الموضوع: افيدونى وجزاكم الله خيرا

استهلاك عربيتك كده كويس لو انت بتقي جوه البلد مش علي الطريق و كمان حضرتك ما قولتش عربيتك 1600 ولا 1300 ولا 1400 و اتنين كامه ولا كامه واحده بتفرق كتييير .بالنسبه للكرابيراتير المستعمل ما انصحكش بيه علشان حيبقي زي اللي طالع من عربيتك ما تعرفش اذا كان كويس ولا لاء.و بالنسبه لقطع الغيار عندك علي شاهين امام مبني اخبار اليوم في القاهره(مش عارف العنوان بالضبط علشان انا م من القاهره) و بالنسبه للمستعمل عندك وكاله البلح و دي فيها محلات كتير و عندك عزبه شلبي ودي ملياااااانه فيات(علي طريق مسطرد) بس عاير عربيتك الاول و لازم تملي تانك البنزين لاخره علشان تعرف تعايرها مضبوط و راجع علي التوصيلات لحسن يكون في تسريب

الف شكر اخويا حازم
بالنسبة للموتور 1600 وكامة واحده
وشكرا على ردك الكريم

لا شكر علي واجب و و عندي اقتراح انك تصبر علي موتورك دا لحد ما يحتاج عمره انزل اشتري موتور جديد موديل عالي تمبرا مثلا و ايطالي حيركب عندك و حيخلي للعربيه طعم تاني(صوت ناعم و استهلاك بنزين كويس و قطع غيار موجوده و اعطاله قليله)

بس يا حازم موتور التيمبرا سحب امامي, و الموتور المطلوب دفع خلفي

لا يا بو حميد عادي لو تلاحظ حتلاقي ان الشاهين اللي هيا 131 في الاساس(شاسيه و قواعد و كل شئ باختلاف البودي بس) حتلاقيها نازله بيركب عليها مواتير تمبرا ف علشان كده بقوله انها ممكن تركب و طبعا لو سالنا الباشمهندس سبعاوي حيفدنا اكتر بس انا متاكد انها تركب و الدليل انه راكب علي الشاهين .بس تخيل موتور زي دا ايطالي كمان مش تركي زي اللي في الشاهين لو ركب علي ال131 حيعمل فيها ايه حتبقي تحفه بجد

والله يا اخونا انا متشكر ليكم جدا بس المشكلة الحالية عندى ان انزل القاهرة بإذن الله مخصوص واشترى الكربراتير ويريت لو تعملوا فى خدمة عشان الكربراتير الى عندى لادا ومش عارف الأصلى الى كان راكب انهى موديل فلو تدلونى على ماركة الى كان راكب عشان انا حنزل القاهرة وأروح لمحل على شاهين الى قلى عليه الأخ حازم واشتريه وارجع على اسكندرية على طول
والف الف شكر ليكم على اهتمامكم

لازم نعرف الموتور عندك كامه علويه ولا سفليه العلويه بتلاقي وش الموتور مايل كده و مكتوب عليه فيات و دا موديل احدث و السفليه بتلاقي الموتور لونه اسود ف اعرف الاول و انا اسالك ميكانيكي فيها