المشاركة الأصلية كتبت بواسطة Ahmed Anwer
اسمحلي اختلف مع حضرتك من هنا لبكرة الصبح ،،
يعني ايه يعني ،، ربنا خلق جيناتنا الوراثية علي حاجة و خلق الجينات الوراثية للشعوب الآخري علي حاجة تانية ؟؟
المهندس المصري ، اشطر مهندس ،، و العالم المصري أذكي عالم و العامل المصري أمهر عامل ،،،
المشكلة في المنظومة اللي بتشغلهم مع بعض ،، التروس خاماتها هائلة ،، بس تصميم الماكينة اللي بتشغلهم هوا اللي بايز أساسا ،،
و علي فكرة عن تجربة العامل و الفني المصري ذكي جدا ،، كل الفرق بينه و بين العامل الأوروبي إن الأوروبي محترف و متخصص،،
جرب تدي عامل أوروبي حاجة معملهاش قبل كده ،، هيرفض يعملها تماما و دماغه هتبقي واقفة و مصدية ،، وده عن تجربة
لكن المصري عنده القدرة علي استكشاف المشكلة و حلها حتي لو ما مرش بيها قبل كده ،،
و إزاي إحنا مالناش في الصناعة من قديم الأزل ،، اخطف رجلك للمتحف الإسلامي في باب الخلق و المتحف المصري في ميدان التحرير
و شوف بنفسك ،،
ده اليابان اللي بنحلف بيها دلوقتي كانت بعته بعثات لمصر أيام محمد علي عشان تتعلم من نهضتها ،،
يأخي دحنا حتي لو مبنفهمش أوي كده نروح نستورد خطوط و نظم إنتاج زي ماهيه من بره و نشتغل عليها و خلاص ،،
كلامي مش وطنية زيادة و لا حاجة بس رأيي حضرتك ده سلبي و مدمر لأقصي درجة ،،
بإختصار بتقول مفيش فايدة ،،
هيبقي حضرتك و سعد زغلول ،،،
هههههههههههه