الموضوع: رداءة المنتج المصرى أم نقص فى التخطيط ؟

المشاركة الأصلية كتبت بواسطة Ahmed Anwer

يا جماعة الكلام اللي بتقولوه ده ضد تعاليم دينا ،،

انا سألت مرة واحد احسبه علي خير عن حكم الدين في العلوم الدنيوية ، الطب ، الزراعة ، الصناعة ،،،،،،

قاللي فرض كفاية ،، لازم المسلمين يكفوا نفسهم منها

إزاي نقول إحنا بلد زراعية مالناش في الصناعة يعني بتوع الخليج يرجعوا بقه لرعي الأغنام و اليابان ترجع لصيد السمك و زراعة الرز

و اوروبا ترجع للكهوف

و ازاي نحارب اعدائنا لو مبنصنعش سلاحنا و مبننتجش طعامنا و مش مكفيين نفسنا

انا عارف إن الليل الطويل اللي عايشين فيه ضيع من القلوب الحماسة و ملاها بالإحباط بس لابد إن الليل الطويل هيروح في ستين داهية

و ترجع مصر قوية و عظيمة

يا حاج احمد براحه علينا بس شويه شويه
هو حد قالك انك هترجع تبقى فلاح ومتعرفشي العالم دي بتعمل ايه ولا تلكمهم ولا تركب عربياتهم ولا تستخدم حاجاتهم

يا اخي الحبيب المقصد من الكلام انك تركز على مهاراتك
لو مهارتك الصناعه يبقى صنع
ولو مهارتك الزراعه يبقى ازرع وتطور فيها
ولو مهارتك التجارة تاجر على العالم ده كله

والمسألة مش لازم ان كل واحد يصنع اسلحته
وانما سلاحك هو انفرادك بالشئ اللي محدش يقدر يعمل زيه
يعني ممكن تقولي الخليج محدش بيقدر يقربلهم ليه
علشان البترول
هو كده انت لو بتأكل العالم من زراعتك الفريده محدش هيقدر يقولك تلت التلاته كام

المسألة مسألة اهتمام بالنشاط اللي انت تبقى ماهر فيه
مش على كل شكل ولون يا توت
ونبقى ولا طولنا سما ولا ارض وواقفين على السلام نرقص

يا اخي ممكن تقولي مصر متميزه في ايه
قولي بقه الكلمتين بتوع الاعلام
مصر متميزه باهلها ............. ههههههههههه

القصد انك لازم تتميز بالشئ اللي محدش يقدر او يصعب ينافسك فيه

يعني اليابان بيقدروا ينافسوا بجودتهم وسرعة تنفيذهم ودقتهم
بدليل ان اقل ساعات تصنيع عربيات في العالم هتلاقيها الياباني ومش فاكر كانت نيسان ايه كده ......

سيبك من مقارنة العامل أو المبدع المصرى بالعامل أو المبدع التايوانى
تعال نقارن بين الحمار المصرى والحمار التايوانى واليابانى
شوف الحمار هنا وضعه إيه وهناك إيه
شوف أكل الحمار ومهام الحمار هنا إيه وهناك إيه
شوف صحة الحمار هنا إيه وهناك إيه..
الحمار المصرى بلا فخر أهم حمار فى العالم