولما عرف اللى حصل معايا قرر يلغى الحجز وطبعا دية بشائر اللى جاى وربنا يرحمنا
المفضلات