دايو نوبيرا 2001 ولا كيا سيفيا 2000

السلام عليكم

يا جماعه انا كنت بدور على عربيه حلوه فى حدود 38 الف

ف اكتر اختيارين حاسس انى استقريت عليهم هم النوبيرا والسيفيا نظرا لقوه الموتور والوسع الداخلى بتاعهم ... ( مانيوال الاتنين )

انا عاوز مقارنه حلوه بين الاتنين .. وياريت حد يقولى المفروض ب ال38 الف العربيه هتكون حالتها ممتازه ولا لا نظرا لانى متابع اسعار السوق بس مشوفتش العربيات بنفسى بس ف الاعلان بيقولوا ان الحاله ممتازه وبيبقى السعر ف حدود 40 يعنى تخلص على 38 مثلا ..

وياترى ندخل معاهم الجوليت ولا لا؟ مع العلم انى ميفرقش معاى شكل العربيه شبابى ولا مش شبابى اهم حاجه الكفائه والوسع الداخلى وتوافر قطع الغيار بسعر حلو

وشكرا

النوبيرا مش بالسعر ده
انت محصلتش سعر اللانوس موديل 99
السيفيا انا شوفت منها ب 42 تقريبا وهى هتكون افضل من الجولييت طبعا

هي النوبيرا احسن طبعا بس مستحيل تيجي ب38 الف الا لو قصدك على نوبيرا 1 هتلاقيها ارخص من كدة كمان السيفيا فية كثير ب37و 38 بس راي الانوس 1 احسن منها

انا اسف لخبطت فى سعر النوبيرا وهيه فى حدود 42 ... صح .. او تزيد شويه ل 44 بالكتير ؟؟ لموديل من 2001-2003 مانيوال فول اوبشن ..

ساعتها يبقى سيفيا 2000 ولا النوبيرا دى ؟؟

اقتباس:

---

النوبيرا مش بالسعر ده
انت محصلتش سعر اللانوس موديل 99
السيفيا انا شوفت منها ب 42 تقريبا وهى هتكون افضل من الجولييت طبعا

---

انا معرفش ليه بحس ان سعر الانوس قريب اوى من ا لنوبيرا !!

اقتباس:

---

هي النوبيرا احسن طبعا بس مستحيل تيجي ب38 الف الا لو قصدك على نوبيرا 1 هتلاقيها ارخص من كدة كمان السيفيا فية كثير ب37و 38 بس راي الانوس 1 احسن منها

---

معقول الانوس احسن من سيفيا 2000 ؟؟؟ طب من ناحيه ايه ؟؟ انا العربيه دى بعد فيها والاقيها ضيقه اوى من جوه ومش جامده يعنى .. وللاسف معنديش خبره ف السيفيا ولا النوبيرا خالص !!

النوبيرا افضل بس صعب تلاقيها للبيع و كل اللى شوفتة كان اوتوماتيك و كانت ب 40 و كانت 2001 انا قعدت ادور لمدة شهر علشان الاقى واحدة مانيوال و اشتريتها ب 43

ايوه تمام .. اللى اعرفه برضه ان النوبيرا جامده جدا بس المانيوال .. وانا برضه مستبعد الاوتوماتيك خالص وبحاول اشوف واحده على 42 بالكتير .. وربنا يسهل

بس عاوز اعرف ايه مميزات النوبيرا بأمانه ؟ يعنى احسن من التانين ف ا يه

استجابة الموتور حلوة للشد
واسعة بغباء
قطع الغيار حنينة
و بيبان عليها لما بيتصرف عليها و لو حتى مبلغ قليل
بــــــــــــــــــــــــ ــــس
الطول ده صعب اوى فى الركنة
وبتسحب بنزين بس مش اوى

النوبيرا افضلهم بس المهم الحالة وتكون مانوال
ولو بتقارن لانوس بالسيفيا فاكيد السيفيا افضل
وان شاء الله ربنا يدلك لما فيه الخير ليك

اقتباس:

---

استجابة الموتور حلوة للشد
واسعة بغباء
قطع الغيار حنينة
و بيبان عليها لما بيتصرف عليها و لو حتى مبلغ قليل
بــــــــــــــــــــــــ ــــس
الطول ده صعب اوى فى الركنة
وبتسحب بنزين بس مش اوى

---

تمام جدا وحلو الكلام ده .. بس هيه بتعمل كام كيلو متر لكل كام لتر بنزين ؟

اقتباس:

---

النوبيرا افضلهم بس المهم الحالة وتكون مانوال
ولو بتقارن لانوس بالسيفيا فاكيد السيفيا افضل
وان شاء الله ربنا يدلك لما فيه الخير ليك

---

انا برضه قاعد مش مستوعب ان اللانوس تكون احسن من السيفيا ..

ربنا يكرمك يا باشا ويكرمنا جميعا ان شاء الله ..

اقتباس:

---

المشاركة الأصلية كتبت بواسطة mxz911

تمام جدا وحلو الكلام ده .. بس هيه بتعمل كام كيلو متر لكل كام لتر بنزين ؟

---

النوبيرا المعدل الطبيعى داخل البلد من 185 الى 200 للصفيحة(20 لتر)
فى طريق سفر 240 للصفيحة

Nubira

sephia

lanos

و حسب الحالة اللى قدامك , يعنى لو لقيت سيفيا نظيفة جدا توكل على الله .

اقتباس:

---

النوبيرا المعدل الطبيعى داخل البلد من 185 الى 200 للصفيحة(20 لتر)
فى طريق سفر 240 للصفيحة

---

تمام .. طب السيفيا بتعمل كام تقريبا ؟

اقتباس:

---

nubira

sephia

lanos

و حسب الحالة اللى قدامك , يعنى لو لقيت سيفيا نظيفة جدا توكل على الله

---

شكرا جزيلا ..

وياريت يا جماعه لو تعرفوا حد قدامه مثلا نوبيرا فى حدود 42 الف مش اكتر يبقى جزاكم الله خيرا ...

السلام عليكم

يا جماعه انا لسه جاى من عند الميكانيكى وكنت بسأله على النوبيرا بيقولى ان عفشتها فيها مشاكل وكده .. وكمان عفشتها ضعيفه !!..وان الانوس فى عفشتها احسن من النوبيرا !! عشان انا خلاص نويت ادور فى النوبيرا واحاول ا لاقى واحده كويس بسعر معقول

ياريت حد يوضحلى النقطه دى بتاعت العفشه وجزاكم الله خيرا

النوبيرا مشكلتها جلب المقصات... لما الجلب تبوظ متغيرهاش... غير جوز المقصات بجوز اسبانى و شكرا على كدة

تصميم جلب مقصات اللانوس مختلف عن النوبيرا و بيعيش اكتر بكتير

MMamdouh

زى ما محمد ممدوح قالك
هى مشكلة جلب المقصات وبتغير المقصات كلها بمقصات اسبانى ب 300 جنيه

اقتباس:

---

النوبيرا مشكلتها جلب المقصات... لما الجلب تبوظ متغيرهاش... غير جوز المقصات بجوز اسبانى و شكرا على كدة

تصميم جلب مقصات اللانوس مختلف عن النوبيرا و بيعيش اكتر بكتير

---

شكرا جزيلا يا باشمهندس ممدوح .. بس هل معنى كده انى يبقى احسن لو اجيب لانوس .. علما بأن العربيه هتبقى استعمال أسرى وليس استعمال شخصى وانا شايف ان الانوس ضيقه علينا ...

اقتباس:

---

زى ما محمد ممدوح قالك
هى مشكلة جلب المقصات وبتغير المقصات كلها بمقصات اسبانى ب 300 جنيه

---

شكرا جزيلا يا Kodak .. بس صحيح يا جماعه يعنى المشكله تتحل بسهوله اما الواحد يجيب المقصات الاسبانى ؟ ده اللى فهمته من كلام حضرتك ولا ايه ؟
وهل المقصات الاسبانى دى عمرها اطول مثلا من باقى الانواع او تستحمل اكتر وكده ؟.؟

ولا كل شويه هتبقى المشكله دى فى العربيه

وربنا يجازيكم خيرا ...
ونفسى اعرف ليه سعر الانوس قريب من النوبيرا مع ان ا لفرق ف ا لحجم كبير !

اقتباس:

---

المشاركة الأصلية كتبت بواسطة mxz911

شكرا جزيلا يا باشمهندس ممدوح .. بس هل معنى كده انى يبقى احسن لو اجيب لانوس .. علما بأن العربيه هتبقى استعمال أسرى وليس استعمال شخصى وانا شايف ان الانوس ضيقه علينا ...



شكرا جزيلا يا kodak .. بس صحيح يا جماعه يعنى المشكله تتحل بسهوله اما الواحد يجيب المقصات الاسبانى ؟ ده اللى فهمته من كلام حضرتك ولا ايه ؟
وهل المقصات الاسبانى دى عمرها اطول مثلا من باقى الانواع او تستحمل اكتر وكده ؟.؟

ولا كل شويه هتبقى المشكله دى فى العربيه

وربنا يجازيكم خيرا ...
ونفسى اعرف ليه سعر الانوس قريب من النوبيرا مع ان ا لفرق ف ا لحجم كبير !

---

الاسعار دى سياسة السوق المصرى محدش بيتحكم فيها
ولو عائلية خليك فى النوبيرا واستنضف وحدة وان شاء الله مش هتندم وطبعا متفكرش فى الاتوماتك

اقتباس:

---

المشاركة الأصلية كتبت بواسطة mxz911

شكرا جزيلا يا باشمهندس ممدوح .. بس هل معنى كده انى يبقى احسن لو اجيب لانوس .. علما بأن العربيه هتبقى استعمال أسرى وليس استعمال شخصى وانا شايف ان الانوس ضيقه علينا ...

!

---

صعب اوى اقولك هات لانوس عشان خاطر مشكلة الجلب و قصادها تخسر كل مميزات النوبيرا خصوصا انك حتستعملها لعائلة مش ليك لوحدك... مشاكل النوبيرا ليها حل و مميزات النوبيرا ملهاش حل

MMamdouh

اقتباس:

---

الاسعار دى سياسة السوق المصرى محدش بيتحكم فيها
ولو عائلية خليك فى النوبيرا واستنضف وحدة وان شاء الله مش هتندم وطبعا متفكرش فى الاتوماتك

---

تمام جدا وان شاء الله انا مستبعد ا لاوتوماتيك خالص من دماغى ... لانى سامع ان مشاكله سيئه للغايه

اقتباس:

---

صعب اوى اقولك هات لانوس عشان خاطر مشكلة الجلب و قصادها تخسر كل مميزات النوبيرا خصوصا انك حتستعملها لعائلة مش ليك لوحدك... مشاكل النوبيرا ليها حل و مميزات النوبيرا ملهاش حل

mmamdouh

---

حمد لله طلع تفكيرى ف محله وان النوبيرا رائعه

شكرا جزيلا يا جماعه وانا شاء الله هدور على نوربيرا ف حدود المبلغ الى قلته 42-44 الف وتكون بحاله كويسه جدا وياريت لو قدامكو حاجه تقوولولى وربنا يكرمنا كلنا

هقول لحضرتك رايى بحيادية
استهلاك النوبيرا للبنزين اكتر بكتير
عيب رشاشات فى النوبيرا
عيب عفشة فى النوبيرا
عربية تقيلة عن السيفيا مش وزن لا فى الطلعة مع ان السيفيا اغلبها 1500
..............
السيفيا اوسع فى النبة و الكراسى الامامية النوبيرا مليانة على الفاضى
قطع غيارها رخيصة زيها زى الكورى كلة و موجودة فى كل حتة و دة حال الكورى كلة ..

استخير و وكل على الله

اقتباس:

---

المشاركة الأصلية كتبت بواسطة max_ziro

هقول لحضرتك رايى بحيادية
استهلاك النوبيرا للبنزين اكتر بكتير
عيب رشاشات فى النوبيرا
عيب عفشة فى النوبيرا
عربية تقيلة عن السيفيا مش وزن لا فى الطلعة مع ان السيفيا اغلبها 1500
..............
السيفيا اوسع فى النبة و الكراسى الامامية النوبيرا مليانة على الفاضى
قطع غيارها رخيصة زيها زى الكورى كلة و موجودة فى كل حتة و دة حال الكورى كلة ..

استخير و وكل على الله

---

السيفيا تقيله جدا حدا فى اعادة البيع - قطع غيار اغلى شويه من نوبيرا- المشكله انها احيانا مش موجوده عند كل الناس- عكس النوبيرا قطع غيرها منتشره

راى الشخصى النوبيرا افضل للاسباب الاتيه :-


1- ثبات العربيه ماشاء الله حتى فى السرعات العاليه .
2- صالون واسع جدا بالنسبه للكيا والشنطه كبيره جدا .
3- قطع الغيار رخصه ومتوفره فى كل مكان .
4- شكلها وصالونها افضل من الكيا ( راى الشخصى ) .
5-اعادة البيع لصالح النوبيرا الكيا تقيله جدا فى بيعها .
عيبها

العفشه ضعيفه تحتاج من وقت لاخر جلب للمقصات ..

السلام عليكم

اخيـــــــــرا بعد فتره طويله .. الحمد لله زودت المبلغ وعرفت أجيب نوبيرا 2004 مانيوال فول اوبشن دواخل وخوارج فابريكه بالكامل ...

شكرا لكم كلكم يا جماعه على مشاركتكم ويسعدنى انضمامى لملاك النوبيرا وربنا يكرمنا ويكرمكم جميعا ..

مبروووووووووووووووووووووو وووووووووووووووووكككككككك ككككككككككككككككككك و نوبيرا ليهاالشرف انك امتلكلتها

الف مبروك و ربنا يديك خيرها و يكفيك شرها

اقتباس:

---

المشاركة الأصلية كتبت بواسطة mxz911

السلام عليكم

اخيـــــــــرا بعد فتره طويله .. الحمد لله زودت المبلغ وعرفت أجيب نوبيرا 2004 مانيوال فول اوبشن دواخل وخوارج فابريكه بالكامل ...

شكرا لكم كلكم يا جماعه على مشاركتكم ويسعدنى انضمامى لملاك النوبيرا وربنا يكرمنا ويكرمكم جميعا ..

---

الف مبروك عليك وربنا يباركلك فيها ويكفيك شرها
غير السيور والفلاتر والزيت

اختيار موفق مبروك

اقتباس:

---

المشاركة الأصلية كتبت بواسطة elzl_mido

مبروووووووووووووووووووووو وووووووووووووووووكككككككك ككككككككككككككككككك و نوبيرا ليهاالشرف انك امتلكلتها

---

الله يبارك فيك وشكرا جزيلا على الترحيب الجميل

اقتباس:

---

المشاركة الأصلية كتبت بواسطة algazar2

الف مبروك و ربنا يديك خيرها و يكفيك شرها

---

ربنا يبارك فى حضرتك وان شاء الله تبقى دخلة خير علينا جميعا

اقتباس:

---

المشاركة الأصلية كتبت بواسطة kodak_gti

الف مبروك عليك وربنا يباركلك فيها ويكفيك شرها
غير السيور والفلاتر والزيت

---

الله يبارك فيك وان شاء الله هشوف موضوع السيور والفلاتر وكده بس هيه دلوقتى الحاجه الاساسيه اللى عاوزاها بطاريه لانها فى الضياع خالص وبدأت تموت فعلا الايام دى بس باقى الحااجات تمام جدا .. وكمان فى حاجه استهلاك البنزين ؟؟ انا حاسس انه استهلاك فوق الفظيع ياريت حد يقولى هيه بتعمل كام فى التنك ( التنك اعتقد 60 لتر صح ) كام جوه ا لمدينه ؟

اقتباس:

---

المشاركة الأصلية كتبت بواسطة samcar

اختيار موفق مبروك

---

الله يبارك فيك وربنا يكرمك ويكرمنا جميعا

الاستهلاك - بدون تكييف على الطريق - 220 اواكتر شويه حالة الطريق
داخل المدينه 200 فاقل حسب الظروف برضه

اما مع التكييف فلو جبت ال 200 على الطريق يبقى كويس قوى

ما تنساش العربيه وزنها فارغ طن وربع يعنى ما هياش قليله

الف مبروك على النوبيرا ربنا يكفيك شرها بس مقلتلناش جبتها بكام ؟؟؟

خليك في الكيا و ابعد عن الدايو

اقتباس:

---

samcar
الاستهلاك - بدون تكييف على الطريق - 220 اواكتر شويه حالة الطريق
داخل المدينه 200 فاقل حسب الظروف برضه

اما مع التكييف فلو جبت ال 200 على الطريق يبقى كويس قوى

ما تنساش العربيه وزنها فارغ طن وربع يعنى ما هياش قليله

---

اه فعلا ده اللى لاحظته .. بس انا بحط بنزين 92 وكده خراب بيوت اما امشى 100 كيلو مثلا ب 50 جنيه ؟ لان التنك تقريبا بيتفول ب 100 جنيه علما اعتقد صح ؟ والتكيف انا اما اشغله بجيبه على 3 مثلا لمده 5 دقايق وبعدها انزل على 2 او 1 .

اقتباس:

---

sheko316
الف مبروك على النوبيرا ربنا يكفيك شرها بس مقلتلناش جبتها بكام ؟؟؟

---

بص هيه حكايه طويله جدا احنا كنا هنخلاص هنجيب نوبيرا 2001 ب 46 الف وكانت معروضه ولسه معروضه على كونتاكت كارز ولونها اخضر زيتى .. وخلاص نوينا عليها

بعدها ب شويه وصدفه غريبه جدا لقينا واحد صاحب بابا من زمان معاه نوبيرا 2004 مانيوال فول اوبشن وكان عاوز فيها حوالى 50 الف بس عرفنا نوصل معاه ل 47 الف الا شويه ومكانش هينزل عن 50 الف فى السوق فعلا الا لاننا معرفه من زمان وكده وهو ناوى يجيب بعدها كروز 2010 ربنا يكرمه ويكرمنا جميعا ان شاء الله

اقتباس:

---

eng_ahmed_90
خليك في الكيا و ابعد عن الدايو

---

الحمد لله خلاص تم شراء نوبيرا