تسقيط موتور 1600 زيتك للاسكورت مو 98 ذات سعة 1300 سي سي

السلامك عليكم ورحمة الله وبركاته
انا معاى اسكورت 1300 كاربيرتير مو 98 بها بعض المشاكل
1- مفتاح النور بيعلق
2- مفيهاش بور
3- محتاجة عفشة
4- محتاجة طقم دبرياج
5- الطنابير لسة خارطها وبرده فى صفارة
6- العربية بتسخن و بتاكل بنزين لكن لما روحت لقطب ظبط التكهيات ونظف الكاربيرتير قلت شوية فى الحرارة و الاستهلاك والمكنة خفيفة
7- أخيرا المكنة فوتت قرصت عليها في يوم بقت بترجف و تدخن كأنها متلتة روحت لميكانيكى قالى محتاجة عمرة
رأيكم ايه أعمر الموتور ولا أجيب مكنة 1600 ولا اجيب نص كامل و اخد اللى انا محتاجه منه وخلى الباقى سبير
ولو حد خاض تجربة التغيير دى ممكن يفيدنى منين اشترى والتكلفة كام



:120146b العربية اللى حلتى باظت :120146b

اخي العزيز التغير هيتكلف كتر اوي لانك هتغير المتور كامل ودة في حدود 4500 الي 5000 كمان كنترول يونت اول 2000 كمان ضفيرة ودي معرفش بحوالي كام فالموضوع هيقتح اوي كمان هينزل من تمن العربية جامد لما تيجي تبيع لانها هيبان انها متعدلة فتلس كتير هتقلق
نصيحة مني 1300 احسن بنزين وضريبة وتكاليف صيانة اقل بكتير ومطلوبة عن 1600 وقطع غيار ارخص

اقتباس:

---

المشاركة الأصلية كتبت بواسطة egytamer

اخي العزيز التغير هيتكلف كتر اوي لانك هتغير المتور كامل ودة في حدود 4500 الي 5000 كمان كنترول يونت اول 2000 كمان ضفيرة ودي معرفش بحوالي كام فالموضوع هيقتح اوي كمان هينزل من تمن العربية جامد لما تيجي تبيع لانها هيبان انها متعدلة فتلس كتير هتقلق
نصيحة مني 1300 احسن بنزين وضريبة وتكاليف صيانة اقل بكتير ومطلوبة عن 1600 وقطع غيار ارخص

---

ولاما قصرت يا تامر ولا ماقصرت
اخ ابو زيد طبعا تامر قام بالواجب و زيادة
الـ 1300 موفر في البنزين و موفر في تمن قطع الغيار جدا جدا
و اي ميكانيكي مخة شغال يعرف يتعامل معاه و سعرة معقول و هو بتاع الفبريكة
الـ 1600 زيتيك موتور كبير يعني استهلاك اعلى
قطع غيار فعلا غالية
صيانتة لو ميكانيكي مش حافظة متفكرش انه هايعرف يفك منه مسمار يعني بالنسبالك كل مشكلة فيها مشوار للقاهرة و تكاليف و حاجات كتير
الـ 1600 كاربراتير
قطع غيارة قليلة و دايمة متعب بلاش منه
و في كلتا الحالتية 1600 زيتيك او كاربراتير نتيجة التركيب مش مضمونة محدش هايعرف يعملك العربية زي المصنع مهما بلغت حرفتة الامكانيات بتفرق

والله كلامك مقنع وموفر
انا اسف اخى العزيز محتاج مساعدتك
معروض على نصف موتور 1300 بـ 1600 جنيه أغيره ولا أعمل عمرة للموتور وهى ونصيبها

لو أمكن ممكن رقم تليفونك يا مستر جوزيف

اقتباس:

---

المشاركة الأصلية كتبت بواسطة abo_zied

السلامك عليكم ورحمة الله وبركاته

---

و عليكم السلام و رحمة الله و بركاته

اقتباس:

---

المشاركة الأصلية كتبت بواسطة abo_zied

انا معاى اسكورت 1300 كاربيرتير مو 98

---

عربية ممتازة

اقتباس:

---

المشاركة الأصلية كتبت بواسطة abo_zied

بها بعض المشاكل

---

ربنا يعينك وتظبطها

اقتباس:

---

المشاركة الأصلية كتبت بواسطة abo_zied

1- مفتاح النور بيعلق

---

يتغير في حدود 200 جنيه

اقتباس:

---

المشاركة الأصلية كتبت بواسطة abo_zied

2- مفيهاش بور

---

و مالة اعتبرها رياضة

اقتباس:

---

المشاركة الأصلية كتبت بواسطة abo_zied

3- محتاجة عفشة

---

شوارع مصرنا تهد اجدعها عفشة بس ممكن تكتب ايه الي بتحسة و نقولك او نحاول مع بعض نوصل لحل كويسليها

اقتباس:

---

المشاركة الأصلية كتبت بواسطة abo_zied

4- محتاجة طقم دبرياج

---

معلش برده تكتبلي ليه حددت انه طقم دبرياج علشان انا حصل معيا موقف و كنت فاكر اني داخل في عمرة دبرياج و الموضوع طلع حاجة تانية

اقتباس:

---

المشاركة الأصلية كتبت بواسطة abo_zied

5- الطنابير لسة خارطها وبرده فى صفارة

---

ده عيب من التيل و ممكن لو خامة الطنابير مش كويسة تعمل كدة

اقتباس:

---

المشاركة الأصلية كتبت بواسطة abo_zied

6- العربية بتسخن و بتاكل بنزين لكن لما روحت لقطب ظبط التكهيات ونظف الكاربيرتير قلت شوية فى الحرارة و الاستهلاك والمكنة خفيفة

---

طبعا قطب انا بحكم عليه في عربيتي انه صنيعي ممتاز و أسف لو فيه حد شايف غير كدة عموما يا ترا فتح التكيهات ولا قافله يعني كانت مقفولة و هو فتحها و لا العكس موضوع المكنة خفيفة عادي ممكن تحط زيت شنبر مع غيارالزيت و تمشي بيها شوية

اقتباس:

---

المشاركة الأصلية كتبت بواسطة abo_zied

7- أخيرا المكنة فوتت قرصت عليها في يوم بقت بترجف و تدخن كأنها متلتة روحت لميكانيكى قالى محتاجة عمرة

---

طيب انا مستني اجابة المقطة الي فاتت و هانتكلم في الموضوع ده

اقتباس:

---

المشاركة الأصلية كتبت بواسطة abo_zied

رأيكم ايه أعمر الموتور ولا أجيب مكنة 1600 ولا اجيب نص كامل و اخد اللى انا محتاجه منه وخلى الباقى سبير
ولو حد خاض تجربة التغيير دى ممكن يفيدنى منين اشترى والتكلفة كام

---

عاوز تغير غير بس لنفس المكنة بس سيبك من العمرة

اقتباس:

---

المشاركة الأصلية كتبت بواسطة abo_zied

:120146b العربية اللى حلتى باظت :120146b

---

شد حيلك بتحصل ده كاس و داير يا بطل

http://www.nilemotors.net/Nile/72698-a.html
سيب بياناتك و هاتلاقي رقمي

انا اقتنعت جدا بوجهة نظرك يا جوزيف و ان شاء الله هيجيب موتور 1300 و اركبه واكتب لكم الاسعار و المصنعيات

سعر الموتور 1300 بالفتيس 3000 جنيه

3000 بالكربراتير والمارش والدينامو وكل حاجة ولا إيه ؟

متشكرين جدا يا جوزيف على تعبك معانا

للأسف مش لاقى موتور 1300 كل اللى موجود عند بتوع قطع الغيار 1600 ربنا يسهل واللى يعرف حد عنده يقولى على فكرة انا سالت على طقم شمبر 175 وطقم جوانات 250 طقم بستم بالشمبر 950 عند يوسف بدروسان

الحمد لله حليت المكنة ولاقيتها محتاجة طقم شمبر وطقم اولسيه صباب وجوانات وسالت على الاسعار وبكرة انشاء الله التركيب
طقم شمبر 175
اولسيه صبابات 80
طقم جوانات 250
لسة المخرطة + المصنعيه
انا بشكر الاخ جوزيف لان ربنا جعله سبب فى انى اغير رأي فى موتور 1600 و اجيبه 1300 و لما ملقيتهوش اضطريت انى افتح المكنة و الحمد لله طلعت بسيطة وربنا يكملها على خير

ربنا يوفقك ياباشا و إن شاء الله ترجع أحسن من الأول
وإبقى طمنا عملت إيه
خلي بالك أهم حاجة التليين إحرق صفيحة والعربية واقفة على السلانسيه باليل والجو اليومين دول مناسب
وبعدين تمشي بالراحة ومتقرصش على العربية حوالي 500كم كدة
تنقل قبل الأر بي إم مايوصل 3000 وماتمشيش على سرعة ثابته لفترات طويلة وبلاش مطالع جامدة
والزيت تغيرة هو والفلتر بعد ال 500كم دول علشان يكون لم أي رايش أو وساخة في الموتور
وياسلام لو تعمل موتور فلاش مع تغيير الزيت ده يبقى 100%

ابو زيد كيف احوالك الحمد لله على الموضوع بس برده خلي الخراط يراجع على الكرنك و السبايك مش دايما نظرة الميكانيكي تنفع
و زي ما قالك ريموز اهتم بالتليين على قد ما تقدر و سيبها تحرك على الواقف و يفضل لو تدورها بالليل بس و تخليها مريحة طول النهار

أنا اكتشفت أكبر ميزة فى عربيات الفورد هى ان ملاك الفورد ناس محترمين وزوق وانهم بيحاولوا بشتى الطرق مساعدة الاخرين سواء بالرد او اي شئ اخر وانا كنت ناقم على العربية بعد ما اشترتها لكن بمعرفة هذا المنتدى واعضاء قسم فورد انا فخور انى امتلك فورد اسكورت

ربنا يكرمك ياباشا
ما هي دي فايدة المنتدى أنك تفيد بخبرتك وتستفيد من خبرة الناس
بس ماتنساش تطمنا لما تخلص وتليين

بكرة هاستلم العربية انشاء الله ربنا يكرم وتطلع عال

امين ان شاء الله خير بس لبراحة في التليين و يفضل تستلمها بليل او اول تحرك يكون باليل و معاك مياه كافية علشان لو سخنت او حاجة

العربية عند الميانيكى من يوم السبت وخلص شغل يوم الاحد ولينت وحرقت صفحتين بنزين على كلامه وقالى انها جاهزة من يوم الاتنين بس ظروف شغلى هستلمها بكرة الاربعاء بالليل بس اللى فهمته منه انى امشى بيها عادى لو ليكم اقتراحات يا ريت بس بالتفصيل

لا مش هاتمشي عادي
هيا لينت على الواقف فاضل تلين على الماشي و ده ليها طريقة ممكن تدخل القسم التعليمي هاتلاقيها مشروحة هناك بالتفصيل و طبعا انت هاتمشي بيها فترة و بعد كدة تغير زيت و فلاتر و بعد كدة تبداء تمشي بيها على سرعات بس واحدة واحدة

استلمت العربية من الميكانيكى يوم الخميس و غيرت الزيت و الفلتر وشافرت بيها العين السخنة عداد الربي ام مبخليهوش يعدى 3 تقريبا السرعة ما بين 80 -90 و فى بعض الاحيان بسرح وتوصل 100 بس عداد الاربي ام مبيعديش 3 بس فى ملاحظة عندى تسريب زيت ( تنقيط زيت بجوار العجلة اليمنى ازود زيت ولا أغيره انا مشيت حوالى 250 كيلو

هعدى على الميكانيكى يوم الخميس الجاى

حاول تغسل العربية من تحت كويس وتعرف الزيت اللي بيسرب ده منين بالزبط من جوان الكارتيرة ولا أويل سيل الكرنك ولا إيه وتابع مستوى الزيت لو نقص زودة

شكرا على اهتمامك وردك الجميل هشوف كدا وهتابع معاك انشاء الله

روح للميكانيكي يصلح سبب التسريب و بسرعة و مستوى الزيت لازم يكون مظبوط قدر الامكان و ممكن تكون محتاج تغير طرمبة الزيت

عديت على يوسف اشتريت من عدنه جوان كارتيرة وروحت بيه للمعلم قطب الللى لسة جاى من طابا خلى واحد عنده يشتغل فى العربية اولا ادولى انطباع انى جايب العربية على ونش مش جاي بيها سايقها المهم كل الشغل اللى اتعمل فيها وهو تغيير طقم الشنبر + الجوانات هتتعاد من اول وجديد و خراطة من اول وجديد ما علينا قولتله غير جوان الكارتيرة بس دلوقتى وامنعلى تسريب الزيت قالى ماشي اركبهولك بس مضمنش ليك انه ميجبش زيت ليه يا ريس اولا الجوان ده مش اصلى قولتله اصلى قالى لا والمكنة بتجيب زيت من كل حته مش من الكارتيره بس
المهم بعد جدال ركب الجوان وظبط الكارتيرة لحام وانا ماشي عامل حسابي انى رميت فلوسي فى الارض وانى هضطر اعمل عمرة بارقام فلكية على حسابات الاخ قطب
خراط وش السلندر 150
خراط الشمايز 500
مصنعية الميانيكى 800
بالاضافة الى قطع الغيار يعنى 1450 مصنعيات و بالميت زيهم قطع غيار يعنى 3000 جنيه وانت سايب ايدك
ولكن الحمد لله معدش فى تسريب زيت الى حدا ما

طيب الحمد لله

اقتباس:

---

المشاركة الأصلية كتبت بواسطة abo_zied

عديت على يوسف اشتريت من عدنه جوان كارتيرة وروحت بيه للمعلم قطب الللى لسة جاى من طابا خلى واحد عنده يشتغل فى العربية اولا ادولى انطباع انى جايب العربية على ونش مش جاي بيها سايقها المهم كل الشغل اللى اتعمل فيها وهو تغيير طقم الشنبر + الجوانات هتتعاد من اول وجديد و خراطة من اول وجديد ما علينا قولتله غير جوان الكارتيرة بس دلوقتى وامنعلى تسريب الزيت قالى ماشي اركبهولك بس مضمنش ليك انه ميجبش زيت ليه يا ريس اولا الجوان ده مش اصلى قولتله اصلى قالى لا والمكنة بتجيب زيت من كل حته مش من الكارتيره بس
المهم بعد جدال ركب الجوان وظبط الكارتيرة لحام وانا ماشي عامل حسابي انى رميت فلوسي فى الارض وانى هضطر اعمل عمرة بارقام فلكية على حسابات الاخ قطب
خراط وش السلندر 150
خراط الشمايز 500
مصنعية الميانيكى 800
بالاضافة الى قطع الغيار يعنى 1450 مصنعيات و بالميت زيهم قطع غيار يعنى 3000 جنيه وانت سايب ايدك
ولكن الحمد لله معدش فى تسريب زيت الى حدا ما

---

'ب ماتعدي علي اللي انت عامل عنده العمرة يابو زياد

اقتباس:

---

المشاركة الأصلية كتبت بواسطة abo_zied

ولكن الحمد لله معدش فى تسريب زيت[gdwl] الى حدا ما[/gdwl]

---

يعني ايه هل فيه تسريب زيت دور على السبب و صلحة انت الي بتخسر تمن الزيت و عمر الموتور بتاعك

" الى حد ما " أقصد بيها ان ما فيش تسريب زيت حتى وقتنا هذا هل هيظهر بعدين الله أعلم وربنا يسترها ويسهل الحال

اقتباس:

---

المشاركة الأصلية كتبت بواسطة wkisho2005

'ب ماتعدي علي اللي انت عامل عنده العمرة يابو زياد

---

أصل انا كل ما اعدى على الميكانيكى يشتغلنى ويطلعلى سبب شكل مرة الفلتر و بعدين اولسيه و بعدين الطبة واخرها جوان الكارتيرة وانا مش فاضى النهاردة عدى علي بكرة وهكذا قولت اريح دماغى و أوفر وقتى وفلوسي و أروح لقطب يجبلى التايهة بس لما روحتله توهت اكتر من كلامه بس الحمد لله ربنا سترها

اهى جابت زيت تانى بدأت بتنقيط اليوم

من نفس الجوان

السلام عليكم
اخوكم احمد من النصوره معايه اسكورت مو ٩٨
سعيد جدا ان انا معاكم في نايل موتورز ولكم مني خالص التقدير والاحترام

اخواني ملاك فورد انامن مالكي انامعةي فورد جديد معاكم معي سيارة سكورت 1300فيها مشكلة في ضبط التكهات والعربية بتسخن وتقيلة في المشي وانا من سوهاج ومش عارف اعمل ايه وارجو الافادة