ياجماعة ممكن تقولولى افكار لصدقة جارية

سلام عليكم

ياجماعة ممكن تقولولى افكار لصدقة جارية


جزاكم الله كل خير

1- ممكن تشتري مصاحف وتهديها لأي حد بيعرف يقرأ أو تضعها في المسجد
2- ممكن تشارك في بناء مسجد
3- ممكن تعمل كولدير ماء في مكان يكون حيوي
4- ساعد أي طالب غير مقتدر ماديا على العلم
5- ربي أولادك كويس وحفّظهم القرآن
6- ممكن تعمل cd عليها قرآن كريم وأي أدعية أو دروس أو فيديوهات دعوية وتهديها للي محتاجها

ممكن تشارك في كفالة ايتام
ادوية لمرضى غير قادرين
مساعدة لاسر محتاجة
شرايط قرآن لبتوع التاكسي والميكروباصات

اقتباس:

---

المشاركة الأصلية كتبت بواسطة amohsen

1- ممكن تشتري مصاحف وتهديها لأي حد بيعرف يقرأ أو تضعها في المسجد
2- ممكن تشارك في بناء مسجد
3- ممكن تعمل كولدير ماء في مكان يكون حيوي
4- ساعد أي طالب غير مقتدر ماديا على العلم
5- ربي أولادك كويس وحفّظهم القرآن
6- ممكن تعمل cd عليها قرآن كريم وأي أدعية أو دروس أو فيديوهات دعوية وتهديها للي محتاجها

---

3

جزاكم الله خيرا طيب بالنسبة لشرايط الكاسيت هل ممكن اشترى شرايط كاسيت المنسوخة من الاهى بتتباع فى الشارع ده ولا حرام

لو حضرتك تعرف تساعد طالب علم يبقى شيء جميل جداً
ربنا يوفقك و يوفقنا للخير

السلام عليكم

الافكار اللى الاخوة قالوها كويسة

وانا شايف انك تختار اللى الناس محتجاه اكتر
انتا جزائك واحد فى كل الحالات
لكن فائدة عملك للناس لازم تكون اكبر

مثلا
موضوع المياه الايام دى علشان انفلونزا الخنازير الناس بتخاف تشرب من مكان حد

موضوع المساهمة فى بناء جامع لو الجامع فى مكان مفهوش جوامع قريبة منه يبقي كويس
لكن لو قريب منه جامع يبقي تشوف حاجة تانية

انا لو مكانك هفكر فى

جمعيات الاطفال المعاقين زهنيا دول فى اشد الحاجة لينا

مساعدة اسر محتاجة (فى جمعيات خيرية بتعطي للاسر المحتاجة جاموسة او كشك على سبيل المثال)

دا غير مساعدة اى طالب لتكملة دراسته (والله فى ناس بتسيب المدرسة لابسط المبالغ)

وكل دول محتاجين ولو 50 جنيه

وفى الاخر القرار لك
وربنا يجازيك خير

-----------
محمد سالم

مشروعات الصدقة الجارية بدار الأورمان


ظ…ط´ط±ظˆط¹ط§طھ ط§ظ„طµط¯ظ‚ط© ط§ظ„ط¬ط§ط±ظٹط©

ياريت ياجماعة اى حد عارف طريق خير يوصلنا ليه


جزاكم الله كل خير

ممكن تدعم مراكز وحلقات تحفيظ القرأن الكريم او علي الأقل ممكن تتكفل بواحد تدفعله اشتراكه كل شهر وده بيحصل في المركز اللى انا بحفظ فيه وكمان لوقدرت تستقطع جزء من مرتبك لجمعيات الرعاية بالأيتام وكمان تقدر تعمل كولدير في شارع ما فيهوش كولدير وخاصة في المدن الجديدة بتلاقي الموضوع مفيد جدا اكتر من اي مكان ثاني وممكن تزرع شجرة في محطة اتوبيس الناس تستظل بيها ممكن تنور طريق او تحط لمبة في مسجد او تشتري حاجة من لوازم المسجد المهمة(سجاد-مكبرات صوت-مصحف تهجد كبير ومصاحف بخط كبير علشان كبار السن-حنفيات لدورة المياه الخاصة بالمسجد او ماشابه) وممكن تساعد طالب علم شرعي مثلاتشتري له الكتب اللى بيحتاجها ممكن تساهم في المواقع الخاصة بدعوة غير المسلمين الغير ناطقين بالعربية او اي موقع اسلامي زي طريق الأسلام و موقع mp3 quran وممكن توزع مصاحف لمراكز وحلقات تحفيظ القرأن خاصة المزودة بأحكام التجويد ده اللى في بالى دلوقتي.

اعمل حاجه تساعد ان الناس يعيشوا احسن
المصحف عند كل الناس و القران موجود فى كل حته و ممكن يتسمع فى الراديو ببلاش

شوف حد محتاج حاجه و ساعده حد مزنوق و فك كربته او شارك فى دين حد
بس شرايط و مطبوعات و كلام من ده تضييع فلوس فى رأيى
الناس تعبانه و مش لاقيه تاكل و الفقر دايس عليهم
لو عرفت تنيم واحد مبسوط اعتقد فى رايى المتواضع افضل
ممكن واحد يطلع صالح و تفضل تاخد ثواب انك اكرمته طول ماهو و زريته عايشين

و بالنسبه للجوامع احنا عندنا الجوامع اكتر من المصليين و مش لاقيين ناس يصلوا فى الجوامع غير الجمع
لو عرفت ان انت تساعد حد يروح يصلى تبقى كسبت ثوابه و ربنا اعلم باللى فى القلوب

و ممكن تشوف جامع مافهوش خشبه نقل موتى - و اشتريها و ديه ربنا يكرمك كتير عشان انا شوفت ناس متبهدله عشان الخشبه ديه

تمام كدا .

بس افضل حل فعلا هو بتاع دار الاورمان , جاموسة عشر لام , او كشك لشاب ظروفه صعبة , او تشترى بطانية تحمى حد من البرد ..