عرض للطباعة
كنت عايز اعرف الفرق بين الانير 1600 مصرى والخليجى من حيث
الكماليات الى موجوده فى الاثنين
انا عرفت ان المصرى مفيهاش كاسيت فهل مفيهاش كمان سماعات ولا اريال ؟
كمان عرفت ان فيه تعديل فى ال1600 مصرى علشان تمشى بالبنزين 90 و92؟
هل الخليجى مفيهاش فرامل abs?
هل من مجيب ؟
متهيالي الموضوع دة موجود ومغطي بالكامل في منتدي المتسوبيشي يعني لو عملت بحث ممكن تلاقي معلومات كاملة عن الموضوع....
ربنا يوفقك
متشكر جدا يا استاذ هيرو على اهتمامك بالرد عليا
بس الموضع المثبت على 1300 وانا عايز ال1600
وكمان المواضيع القديمه مش موجوده كها
أستاذ Limo أنا هاكلمك عن المصري علشان ده اللي أعرفه بوضوح انما الخليجي ونظرا لأنه بيجي من جميع دول الخليج فكل دولة بتجيب الكماليات اللي هي عايزاها وبالتالي ظهر في السوق ما بعرف بـ هاف سبورت لأنها بتكون مجموعة كماليات مختلفة
انما الكماليات بتاعة اللانسر المصري 1600 بوضوح هي كالتالي :
http://www.mitsubishi-motors.com.eg/...X/options.html
1600 مانوال - 1600 أوتوماتيك
وكمالياتها تكييف وباور وسنتر وزجاج كهرباء ومرايات كهرباء وايموبيليزر وايرباج واحدة للسائق وفرامل ABS وعفشة رياضية وتجهيزات راديو كاسيت يعني 4سماعات وضفيرة واريال جانبي (يعني تشتري الكاسيت وتركبه فقط)
1600 أوتوماتيك سبورت
وكماياتها تكييف وباور وسنتر وزجاج كهرباء ومرايات كهرباء وعفشة رياضية وايموبيليزر واتنين ايرباج وفرامل ABS
ثم معاها فتحة سقف وسبويلر خلفي ولمبات شبورة وراديو كاسيت و سي دي واريال سقف وأعتاب جانبية وكساحات أمامية وفوانيس أمامية غامقة وفوانيس خلفية شفافة وفرش عادي
1600 أوتوماتيك سام هي نفسها السبورت لكن تفرق فقط فرش جلد والفوانيس الأمامية مش غامقة انما عادية والخلفية مش شفافة انما حمراء عادية
بخصوص فرامل الABS أي عربية عايز تعرف فيها ولا لأ افتح الكبوت وشوف هتعرفه من الموضوع ده
http://www.nilemotors.net/Nile/showthread.php?t=8766
متشكر جدا يا بشمهندس طارق على الرد التفصيلى
طب فى رأى سيادتك لو هجيب 1600 اجيبه مصرى ولا خليجى
علشان انا سمعت ان فيه تعديل فى سيارات المصريه علشان موضوع البنزين
كمان انا قلقان من اللخبطه بتاعه الخليجى
اللانسر 1600 المصري مفيش فيه تعديل ولا حاجه كل ما في الأمر أن الخليجي فيه Compression ratio أعلى من المصري فهو يحتاج بنزين 95 المتوفر في الخليج
ده كلام الطبيب (يعني الشركة المصنعة )
انما كلام المجرب (اصحاب اللانسر هنا في المنتدى) قالوا عن تجربة بنحط بنزين 92 ومش بتسقف ومفيش مشكلة في الموتور
طيب ايه النصيحة - النصيحة انك تشتري عربية عليها ضمان 3 سنوات او 60 ألف كيلو متر سواء مصري أو خليجي لأن حرام تخسر الضمان مقابل فرق عدة ألاف بسيطه
وان كان برضه فيه كتير في المنتدى (زي أخويا العزيز الأستاذ اسلام شاهين ) بيقولوا اللانسر عربية زي الجنيه الذهب ومش محتاجه ضمان علشان مبيحصلهاش حاجه باذن الله
شكرا جزيلا يا أخ ليمو على طرح الموضوع :)
جزاك الله خيرا.
شكرا جزيلا يا مهندس طارق على الأجابة الوافية الشاملة :)
جزاك الله خيرا.
و منكم نستفيد دائما.